2 korinto 9:5 - Biblía Axweesantá Hhohho' ar Mungú 2004

⁵ Gawaá adoorihe aníng ana ár, a gár afhhamít hhaeeká' ngiwa firiim iwa giirina' hardahamu amorhunge, as alee/isaywí kuwa amohhe'esa', kudá' kuungá' naa qaroó al'axwesé' haniisaro. Asma alee/isayhúng barnaxes ngwa qaroó amohhe'esé' qoomár án binda hardáh, gár i laqaqaan a kuungá' kiloohúng ana slaé' kawa hanisa', nee a qahaángwár hanmisa'aaká.

Ya/abtór hho' 1977

⁵ Gawaá adoorihe aníng ana ár gídaabá, a gár gídaabár koom hhaeeká' ngiwa firiim iwa giirina' hardahamu amorhunge, as alee/isaywí kuwa amohhe'esa', kudá' kuungá' naa qaroó al'axwesé' gídaabá u hanisá'. Asma alee/isayhúng barnaxes ngwa qaroó amohhe'esé' qoomár án binda hardáh, gár i laqaqaan a gídaabá kuungá' kiloohúng ana slaé' kawa hanisa', nee gídaabaheeká an hanimisá' ar qahaangw.

2 korinto 9:5 Iomraidhean Croise

IIMU/UUNGW 33:11

Na'ás, muruuwí ni hanmiis na ooheek, asma Mungú muruuwí ngwa aníng i haniís, slám aníng muruú bu'uút u koóm.» Guri harakeés nguwa ilaoohi, guri ilaaóh.

2 WAAWITÁ 5:15

Inós dinkwa nee sagadiyuuseerós niri ki/iyé' dír heedaáduú Mungú, iri oó', «Hám daxta aníng aga xuú' Mungú i kaahh baraá xoordu sleémeero, aqo Munguú Israeli. Gimáy daxta na'ás qeemuú sagadiyusmoowók ya/aameek.»

1 Korinto 16:2

Umuúqo deelór Jumapiíliro umuúqo heewo dirhunge gár kuwa hariím a ohmeedá' i haniisár wa slai gan baats, ar adoodá' inós ngir slaslay. Adoorí na tlehhahhitaak, as qoomár aníng binda hardáh, masók ohmeedá' an sangw iimu/uunda'aaká.

2 korinto 8:6

Tito an heé gadiyeérí gaa iimu/un. Gawaá adoorihe atén inós kuri harakeesaán, as inós iwa kumiiti gadiyeérihe, nee tlehhemuuwí oo sla'aari nguwa boo/eesi dirhunge.

2 korinto 9:3

Ala án hamí hhaeeká' ngin ya/aáw as axweesanayrén kudá' atén kuungá' nuwa xirfayeemiisaán gawaá kaangwihe, miwa axweesanoó tawo tleehhiít, ala masók a kuungá' tina amohhe'esé' adoodá' kara kaahaán.

2 korinto 9:6

Kuungá' adoorí inslawaak, «Heé dahaasíngw niiná qamiím, inós bu'úngw i slay sleeme ku niiná. Nee heé dahaasíngw yaariír qamiím, inós bu'úngw i slay sleeme ku úr.»

Filipi 4:17

Kuungá' ma kaahara' gídaabá aníng gár ni leelehhiit a qeemuudá' amorhúng daáhh. Ala gár ni leelehhiit a bu'utuudá' kuungá' ta sleera' asma tlehhemi'iidá' naa aníng i tlehhé'.

HAR'OHUUSE 1:15

Dasiirós guri beér, «Baabá, yaamuudaá basa kuúng naa aníngí hanís i baraá xaanxoó Negebu, gimáy male qawáng hhaleeraá kutltá kooma'a.» Kalebu gari hhaleeraá ma'áy haniís awa gawaá diindirma' nee awa baraá tlapuwo.

1 SAMUELI 25:27

Nee hamí aakooeé', na'ás, qeemuueé' kwí ni koom ilaooheek daaqaywók kwisíng nee kuúng ti koomá' tir qeer.

1 SAMUELI 30:26

Daudi iwa kií/ ay Siklagi, bariiseedár Yuda ar mulqeerós gana qeemuú áy, iri oó', «Qeemuuwí naa huúw a kuduú haasaáng oo wakuusér AAKOÓ MUNGÚ.»