2 Petro 2:18 - Biblía Axweesantá Hhohho' ar Mungú 2004

¹⁸ Asma inooín axweesanoó urén kun kah oo gaa wásl. Nee ilatleerír slaqwa kan ar gadiyuus as múk aa sangw haratlintii' kuwa al/ayi, mukdá' baraá tla/ángw tlakuuse ngaa sangw geexay.

Ya/abtór hho' 1977

¹⁸ Asma inooín axweesanoó urén kun kah oo gídaabá wásl. Inooín ilatleerír slaqwa kan ar gadiyuus as múk aa sangw haratlintii' kuwa al/ayi, mukdá' baraá tla/ángw tlakuuse ngwa sangw geexay.

2 Petro 2:18 Iomraidhean Croise

1 WAAWITÁ 13:19

Naagáy, heedaáduú Mungú nee aakoodá' niri alki/iyé', iri /ayín, nee ma'aay giri wáh doó aakoodá' wa aleero.

ESEKIELI 35:13

Aníng aga axaás adór tir xirfayeemaamis nee muruú yaariír kur axweemaamis.

DANIELI 11:36

«Waawutmoó /iya adoodá' i slai gan tleehh. Inós ti kilós xirfayees nee tiri gáwtí tleés iri ooi inós ku úr dír mungui sleémeero. Munguú mungui guri /oosliislín. Iri kumiit ay dír har afiqoomár buhhtaawós i fakiya'. Asma qoomaadá' taa qaás iwa bo/ i hariín.

DANIELI 4:30

Waawutmo iri oó', «Ga/aawak áx adór gixsár Babuloni i diri' uraywo, tidá' aníng naa tleéhh ar aleesleemueé', as tawa gixsár ur ar waawutmo i hooti nee ar xiríf baraá waawuti'iimar'eene.»

Tlehhema'aá ya/Abuuse 2:40

Petro giri ló'wa lamabu'ún ar /ayma'aá hatlá' awa yaariir, nee giri gurbu'ún iri oó', «Tundu ba/amisi dír qartír múk tlakwe.»

Tlehhema'aá ya/Abuuse 8:9

Heeko umuuwós ta bay Simon i deer baraá gixsadae. Inós a qwaslaarmo. Múk yaariír baraá gixsár Samariaro tana ló'wa waa/oó/, asma inós i kaahi, «Aníng a heé úr.»

Rumi 13:13

Atén masók an hootaán ar ilaiwa/ame ar adoodá' hotaá tlatla/aangw kiwa hariím. Ala mawa hootaán ar hheehha nee xufta, laqaá ar tsaatu'uuma nee ar slafíngw slasla/arén. Nee slám mawa hootaán ar gila nee da/i.

Efeso 4:17

Gawaá adoorihe án kuungá' nun baw, slám nun gurbu'uúm kángw kilá' wa ale ar baraá umuú Aako, ma kumiitara' tawa hota' adór múk xoordaá hatlá' ar alé. Asma inooín inslaway'ín a tawo,

2 Tesalonike 2:4

Inós a Wakaarusmo, inós tin oo úr tlehhiit dír muruudá' sleémeero muu i sluufmiisi adór munguii'ín wa ale. Slám ti ureemiis dír muruudá' sleémeero oo hhohhoe. Nee inós in baraá Doó Mungú i iwtanángw aa'áy, iwa kaahi, «Aníng a Mungú.»

Yakobo 5:5

Kuungá' baraá slafingwhunge ana hoté' ar hheehha nee ar qwal/uú ilatleeri. Kuungá' munerhúng ana wahhaareemisé' as deeloodá' tunduwa tsu/i.

2 Petro 1:4

Gawaá adoorihe tam al'axweesanoó urén nee oo afhhamít ugwa slawaán ar xirfuuwós nee /uuruuwós. Kuungá' al'axweesanaywí bura haratlintié', hhitiru'uumár baraaká' yaamu daqaní ilagowto a aleesleerá', nee tlehhmuú munguiima u sleerá'.

2 Petro 2:14

Inooín ilaaín in tawo waseeliná' ilatleerir tsaatu'uumaro, slám i hhe'eesiaaká tlakweemaawo. Nee múk tununuú/ baraá haratlintaaooro ngun qwaareemisiyá'. Inooín a múk ló'wa peésár slaá'. Gawaá adoorihe inooín kaa lu'ús nee Mungú.

2 Petro 2:2

Múk yaariír inooín gi eehar baraá slafingw'ín kudá' slasla/aare, nee loohidár looeema ka /ooslislín as inooín.

2 Petro 2:20

Mukwí geeraawo tina paraátl dír slasla/aruú baraaká' yaamuwo, qoomár Aakoorén nee Ba/amusmoorén Yesu Kristo kuwa xuú'. Aluuwo kuri malé uuruúx tari kií/ baraá slasla/aruudí alé, kiri baál nee slasla/aruudá'. Gawaá adoorihe tlehhemuuín kwí oo alhhe'eesaay ku ló'wa tlaákw ta kuduú geera ba/a.

2 Petro 2:7

Ala Mungú Loti guna ba/amís. Inós a heé hota ganaá'. Inós kuna daawitimiís nee slafíngw slasla/arén oo mukdá' tlákw oo yaamuudá' wa hoót.

2 Petro 3:17

Ala kuungá' sla'aaruuser'eé', kuungá' adoorí aga qaroó xué'. Gawaá adoorihe ti harmagahhe'. Ma ya/aamara' tunduwa uuruuxi baraá haratlintaaorhúng tidá' taa oti'i, nee tunduri qwaarees nee múk tlákw.

Yuda 1:13

Inooín a adór gwaanduú tlawi, kudá' ila/aaro ta aleeslayká, mureewasler'ín ka geehhoo' adór sloorór gwaanduú baraá tlawi. Inooín a adór tsatse/uú tawó qwaqwadiím, kudá' dir'ín taa amohhe'eés baraá ma/ami ay alhhe'eesay wasle.

Geehhoeemaá 13:11

Aluuwo makiito'ór hatlá' ngiri ár. Makiito'oorí i ti'imít yaamuú wa ale. Makiito'oorí xareemiwós a tsár, a adór xareemaá deelmoó bee/i. Makiito'oorí bir axwés afoorós a adór tidár dayshamoó úr.