2 Petro 2:1 - Biblía Axweesantá Hhohho' ar Mungú 2004

¹ Ala tam qoomaadae sleeme aaruusér lama i deer baraá tla/ángw muko. Tam baraahunge sleeme intsaahhatuusér lama i hardát. Inooín intsaahhasár hhiita ngin dahaasiyá' ar baraá naaqo, tam Aakoodá' inooín gaa tlaaxw nguri sa tlaankiyá'. Gawaá adoorihe inooín tin baraá qwanáy harakeemisiyá' ar adoorí.

Ya/abtór hho' 1977

¹ Ala tam qoomaadae sleeme aaruusér lama i deer baraá tla/ángw muko. Tam baraahunge sleeme intsaahhatuusér lama i hardát. Inooín intsaahhasár hhiita ngin dahaasiyá' ar baraá naaqo, tam Aakoodá' inooín gaa tlaaxw nguri sa tlaankiyá'. Ala gawaá adoorihe inooín tin harakeemisiyá' baraá qwanáy i alé ar adoorí.

2 Petro 2:1 Iomraidhean Croise

1 WAAWITÁ 22:6

Ahabu aaruuse gari burumbuúr, aaruusér tsiire tsiiyáhh, gari yaahaás, «Xaysé' aníng a haraatláwa Ramot-gileadi, laqaá daqawká?» Inooín tari oó', «Haraatláw, AAKOÓ MUNGÚ kuúng u baalírí haniis.»

TI'INAANGW 15:16

Dae nee hor/iro gaa eér, ar aleesleemuú dakoge inooín niri xaslmiitiyé' adór tlaa/ano. Aá AAKOÓ MUNGÚ, ay dír mukók i waaraahhi, ay dír mukók kudá' taa ba/amís i waaraahhi.

ISAYA 9:15

Sage an bariisér ilaiwa/amér koom, hhayshe an aaruuseedá' lamtá intsaahhatimisá'.

YEREMIA 29:21

«Daanduú Ahabu garmoó Kolayawo, nee daanduú Sedekia garmoó Ma'aseya, kudá' kuungá' nu aaru'uumár lamtí kaahá' ar umuueé'. Anuú AAKOÓ MUNGÚ Aleesleemusmo, Munguú Israeli, inooín i haniís gawaá dabaá waawutmo Nebukadnesa oo Babuloni. Inós inooín gin tsuu/ dír ilaahúng wa alé.

YEREMIA 37:19

Aaruuseerók tidá' ugwa i aaraariin i amá, tidá' ugwa baabeer, ‹Waawutmoó Babuloni kuúng u iharaatlayká laqaá yaamuuká'?›

YEREMIA 6:13

Inooín sleémeero iimír na/aá ninákw wa tleemu ay múk urén slaasláwár ganaa'aaká ngi tawo slaiyá'. Tam aaruuse nee kaahamuusero umuú heewo gaa a lama gan tlaaq.

WA/AA/I 2:14

Aaruuserhúng gár daanduhunge aa aán, a iigu'utuú lama nee oo al/ayma. Tlakweemaahúng ngaa geehhoeesi'iiká, as kahhó' kiwa meera'. Ala aarír lama ngina kuungá' babayé', tidá' kuungá' nu qwaareemiis.

HOSEA 9:8

Anuú aarusmo a xuumusmoó múk Israeli, múk Munguúeé', ala umuúqo amór i kay'a kaa tsaaxweelírí qaás, tam baraá doó Munguine inooín ki slaiiká.

MIKA 2:11

«Heé kuungá' ta sla'a' a kudá' lamtá dahaaremiís nee al/ayma, oo káh, ‹Xuftár yaariir a sleerá' tawa wahaanda' tay oonimitá'.› Aarusmoó adoorír axweés, an kudá' nee kuungá' ti slawá'.

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

MIKA 3:5

AAKOÓ MUNGÚ i kaahi, «Aaruuse muk'eé' gu sadakumís, asma hee barnaxes ngwa gaárí haniís, gun bay, ‹Wayda u sleér,› ala hee bar gaa ngaa haniisiiká, gun i aarín iwa kaahi, ‹Slaqwara ga sláy.› »

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Matayo 10:33

Ala umuúqo heewo oo án iga sa tlaank dír geeraá muko, aníng inós u sií' dír geeraá Baabuúeé' kuduú gawaá dooriiwo.»

Matayo 24:11

Aaruusér yaariir ar lamuuse ni hardát, inooín múk yaariír ku al/aay.

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Matayo 24:5

Asma múk yaariír ni hardah oo ti ateetiím ar umuueé', tawa kaahi, ‹Aníng a Kristo.› Inooín múk yaariír ku al/aay.

Matayo 7:15

«Ti harmagahhe' dír aaruusér lamuuseero, inooín birni amorhúng kayá' tlabaá bee/aangw nga tsiitiyé', ala laatí baraaine a taweruú xaraásl.

Marko 13:22

Asma kristo lama nee aaruusér lamuusero ni ti'iitiyá'. Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Luka 12:9

Nee kudá' án iga sa tlaank dír geeraá muko, nee inós ku sii' dír geeraá malaykér Mungú wa ale.

Luka 21:8

Iri oó', «Ti haramagahhe', mutunduwa al/aáy. Asma múk yaariír ni hardah tiwa umuueénár ateetin, tawa kaahi, ‹Aníng a Kristo›, nee tawa kaahi, ‹Qooma naa tseewuúr›. Ala mi eehaarara'.

Luka 6:26

«Kuungá' muu sleémeero burna xirfayeemiís, a tsaxwaahúng, asma baabi'ii'ín aáng adoosíng ngina tleehhiyé' dír aaruusér lama.»

Rumi 16:18

Asma múk adór kwí Aakoorén Yesu Kristo gu sagadiyuusiiká, ala a gur'er'ín kilós kan sagadiyuus. Inooín múk hhaawuuse ngun al/aginá' ar axweesanay'ín oo tsatsaa'arén nee oo sla'atimís.

1 Korinto 11:19

Asma a gár hariím daqooroó adoosíng niwa ti'iiti baraá tla/angwhunge, as mukdá' haratlintaaór ló' ga koóm iwa geehhoouy.

1 Korinto 6:20

Asma inós kuungá' nuna tlaáxw ar tlaxór ur. Gawaá adoorihe, kuungá' Mungú xirfayeemisaak ar slaqoohúng.

1 Korinto 7:23

Kuungá' tunduna tlaáxw ar tlaxór ur. Ma lawaalér muu tleehhitaara'.

Galatia 2:4

Ala hhaeekaariya' lamuuse nina qawti dahiye' baraá dinkwaadá', as amohhooaadá' atén ta koomaan baraá Kristo Yesuwo ngiwa tsee/aarina' as kahhó' atén tiwa ki/isiya' baraá lawaali'iima.

Galatia 3:13

Kristo atén tina tuú/ baraá lo'oodár hara'ayaaro, qoomár lo'oorén tidá' inósuú kilá' ngiwa gagaár. Asma kaa gooín, «Umuúqo heewo oo taa gawaá xa'anií kikií' kwaa lu'ús.»

Galatia 4:17

Mukqaáqá' gár i slai masók kuungá' tundun uuruux amor'ínií alé, ala gár adoorí kas slai ar hhoo' i káhh. Gár inooín ta slai masók kuungá' tundun paraatl dir'eene as inooín kuungá' kiwa eehada'.

Galatia 5:20

nee slaqsa'aá mungui kiwa haratlintaati'i, nee da/ari, nee wakaari, nee gila, nee da/i, nee buhhta, nee fola, nee tlaahhi qamiingw, nee partlito,

Efeso 1:7

Atén tina gweér baraá lawali'iimár Neetlaango, hingeemisuú tlakweema kway slawaán ar loohír gwa'arár Kristo. Gawaá adoorihe gurtleemuuwós ku ló'wa úr direne.

Efeso 4:14

Daqaní atén a kumiitanaaká adór na/aá ninákw wa ale, tiwa kwakwaahhi nee gwaanduú ma'aay umuúqo barto, nee tiwa huwahuwi nee fur'ár intsaahhatimisuú dimbadimbé oo lama, oo mukdá' ti al/agiím. Inooín an kudá' atén ti qwaareesár wa sla'á' ar al/aymar'ín.

DABE 32:6

Aá daktána nee múk sage waslén, AAKOÓ MUNGÚ musa adoosír bué'? Inós a baabuúhungeekáhe, kudá' kuungá' naa tleehh, tleehharusmoohúng kudá' kuungá' naa gawdeesikáhe?

Filipi 3:19

Inooín i loohír i dirii'iyá', tidár baraá qwanoó kaw. Munguúín a gura'. Muruú tir xirfayeemisi a kuduú murér koóm. Muruú ta inslaslay oo baraaká' yaamu kilós.

Kolosai 2:18

Mukko i deer, oo ti kilooín niinaweemiís ar al/ayma, nee adoorí ngi sa qwalaala/iyá', slám i malaykér firiiriná'. Nee tin kilooín xirfayeemisiyá' as iigu'utuuín, gár tas daara/an ar kilá' i káhh, a inslaway'ín oo tlákw. Múk adór kwí munduwa al/aáy nee qeemuuhúng guri hayoh.

Kolosai 2:8

Ti harmagahhe', hee munduwa naáxw ar axweesanaywós oo tawo oo gaa wásl oo al/ayma. Asma axweesanaydá' amór naa daáhh a amór unuú muu, a amór Kristoowooká.

1 Timoteo 5:8

Ala umuúqo heewo oo mukós gu amohhe'eemisaaká, ak alé múk do'ósuú kilá', heé adoorí haratlintaao gaa sií', nee inós a heé ló'wa tlaákw ta kudá' aa haratlinti'iiká ba/a.

2 Timoteo 4:3

Asma qooma i hardát ar muu intsaahhatimisuuduú ló' nguwa si'i. Aluuwo intsaahhatuuser'ín ar yaariir kari leeleehh ar adoodá' inooín ta slai, as intsaahhatimisuudá' inooín ta slai kuwa axamiisi.

Tito 1:11

Mukwí masók ku afe tseek. Asma inooín múk maraá muu ngun sageeqwaareemisiyá' as intsaahhasár lama ngiwa intsaahhatimisiya' ar mure wasl, as inooín slaasláw kawa slay.

Tito 3:10

Heé partlitór huwahuúw bir deer, naanaaqeek har geeraawo, tam sagaáwa tsár sleeme. Ala bira sií', sieek.

Ebrania 10:29

Ala heé Garmoó Mungú gwa kalaa/ a adoomá? Sakwasleemarós ka ak ureéke? Asma inós tseerér alqadór Mungú gaa waaqaá', tidá' inós gwa hhoohhooes, nee Qeeruú Mungú guri malé /oosliislín, kudá' tsuuqa gi hanmaamiís.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.

1 Yohana 2:26

Kaangwí nguna dirhúng i gooiím daanduú mukdá' kuungá' nu qwaareemisa.

1 Yohana 4:1

Sla'aaruúse, umuú gár ta kaahi ma haratlintatiaara', ala alqaytsitaak, áx amór i dahh a amór Mungúhe. Asma aaruusér yaariir ar lama naa ti'ít.

Yuda 1:18

Inooín tana oó', «Qoomár alhhe'eesaywo waniquuse i ti'ít ar ilatleerir'ín tidár qwanaay ga eeharahar.»

Yuda 1:4

Asma mukko i deer oo naa qawti dah. Mukwí kuna sakwasleemarí i gooín iimír aáng wa ale. A múk Munguú da'ayuumitaaká, slám a múk tsuuqaá Mungú harneét ar hotaá tlákw. Nee inooín kudá' úr oo kilós, Aakoorén Yesu Kristo, ngu sa tlaankiyá'.

Geehhoeemaá 13:14

Nee inós múk baraá yaamuú wa hoót gun paslimís ar layuuwós kudá' i tlehhit dír geeraá makiito'oodár geeraá wa ale. Inós mukdá' baraá yaamuú wa hoót gun babeer, «Murslaaqat tleehhaak oo slaqsoó makiito'oodá' taa inkaahhi'ií qaás ar paánga, nee iri male sláf.»

Geehhoeemaá 2:13

Kuúng dír ta hot aníng a xuú'. Kuúng dír ta hot a didár kitángw aleesleemu oo Neetlaangw. Ala án kuúng iga sa tlankká, slám ana kumaamít aníng iwa haratlintaati' tam qoomár de'emaá Antipa lamabu'usmooeé', slám a lamabu'usmooeé' oo inkihhím. Inós kuna gaás baraá tla/angwhúng i alé, didá' Neetlaangw i hooti.

Geehhoeemaá 2:9

Aníng slahh'amaayeerók a xuú', nee narkuwoge. Ala kuúng a daqaarmo. Nee slám a xuú' /ooslislíngw mukdá' káh, atén a múk Yahudi, ala laatí a inooineeká, ala inooín a múk Neetlángw eeharahár.

Geehhoeemaá 3:8

Aníng kángw tlehhemi'iiwók u xuú'. Qaytsiít, aníng afkú do' oo taa gweér ngwa qaás dír geeraawók i alé, ala heé tseegamooro gu aleesláw i kaahh. Aníng a xuú' kuúng /uuruú niiná u koón, nee slám kuúng axweesante'eé' aga ót, nee aníng iga si'iká.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.

Geehhoeemaá 6:10

Inooín tari tseeamín ar afór ur ta kaahi, «Aáko, kuúsíng hhoohhoó' nee oo looeemaá axweés, kuúng ta damraaraan ay xaylá? Kuúng sakwasleema ka tlehh a xaylá, as li/oó tseereerén kuwa bu' dír mukdá' baraá yaamuú wa hoota?»