2 Petro 3:16 - Biblía Axweesantá Hhohho' ar Mungú 2004

¹⁶ Adoorí an adoodá' i kaahi baraá barwaduuwós kudá' sleémeerowo, qoomár bar i kaangwí alki/iit. Baraá barwaduuwose muruuko ku gawdén tsaahharo. Múk xu'utír koomaaká nee múk aa kwa/iiká muruuwí gun warqeemiis, adoodár muruú hatlá' sleeme oo baraá Gooi ngur warqeemaamisiya'.

Ya/abtór hho' 1977

¹⁶ Adoorí an adoodá' i kaahi baraá barwaduuwós kudá' sleémeerowo, qoomár bar i iidíguuwí alki/iit. Baraá barwaduuwose muruuko ku gawdén tsaahharo. Múk xu'utír koomaaká nee múk aa kwa/iiká muruuwí gun warqeemiis, adoodár muruú hatlá' sleeme oo baraá Gooi ngur warqeemaamisiya'.

2 Petro 3:16 Iomraidhean Croise

IIMU/UUNGW 49:4

Kuúng a adór gwaanduú ma'aay, ila/aro tu gawít. Ala kuúng a baloó heé ureeká geeraá hhaeewoge, asma kuúng qatanír baabuúhúng ana i tsa/aán, baabuúwók kuri mureekés.»

1 WAAWITÁ 10:1

Waawuto'ór yaamaá Sheba xirfuú Solomon as umuú AAKOÓ MUNGÚ nguwa axás, nina hardát amór Solomon as nguwa yaahamis ar /ayma'aá gawden.

WARA'AMI 56:5

Wakuuser'eé' qooma sleémeero aníng in slahh'eemisiyá', qooma sleémeero gár ta aldakuuti a adór án tir slahh'eemisi.

TI'INAANGW 23:2

Boo/oó muu oo tlakweemaá tlehhtuú áw mu eeharaharaar, sleeme miti alkoomara' nee boo/aydá' lamabu'úngw lama gu duuxár áw baraá kwasleema as gan'amuú hee nguwa qwaareesiya'.

TI'INAANGW 23:6

«Gan'amuú narkutmo mu qwaareesaar baraá kwasleemarose.

YEREMIA 23:36

Ala daanduú huwár AAKOÓ MUNGÚ mukuwa malé oó', asma tidá' hee i axweesi an huwaarós ar kilá'. Nee muu axweesantá Munguúdá' slaáf gan paslmis. Inós an AAKOÓ MUNGÚ Aleesleemusmo Munguúín.

HABAKUKI 1:4

Gawaá adoorihe dabe kaa waaslaá', nee sakwasleemár ganaa' i káhh, asma múk tlákw múk hota ganaá' guna /amaatseék. Gawaá adoorihe tam sakwasleemár ganaa' barka tleéhh, kan isa geeqáy.»

Matayo 15:3

Yesu giri báy, «Ahaá, baré kuungá' a hara'ayár Mungú siaasiá' as uunuuhúng.

Matayo 15:6

heewí daqaní baabuúwós nee aayoorós gár ngis ilaiwawa/i i káhh.› Gawaá adoorihe kuungá' axweesantá Mungú ana warqesé' ar uunuuhúng.

Matayo 22:29

Yesu giri báy, «Aga qwadé' adoosinge, asma tidá' taa gooín a xua'aaká, tam aleesleemuú Mungú sleeme u xua'aaká.

DABE 16:19

Gár heé wa hariim ma qwaareesara', nee muu mu barqaantusara', tam slukuma ma /ayaara', asma slukuma heé gár ganaa' ga tsatsahhaám gun iimigiwísh, nee hariimár heé ganaá' gan qwaarés.

Filipi 3:19

Inooín i loohír i dirii'iyá', tidár baraá qwanoó kaw. Munguúín a gura'. Muruú tir xirfayeemisi a kuduú murér koóm. Muruú ta inslaslay oo baraaká' yaamu kilós.

Ebrania 5:11

Gawaá daanduú kaangwihe atén /ayma'aá yaariir i koomaán awa ni dirhúng i kaahaan. Ala ooaro a gár gawit, asma kuungá' tundu hargawdén gaa tsaahharo.

Yakobo 1:8

Asma inós a heé badu tsár oo baabaqaamiís baraá lohuduuwós sleémeerowo.

1 Petro 1:1

Anuú Petro, ya/abusmoó Yesu Kristo, barwaárí ngina gooiím amór múk taa tsawaár oo Mungú, oo aa diyaayaa/aat, oo baraá yaamaá dahaayi'iimár wa hoót, baraá yaamaá Ponto nee Galatia nee Kapadokia nee Asia nee Bitinia.

1 Petro 2:8

Nee kaa malé gooín, «tlaa/ár inooín gi dukuuts, nee tlaa/ár inooín ta i huui.» Inooín Axweesantadá' haratlintaaooro kan siaasii'. Gawaá adoorihe axweesantadá' iri dukuutsmo tleehhít dir'ine, asma gaarí an gár Mungú aa qoomeés daandeemooine iimír iimu/uungo.

2 Petro 2:1

Ala tam qoomaadae sleeme aaruusér lama i deer baraá tla/ángw muko. Tam baraahunge sleeme intsaahhatuusér lama i hardát. Inooín intsaahhasár hhiita ngin dahaasiyá' ar baraá naaqo, tam Aakoodá' inooín gaa tlaaxw nguri sa tlaankiyá'. Gawaá adoorihe inooín tin baraá qwanáy harakeemisiyá' ar adoorí.

2 Petro 2:14

Inooín ilaaín in tawo waseeliná' ilatleerir tsaatu'uumaro, slám i hhe'eesiaaká tlakweemaawo. Nee múk tununuú/ baraá haratlintaaooro ngun qwaareemisiyá'. Inooín a múk ló'wa peésár slaá'. Gawaá adoorihe inooín kaa lu'ús nee Mungú.

2 Petro 3:14

Gawaá adoorihe sla'aaruuser'eé', dír kuungá' tar muruuwí daamaraanda', ilakaaharu tleehhaak tawa wayduú koonda', nee tawa sihhita' dír geeraawós i alé tunduwa hhohhó' nee tawa múk xaslxaansli wásl.

2 Petro 3:2

Asma gár kuungá' tunduwa hariím a /aymi'iidaá aaruusér aáng ar hhohho' in insleerá', nee hara'ayaadá' Aako nee Ba/amusmo aa axweés ar loohír ya/abuuserhúng.

Yuda 1:4

Asma mukko i deer oo naa qawti dah. Mukwí kuna sakwasleemarí i gooín iimír aáng wa ale. A múk Munguú da'ayuumitaaká, slám a múk tsuuqaá Mungú harneét ar hotaá tlákw. Nee inooín kudá' úr oo kilós, Aakoorén Yesu Kristo, ngu sa tlaankiyá'.