2 korinto 9:8 - Biblía Axweesantá Hhohho' ar Mungú 2004

⁸ Nee Mungú i aleesleemuú kón oo kuungá' nuwa tsuuqi ar yaareema ar umuúqo loohiro. Adoorí gan tleehh as kuungá' umuúqo deeloro nee baraá umuúqo loohiro masók mura' sleémeero u koondá', kudá' ta sla'a' baraá slafingwhunge. Nee slám a muruudá' kuungá' ta sla'a' kiloseeká, ala dirhunge in tlaahh, as kuungá' kawa aleesleera' umuúqo gadiyér hho' kawa alee/isa'.

Ya/abtór hho' 1977

⁸ Nee Mungú i aleesleemuú kón oo kuungá' nuwa tsuuqi ar yaareema ar umuúqo loohiro. Adoorí gan tleehh as kuungá' umuúqo deeloro nee baraá umuúqo loohiro masók mura' sleémeero u koondá', kudá' ta sla'a' baraá slafingwhunge. Nee slám a muruudá' kuungá' ta sla'a' kiloseeká, ala dirhunge in tlaahh, as kuungá' kawa aleesleera' umuúqo gadiyér hho' kawa alee/isa'.

2 korinto 9:8 Iomraidhean Croise

2 QOM'I 25:9

Waawutmo Amasia heeduú Mungú guri yaahaás, «Adór ta /isaan asma peésár yaariir aga hanisaán dír slaqwaruusér múk Israeli?» Inós guri mu/aywaáts, «AAKOÓ MUNGÚ peésár tisíng ga baa/ ngi aleesláy haniisaro.»

WARA'AMI 84:11

Asma AAKOÓ Munguúrén an gwa/aateema nee an adór gaamboót, AAKOÓ MUNGÚ gurhhooa nee xirif gi kón. Inós ku hhoó' dír mukdaáduú gan'amuú kooma.

AXWEESANOÓ SAGALOOA 10:22

Tsuuqaá AAKOÓ MUNGÚ i daqaari'iimár huwahuwiyá', nee gár tlii/ ngi tsuuqaá al haniisiiká.

AXWEESANOÓ SAGALOOA 11:24

Heé gurhhoó' muruuwós hanmisuuwo, daqaari'iimarós in ak doogiín. Ala /akusmo in ak narkuut.

AXWEESANOÓ SAGALOOA 28:27

Hee i narkuutiiká as iwa narkuutér /iimisi Ala heé narkutmo gu i qaytaaká lo'ór yaariir gu eér.

AXWEESANOÓ SAGALOOA 3:9

AAKOÓ MUNGÚ ilaiwawa/eek ar daqaari'iimarók, ilaiwawa/eek ar bu'úngw geera sleémeero oo baraá qaymoorók daáhh,

HAGAI 2:8

Peésa a daqaari'iimar'eé', nee sahaábu a daqaari'iimar'eé', anuú AAKOÓ MUNGÚ Aleesleemusmo tí ngina oó'.

MALAKI 3:10

Gár wák baraá umuúqo muruú mibaango ar ádkoom na huwaare' baraá kuunti, as muruú /ayma iwa deeruuti baraá dooeene, án iiaraaré' ar loohisíng. Áx, ka aandá' adór pa/eeraá gawaá doori ngir gweér, nee nuri tsuúq, tam pa/ángw bu'uungw kway qasa' iri qwaar.

Tlehhema'aá ya/Abuuse 9:36

Nee eeharuso'orka wák i deer baraá gixsár Yopa, umuuwós a Tabita, tsifrír grikiro a Dorkasi (gídaabárós a tlaaqati). /Ameenirí tlehhma'aá hho' awa yaariir gaa tlehhaahhít, nee ilahhooa ga hanmaamís dír múk i alé.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

2 korinto 13:3

Asma kuungá' gár ta leelehhita' a layár ga laqaqaam adór Kristo ira axweés ar aníng. Kuungá' adór inós kur daqatlaakweeká aqo aandá' qoomár bundu sakwasleemuut, ala /uuruuwós gun laqán dirhunge.

2 korinto 8:19

Ala a har tí kiloseeká, ala inós kuna tsawaár nee kríshaanáy sleémeero as nee atén tawa al'aa'aá kawaan, qoomár bar alee/isaywí oo sla'aari bur huwaán, alee/isaywí atén ta sagadiyuusaan. Adoorí kana tleéhh as Aako iwa xirfuuti, nee as sla'aarirén niwa geehhoouur adór alee/iimis kur sla'aán.

2 korinto 8:2

Inooín kaa ló'wa iiara'ár ar slahh'amuudá' yaariír oo taa slasláy. Ala tam adoorihe qwal/uuín ina ló'wa tlaáhh, tam ohmér yaariir kari ló'wa duxún, ala tam inooín a narkuutér kilae.

2 korinto 8:7

Kuungá' a ló'wa daqaare baraá umuúqo gaaro, baraá haratlintaaooro, nee baraá axweesanaywo, nee baraá xu'uti nee baraá ilakaaharu sleémeero, nee baraá sla'aarirhúng, tidá' atén tiwa sla'a'a. Gawaá adoorihe adór kuungá' tar daqaare baraá ohmeesíng ta hanisa'a laqaamaak sleeme.

2 korinto 9:11

Mungú kuungá' nu daqaari'iitis, as kuungá' ar yaariir kawa aleesleera' haniisaro ar baraá umuúqo loohiro. Gawaá adoorihe múk yaariír Mungú guri sluufmiis as gadiyeérí taa tleehhaán.

Efeso 2:10

Asma atén a gadiyér Mungú. Inós atén tina tleéhh ar baraá Kristo Yesu, as atén tlehhma'aá hho' kiwa tleehhaan, kudá' Mungú aa qaroó amohhe'eés as atén kiwa eeharaan.

Efeso 3:20

Mungú i xirfuuti, kudá' muruú waa/oo/amór yaariir gu tlehhiít ar /uuruudá' baraarén wa gadiyuús, ta kudá' sleémeero oo atén ta firiirimaana laqaá ta inslaslaawaana.

Filipi 4:11

Aníng adoorí a kaahaaká as niwa gaa slaa'. Asma aníng umuúqo adooro aga intsaáhh.

Kolosai 1:10

Daqaní a aleesleerá' tawa hota' ar adór hariím dír Aakoowo, Aako kuri qwal/atisá', nee adoodá' inós i slai kari tlehhitá'. An malé firiimaán as kuungá' umuúqo gár hhoo' kawa tlehhita', nee tawa kumita' Mungú kuwa tsatsahhaanda'.

2 Tesalonike 2:17

inós munerhúng ngi gurkwa/asi, nee nuwa /uurií haniisi as umuúqo gár hhoo' kawa tlehhita' nee axweesanoó hhó' kuwa axwesa'.

2 Timoteo 2:21

Ala hee bir taa hhoohhooeés nee tiri paraatl dír muruuwí tlákw naa alki/iít, inós daqaní a xooslmoó taa qaás as gadiyér xirfuú koom, kudá' taa hhoohhooeés, oo Aakoó do'dá' wa hariím, nee slám a kudá' hariím baraá umuúqo gadiyér hhooe.

2 Timoteo 3:17

As kahhó' heé Mungú iwa ganaai nee kuwa amohhoó' as umuúqo gadiyér hho' ngiwa tleehhi.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Tito 3:14

Nee mukrén sleeme gár kuwa hariím masók a tlehhema'aá hho' tleehhtuuwo kin intsaahh didaádá' kiwa hariím, as matawa tawó hoót baraá slafingw'ine.

Tito 3:8

Tí naa oó' ar ló'. Nee án gár ni slaa' muruuwí masók un gawdés ooaro, as mukdá' Mungú gwa sangw haratlintii', tlehhema'aá hho' kiwa tlehhiiti ki slai. Adoorí ka hhoo' nee slám ka afhhamít dír muko.

1 Petro 4:10

Kuungá' ti kiloohúng sagadiyuumise' ar adoodá' Qeeruú hhoohhoó' oo Mungú umuúqo heewo ngura aleesleemuú i haniís, kuungá' masók a adór sagadiyuusér hho' ar tsuuqaá dimbadimbé awa Mungú gaa sleer.