2 Petro 1:8 - Biblía Axweesantá Hhohho' ar Mungú 2004

⁸ Asma muruuwí sleémeero barnaxes i deer dirhunge, nee bira doogiigín, kuungá' daqaní a tawó iwiwita'aaká, nee slám slafingwhúng daqaní muruú hhó' ngu huuw, nee Aakoorén Yesu Kristo u ló'wa xu'uti hhe'esá'.

Ya/abtór hho' 1977

⁸ Ala muruuwí sleémeero barnaxes i deer dirhunge, nee bira doogiigín, kuungá' daqaní a tawó iwiwita'aaká, nee slám slafingwhúng daqaní muruú hhó' ngu huuw, nee Aakoorén Yesu Kristo u ló'wa xu'uti hhe'esá'.

2 Petro 1:8 Iomraidhean Croise

AXWEESANOÓ SAGALOOA 19:15

Tli/a hee gu saaqír ar eér, nee heé tli/usmo slahh'amuú qwari gu tsaaq.

Matayo 13:22

Nee kudá' aa paahh baraá laqaya', an slaqsoó múk axweesantadá' gaa axaas, ala daawitimér yaamu nee al/aymár daqaari'iima axweesantadá' gari tlíq, axweesantadá' iri laqwaliká.

Matayo 20:3

Qoomár looár tame iri malé tláy, múk hatlá' guna ár i sihhimiit baraá boo/áy wa ale, i gadiyér kon'aaká.

Matayo 20:6

Qoomár looár mibaá nee wake iri malé tláy, awa hatlá' gina malé ár baraá boo/aay, ta sihhimiit tawó alé. Giri báy, ‹Baré tlaatla/aangw sleémeero a tawó diirí sihhimitá', slám a gadiyér koonda'aaká.›

Matayo 25:26

«Aakoowós iri oó', ‹Kuúng a lawaalmoó tlaákw nee oo tli/usmo. Kuúng bar xú' adór aníng nir bu'uúm didaádá' gaa ngiwa dahaasiiká, nee a burumburiím didaádá' gaa ngay intlahiiká,

Yohana 15:2

Umuúqo halmír laqwaliimaaká baraaeene gan hingees. Nee halmiidá' laqwaliim, gan fiits, as iwa laqwal kángw kilá' wa ale.

Yohana 17:3

Nee slafíngw alhhe'eesay wásl an kwí, kuúng uwa xuiya', Munguúduú ló', kudá' wák, nee Yesu Kristo, kudá' naa ya/áp.

Yohana 5:42

Ala án kuungá' naa tsaáhh adór sla'aarír Mungú ir káhh baraahunge.

Rumi 12:11

Gadiyeé na tleehhaak ar ilakaaharu, ala ar tli/itooká. Kuungá' baraá munerhunge masók a múk ilakaaharuú koóm, Aako na sagadiyuusaak.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

2 korinto 13:5

Kuungá' ti kiloohúng aldakute', xáy, a baraá haratlintaaór i dir'á'a? Kuungá' ti kiloohúng iiade', laqaá kuungá' a tsahha'aakáhe adór Yesu Kristo ir baraahúngií dirii'? Ala bir kaahh, daqaní kuungá' tunda sií'.

2 korinto 8:2

Inooín kaa ló'wa iiara'ár ar slahh'amuudá' yaariír oo taa slasláy. Ala tam adoorihe qwal/uuín ina ló'wa tlaáhh, tam ohmér yaariir kari ló'wa duxún, ala tam inooín a narkuutér kilae.

2 korinto 8:7

Kuungá' a ló'wa daqaare baraá umuúqo gaaro, baraá haratlintaaooro, nee baraá axweesanaywo, nee baraá xu'uti nee baraá ilakaaharu sleémeero, nee baraá sla'aarirhúng, tidá' atén tiwa sla'a'a. Gawaá adoorihe adór kuungá' tar daqaare baraá ohmeesíng ta hanisa'a laqaamaak sleeme.

2 korinto 9:14

Gawaá adoorihe inooín tsuuqaá Mungú awa waa/oo/amór koomá' kudá' naa amorhúngií haniís ki tsaahh, nee kuungá' tunduri aleefiriirín nee tunduri ló'wa slaá'.

Filipi 1:9

Gár aníng kuungá' nuwa aleefiriiriim a tí, sla'aarirhúng i kumit iwa ló'wa doogiigiin dinkwa nee xu'uti nee dahar sleémeerowo,

Filipi 2:5

Kuungá' masók muunuú adór kuduú Kristo Yesu un koondá'.

Filipi 3:8

Ala a muruuwí kiloseká. Mura' sleémeero un harafadiít tawa /aareemaá kilá' asma Kristo Yesu Aakooeé' nguwa xuú', gaarí a gár afhhamít ta muruú hatlá' sleémeero ba/a. Mura' sleémeero una geexáw as inós, mura' sleémeero una harafaár tawa xwaansloó tawo, as kahhó' Kristo nguwa slaw,

Kolosai 1:10

Daqaní a aleesleerá' tawa hota' ar adór hariím dír Aakoowo, Aako kuri qwal/atisá', nee adoodá' inós i slai kari tlehhitá'. An malé firiimaán as kuungá' umuúqo gár hhoo' kawa tlehhita', nee tawa kumita' Mungú kuwa tsatsahhaanda'.

Kolosai 2:7

Dee/áruuhúng masók ku gawít baraawose, slafingwhúng gawaawós wa tlehhiitaak, kuungá' masók an kwa/aakwa/á' baraá haratlintaaorhunge ar adoodá' tundura intsaahhatimís, nee tawa hatsa' sluufaywo.

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

1 Tesalonike 3:12

Aako inósuú kilá' sla'aarirhúng ngi ak doogi tiwa kiloohúng sla'asla'a', nee muu sleémeero kuwa sla'a', adoodá' atén kuungá' nur sla'aan.

1 Tesalonike 4:1

Hháe, gár alhhe'eesáy a tí, kuungá' aga dirén wa intsahhé', adór kuungá' tunduwa hariím hotaango as Mungú kuwa sla'atisa'. Adoorí an adoosíng hám tar hota'. Ala hám daxta atén kuungá' nun firiimaán nee nun gurbuaán ar umuú Aako Yesu, slafíngw adór kwisíng ba/a ar hootaak.

2 Tesalonike 1:3

Hháe, atén gár tiwa hariím a Mungú un sluufmiisaán umuúqo deelooro as kuungá'. A gár hariím adoorí atén kawa tleehhaan, asma haratlintaaorhúng i ló'wa doogigiín, nee slám a ló'wa uraareerá' baraá sla'aarír kuungá' tiwa kiloohúng sla'aasla'a'a.

1 Timoteo 5:13

Slám inooín waaweeraay ngun deliitiyá', nee gawaá adoorihe tli/a ngiri intsaahhiyá'. Ala a har tli/a kiloseká. Tam niri takaahuuse tleehhitiyá'. Nee sleeme tawa darahi baraá muruú muu, kudá' inooín wa hariimaaká.

Tito 3:14

Nee mukrén sleeme gár kuwa hariím masók a tlehhema'aá hho' tleehhtuuwo kin intsaahh didaádá' kiwa hariím, as matawa tawó hoót baraá slafingw'ine.

Filemoni 1:6

Án kuúng gár us aleefiriiriim a tí, kuúng masók haratlintaaoorók an lamabu'uún dír múk hatlá' i alé. Gawaá adoorihe atén sleémeero tsuuqadá' sleémeero masók in tsaahha hhe'eesaán, kudá' ta koomaan baraá Kristowo.

Ebrania 6:12

Atén a sla'aanaaká kuungá' tawa tli/uuse, ala kuungá' masók a adór mukdá' aa haratlintii', kudá' qiqtliím, as kahhó' muruudá' aa al'axweés kuwa ala'.

2 Petro 1:2

Tsuuqaá Mungú nee wayduuwós i ló'wa doogine' dirhunge, as kángw Mungú nee oo Aako Yesu kuwa xua'.

2 Petro 1:3

Mungú atén tina ateét ar xirfuuwós nee /uuruuwós. Inós atén nguri xuaán. Aluuwo inós mura' sleémeero nguri atén i haniís ar /uuruuwós kuduú munguiima, muruudá' sleémeero atén ta sla'aan as tawa hootaan ar slafíngw Mungú kuwa ilaiwawa/aan.

2 Petro 2:20

Mukwí geeraawo tina paraátl dír slasla/aruú baraaká' yaamuwo, qoomár Aakoorén nee Ba/amusmoorén Yesu Kristo kuwa xuú'. Aluuwo kuri malé uuruúx tari kií/ baraá slasla/aruudí alé, kiri baál nee slasla/aruudá'. Gawaá adoorihe tlehhemuuín kwí oo alhhe'eesaay ku ló'wa tlaákw ta kuduú geera ba/a.

2 Petro 3:18

Kuungá' kumiité' tawa urareera' Aakoorén nee Ba/amusmoorén Yesu Kristo kuwa xua', nee tawa gawduura' ar loohír tsuuqaawós kudá' ni tawó hanmamiisi dirhúng i alé. Inós i xirfuuti iimír hamí ay alhhe'eesaay wasle. Amin.