2 Petro 1:6 - Biblía Axweesantá Hhohho' ar Mungú 2004

⁶ nee baraá xu'utirhunge harqoomaay doogaak, nee baraá haraqoomayhunge qiqtliingw doogaak, nee baraá qiqtlingwhunge ilaíwa/amér Mungú doogaak,

Ya/abtór hho' 1977

⁶ nee baraá xu'utirhunge kuungá' kiloohúng tiwa ila/aanda', nee baraá ila/angwhunge qiqtliingw kuwa laqaqaanda', nee baraá qiqtlingwhunge Mungú kuwa ilaiwawa/a',

2 Petro 1:6 Iomraidhean Croise

IIMU/UUNGW 5:24

Enoki nee Mungú tana aldinku'uús baraá hotaawose, aluuwo iri ilaá wa qwaár, asma kuna ar tláy nee Mungú.

WARA'AMI 37:7

Dír AAKOÓ MUNGÚ i xasliiteek, inós ku daán ar qitla. Kurkeér heé adoorós tidá' ar al/ayma ga ya/a/aám, nee mukdá' lohuín kudá' tlakw ngaa muruú wa slaye'.

ISAYA 57:1

Heé hota ganaá' bira gwaá', heé adoorí ga gaárií xuú' i kaahh. Heé hhoó' bira gwaá', heé gaarí ga tsatsaahhaám i kaahh oo káh, «Heé hota ganaá' kura tláy, amotlakwe munguwa sleér,

Luka 21:19

Kuungá' bara qiqtlatliindé', a ba/aandá'.»

Luka 8:15

Kuduú baraá hhapér hho' an slaqsoó mukdá' axweesani gaa axaas, kari ooha hhe'eés ar munér ilaiwa/ame, iri laqwál ar qitla.»

Tlehhema'aá ya/Abuuse 24:25

Paulo kángw hotaá ganaa'á' nguwa alki/iít, nee kángw harqoomaay, nee sakwasleemár hi'iit, Felisi iri da'ayuút guri báy, «Kuúng ala tláw, án pa/aangw bura sláw, án kuúng uqo ateét.»

Rumi 15:4

Asma Gooi sleémeero tidá' taa qaroó gooín, kana gooín as atén tiwa intsaahhatimis. Atén qitla nee gurkwa/amis u slaslawaán baraá Gooiro. Gawaá adoorihe a gawduwaán baraá haraxu'utirene.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

Rumi 8:25

Ala barnaxes gar ta ga/aawanaaká a haraxuaán, gadaádá' an daamaaramaán ar qitla.

1 Korinto 9:25

Umuúqo heewo oo qwaátl baraá neetooro, aqo tin ilaa/ baraá umuúqo gaaro. Mukwí adoorí gan tlehhiit as slamangwdá' hhitiruút kuwa slay. Ala atén adoorí an tlehhiitaán as slamángw hhitiruutaaká kuwa slawaan.

2 korinto 6:4

Ala baraá umuúqo gaaro atén tin laqaqamaán adór tar sagadiyuusér Mungú. Atén an qiqtliimaán ar qitluú yaariír baraá haleeleeamituuwo nee baraá slahh'amaayero nee tam baraá daero.

Galatia 5:23

nee tsaeema, nee harqoomaay. Gawaá daanduú muruú adór kwihe hara'aya i káhh.

Kolosai 1:11

An firiiriimaán as kahhó' Mungú baraá aleesleemuuwós kudá' xirfuú kooma, kuungá' nuwa /uuruú i haniisi, as tawa qitla' baraá mura' sleémeero oo ti'imiita.

1 Tesalonike 1:3

Umuúqo deelooro an inslawiiwimaán dír geeraá Mungú Baabuúrene, adór haratlintaaorhúng ira geehhoouúr ar baraá tlehhemi'i, nee adór sla'aarirhúng nura tliw/iín as gadiyeé kawa ló'wa tlehha', nee haraxu'utirhúng baraá Aako Yesu Kristoowo adór qitla ngura hanís.

2 Tesalonike 1:4

Gaarí an gár ataá kilá' xirif kus ara'araan daanduuhunge dír múk kríshaanáy oo baraá yaamaá hatlae. Atén xirif un ara'araán as adoodá' kuungá' tawa kumita' baraá haratlintaaooro. Asma gusisiingw sleémeero u qiqtliindá' nee slahh'eemisuudá' ta slasleera'a.

2 Tesalonike 3:5

Masók Aako munerhúng gan gan'aás amór sla'aarír Mungú nee baraá qitluudá' Kristo ni hanmiisi.

1 Timoteo 2:10

Ala parootir'ín masók an tlehhema'aá hho'. Asma adoorí an adór hariim dír /ameenár, Munguú ilaiwawa/a.

1 Timoteo 2:2

Waawitá aleefiriirimaak nee kudá' aleesleemuú koomá' sleémeero, as atén tawa hootaan ar slafíngw amohhooa nee oo wayda, Mungú kuwa haratlintatiaan nee tawa hootaan ar adoodá' hariim.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

1 Timoteo 6:11

Ala kuúng a heé Mungú. Kuúng ti paratl nee muruú adór kwí. Hotaá ganaa'á' na eehareek, nee ilaiwa/ame nee haratlintaao, nee sla'aari nee qiqtliingw nee tsatsaa'areema.

1 Timoteo 6:3

Umuúqo heewo kudá' sagalooór hatlá' ga intsaahhatimís, slám axweesanoó Aakoorén Yesu Kristo kuduú ló' gu ya/a/anká, nee intsaahhasár haratlintaaoorén,

1 Timoteo 6:6

Ala ar ló', ilaiwa/amér Mungú i slaasláwár yaariír huwahúp dír heewo, hee barnaxes ku yaanda hhoó' baraá tidá' i kona.

2 Timoteo 3:5

Inooín bir ga/eér a adór múk Mungú, ala /uuruú Mungú ku ya/a/anká. Kuúng ti paratl dír múk adór kwihe.

Tito 1:1

Anuú Paulo barwaárí ngina gooiím. Aníng a sagadiyusmoó Mungú nee ya/abusmoó Yesu Kristo. Aníng tina tsawaár nee tina ya/aáw as múk Mungú aa tsawaár nguwa alee/iis iwa haratlintii'i nee kángw looeema nguwa xuiya', kudá' hariím as Mungú kuwa ilaiwawa/i,

Tito 1:8

Ala inós masók a heé múk dahi'imís, nee heé hhooeemaá slaá'. Nee masók a heé qoomoó koóm, nee heé gan'amuú koóm. Nee slám masók a heé hhoohhoó' oo ti kilós harmagagaáhh.

Tito 2:2

Bariisér aa uraareer ka beer, ar tunduwa hariím masók an danqamisuú koondá', nee masók a múk daharuú koóm, nee sagalooa. Nee slám masók a múk aa sihhiit baraá haratlintaaooro, nee baraá sla'aariro, nee tam baraá qiqtliingo.

Ebrania 10:36

Kuungá' gár tunduwa hariím an qiqtliindá', as adoodá' Mungú aa slaá' kawa tlehhita', nee gadaádá' inós aa oó' baraá al'axweesantose kawa sleera'.

Ebrania 12:1

Asma atén taa harweér nee lamabu'uuseerí yaariir adór huunkár alé. Gawaá adoorihe atén sleeme gár tiwa hariím a muruudá' sleémeero atén ti iilooeemiís un kwahhaán, nee tin paraatlaán nee tlakweemaadá' sleémeero atén taa oohiye', nee slám atén tawa geerií ta'aimaan ar qitla baraá qwaatloodá' taa dír geeraarén i qaasi.

Ebrania 6:12

Atén a sla'aanaaká kuungá' tawa tli/uuse, ala kuungá' masók a adór mukdá' aa haratlintii', kudá' qiqtliím, as kahhó' muruudá' aa al'axweés kuwa ala'.

Ebrania 6:15

Gawaá adoorihe Abrahamu iri qiqtlín, nee gadaádá' Mungú aa al'axweés, gari sláy.

2 Petro 1:3

Mungú atén tina ateét ar xirfuuwós nee /uuruuwós. Inós atén nguri xuaán. Aluuwo inós mura' sleémeero nguri atén i haniís ar /uuruuwós kuduú munguiima, muruudá' sleémeero atén ta sla'aan as tawa hootaan ar slafíngw Mungú kuwa ilaiwawa/aan.

2 Petro 3:11

Ala mura' sleémeero barqo in adoorír weeq, kuungá' gár tunduwa hariím masók an hotá' ar slafíngw hhohhó' nee oo Mungú kuwa ilaiwawa/a',

Geehhoeemaá 1:9

Aníng a Yohane, hhiyaahúng, kudá' aa al dinku'uus nee kuungá' baraá slahh'amaayeero, nee baraá Waawuti'iima, nee baraá qiqtliingw baraá Yesuwo. Qoomarkaaro aníng ana hardáh baraá yaamaá kaahaar awa tla/ángw tlawi, awa ta bay Patmo, as a axweesantá Mungú ngiwa alki/iit nee Yesu nguwa lamabu'uum.

Geehhoeemaá 13:10

Hee bar kwa tseegamór i gooín, aqo kun tseek. Nee hee bar kwa gaasár i gooín ar paánga, aqo kun gaas ar paánga. Baraá kaangwihe múk hhohhó' oo Mungú gár kuwa hariím a qitla nee haratlintaao.

Geehhoeemaá 14:12

Baraá kaangwihe múk hhohhó' oo Mungú, kudá' hara'ayár Mungú gaa oh nee oo aa kumiit Yesu haratlintaaooro, inooín gár kiwa hariím a qitla.

Geehhoeemaá 2:2

Aníng kángw tlehhemi'iiwók u xuú', nee daawitimeerók nee qiqtliingók. Nee slám a xuú' adór múk tlákw sa qiqtliingo kur aleesleeraaká. Slám mukdá' ugwa iiát, kudá' káh, inooín a ya/abuuse, ala laatí a ya/abuuseerooká, kiri tsáhh adór tar lamuuse.