2 Petro 1:21 - Biblía Axweesantá Hhohho' ar Mungú 2004

²¹ Asma axweesantá aaru'uuma kinga baloó huwiiká as adoodá' hee i slai. Ala muu axweesantá Mungú gana axweés kiwa geeraharahaár nee Qeeruú hhoohhoó' oo Mungú baraá muner'ine.

Ya/abtór hho' 1977

²¹ Asma axweesantá aaru'uuma kinga baloó huuwiiká as adoodá' hee i slai. Ala muu axweesantá Mungú gana axweés kiwa geeraharahaár nee Qeeruú hhoohhoó' baraá muner'ine.

2 Petro 1:21 Iomraidhean Croise

2 SAMUELI 23:2

«Qeeruú AAKOÓ MUNGÚ i axwees ar loohír aníng, axweesantós ngina qaás baraá afkueé'.

1 WAAWITÁ 13:1

Looarka wake Yeroboamu iwa sihhiít dír bihhaá kitangwduú ilahhooa, kudá' mooyángw tsuú' kuwa da/aa/an, as mooyaangw nguwa da/i, heé Mungú oo yaamaá Yuda daáhh ina hardáh dír Beteli. Heewí i ya/abtór AAKOÓ MUNGÚ kón.

1 WAAWITÁ 17:18

/Ameenidá' Eliya guri beér, «Xáy, kuúng heé Mungú, gár adór tí a milá naa aníng i tléhh? Kuúng nina dooeéní hardáti as tlakweemaaeé' kiwa laqaan, nee gaarí an gár garmaaeé' gwaa gas?»

1 WAAWITÁ 17:24

/Ameenidár kwaalo'o Eliya guri beér, «Ar looeemaawo án daxta aga tsaáhh adór kuúng tar heé Mungú, nee axweesantadár AAKOÓ MUNGÚ ta kat ar ló'.»

2 WAAWITÁ 4:22

Aluuwo hhawaatuwós guri atét, guri beér, «Sagadiyusmoó wake qawáng nee daqwaywo, as kahhó' niwa gaanslár daqaw amór heeduú Mungú, niqo wayaá'.»

2 WAAWITÁ 4:7

/Ameenidá' iri tleér dír heé Mungú, guri kangwdá' beér. Heeduú oo Mungú gari báy, «Tláw di/itisíng weeriseek inusmoowók bu'uumeek, daqaní kiíng nee na/iiwók a hotá' ar peésaasíng aa met.»

2 WAAWITÁ 4:9

/Ameenidá' hhawaatuwós guri beér, «Aníng aga tsaáhh heewí umuú daqto diirí kaakáw a heé hhoohhoó' oo Mungú.

2 WAAWITÁ 6:10

Naagáy waawutmoó Israeli slaqwaruuseerós gari tseeweés didaádá' kwa báy. Nee Elisha heé Mungú iri kumiít waawutmo gurbu'uungo, nee waawutmoó Israeli tiri amohhe'eés slaqwaraaro. Adoorí kana /iimamiís daqtá yaariire.

2 WAAWITÁ 6:15

Sagadiyusmoó Elisha, heé Mungú, qatuuwo iwa tláy matlaatlér boo/e, iri ti'iít, naxés slaqwaruusér yaariir nee farsuwo, nee gaardaá ta uuruxun nee farsuwo, gina ár gixsadá' ngaa harweeriyé'. Iri baraá dó' i kií/, iri oó', «Tsaxwaarén aakooeé', hám daxta adór ta /iisaan a adoomá?»

1 QOM'I 23:14

Ala daaqoó Mose, heé Mungú, kuna harafaár baraá tlahhoó múk Laáwi.

2 QOM'I 8:14

Inós adoodá' baabuúwós Daudi heé Mungú ngira hara'ayín gana eehár, baalaqaasír kaahamuusér Mungú ar umuú deelo gana qaás, nee ar mukduú tlahhoó Laáwi, kuduú kaahamuusér Mungú alee/iimiís as iwa xirfayemisiyá' nee gadiyér'ín ngiwa tleehhiya'. Xuumuuse sleeme gari qaás baraá bohhu umuúqo afkú do'o nguwa xuna'.

YEREMIA 23:26

Xáy, adoorí i kumaamit ay xaylá? Aaruuseerí qwanoó muner'ín ngu alkomkakoon ay xaylá? Aaru'uumarí ar lama nee al/aymár muner'ín ngi alkomkakoon ay xaylá?

ESEKIELI 1:3

anuú kaahamusmo, Esekieli garmoó Busi, qoomár niwa baraá yaamaá Kaldayórí, dirii' bihhaá yaaér Kebari, axweesantá AAKOÓ MUNGÚ ana axaás, nee baraadaádae /uuruú AAKOÓ MUNGÚ i gawaaeé'.

MIKA 1:1

Kaangwí an axweesantá AAKOÓ MUNGÚ, tidá' Mika aa axaás, heé gixsár Moresheti, de'emaá waawituú yaamaá Yuda tawa Yotam nee Ahasi nee Hesekia. Inós axweesantí gana axaás ar loohír iigu'utuú aa araa'ár daanduú gixsár Samaria nee ar Yerusalemuro.

MIKA 3:7

Mukdá' iigu'utuú ara'ár, tay amooqwaar, kuri mureekeemiis, nee mukdá' aaririím tay amooqwaar sleeme, kuri niinaweemiis. Sleémeero afer'ín kari tuuntuuk, asma Mungú i ilawatsiiká.

FAARO 16:28

Qoomaarihe Mose giri báy, «Adoorí an adoodá' kuungá' AAKOÓ MUNGÚ kur tsahha' adór aníng ira ya/aáw, aníng tí aga sagw'ér tleehhár awiiká.

Marko 12:36

Daudi inósuú kilá' ar aleesleemuú Qeeruú hhoohhoó' oo Munguhe ina oó', ‹Mungú Aakooeé' guna báy. Iwiít bihhaaeé' awa doó /iyáy tam ay dír wakuuseerók ngi baraá dabaawók i qaás.›

Luka 1:70

adoodaádá' ngira qaroó oó' ar afér aaruuseerós ar hhohho',

Tlehhema'aá ya/Abuuse 1:16

«Hháe, Gooi gár kawa hariím aqo in bó/, tidá' Qeeruú hhoohhoó' oo Mungú aáng ira axweés ar afkú Daudi, daanduú Yudawo. Inós an kudá' múk Yésú oohár áw gwa geerahaar.

Tlehhema'aá ya/Abuuse 28:25

Ala inooín awa kilá' ti slaslay'aaká, qoomár tawa tlatlay Paulo /aymi'iiká' ngina oó', «Qeeruú hhoohhoó' oo Mungú looeema gaa káh qoomár iwa axweés dír baabi'iihúng ar afkú aarusmo Isaya.

Tlehhema'aá ya/Abuuse 3:18

Ar tlehhmuuwihe Mungú adoodá' aa geerií axweés ar loohír aaruuseerós sleémeero, tidá' iwa káh, Kristowós gár kuwa hariím a kun slahh'eemiís.

DABE 33:1

Gaarí an tsuuqaadá' Mose, heé Mungú, múk Israeli ngira tsuúq dír ira gwaaiiká.

Ebrania 10:15

Asma Qeeruú hhoohhoó' oo Mungú sleeme i lamabu'ún. Geeraawo gár i kaahi a tí,

Ebrania 3:7

Gawaá adoorihe Qeeruú hhoohhoó' oo Mungú i kaahi, «Laarí bar afór Mungú aga axasé',

Ebrania 9:8

Gawaá adoorihe Qeeruú hhoohhoó' oo Mungú ga laqaaqán adór loohír tar dahi baraá matla/angwduú tsár oo heéma, oo ta babay Didá' ak Hhoohhoo' kara gweeriiká, asma ay hamí matla/angwduú geera oo heéma i kumiit.

YOSHUA 14:6

Looár wake tlahhoó Yuda ina amór Yoshua káy baraá Gilgali. Kalebu garmoó Yefune, oo guruú doó Kenisi Yoshua guri báy, «Yoshúa, án ngi slaá' kuúng axweesantadár AAKOÓ MUNGÚ aa oó' dír Mose, heé Mungú, a insleér. Axweesantadá' a daanduú aníng nee kuúng baldá' baraá yaamaá Kadesh-barnearo.

1 Petro 1:11

qooma gari leelehhít axáy i tleehharuuti a qooma gaalá, nee a qoomár adoomá. Asma Qeeruú Kristo, kudá' baraaín i dirií', kángw qoomaadá' gwa qaro geerií oó', nee slahha'amaayér Kristo i slay gari dir'ín i lamaabu'ún, nee xirfuú i slay aluudae.

Geehhoeemaá 19:10

Aníng niri tumbarara'aát dír ya'aawós i alé as inós nguwa sluufmiis. Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewoge, kudá' sleémeero awa lamabu'úngw Yesu ngu koomá'. Ala kuúng Mungú na sluufmiiseek.» Asma lamabu'úngw Yesu an qeeruú aaru'uuma.