2 korinto 9:10 - Biblía Axweesantá Hhohho' ar Mungú 2004

¹⁰ Mungú kudá' dahaasiingw gu hanmiís dír dahaasusmo, nee oo mikaáte ga hanmiís as /ayma, inós dahaasiingw ngu amorhúng i haniis, nee balangwdá' guri ureemiis. Slám inós bu'uungw guri dook as kahhó' kuungá' múk hatlá' alee/iisaro kuwa aleesleera' ar bu'ungwdá'.

Ya/abtór hho' 1977

¹⁰ Mungú kudá' dahaasiingw gu hanmiís dír dahaasusmo, nee oo mikaáte ga hanmiís as /ayma, inós dahaasiingw ngu amorhúng i haniis, nee balangwdá' guri ureemiis. Slám inós bu'uungw guri dook as daqaní kuungá' kawa aleesleera' múk hatlá' kuwa alee/iimisa' ar bu'ungwdá'.

2 korinto 9:10 Iomraidhean Croise

IIMU/UUNGW 47:19

Atén gár nis dír geeraawók i hhaamaan a milá, nee qamuurén niri hhituruutiyá'? Atén nee qamuurene ti tlaxw, tari lawaalér Farao, as tiwa /aymiisi. Balaangw haniisang mawa qatlaán, nee dahaasíngw ta baraá qamuuréní dahaasaan haniisang sleeme.»

AXWEESANOÓ SAGALOOA 11:18

Heé tlaákw baraá tlakweemaawo slaasláwár kumiit ga slayká; Ala heé hotaawós ganaa'á' slaasláwár ló' ga sláy.

DAHARUSMO 11:6

Matlaatleero dahaasingók dahaaseek, tam tsiindoowo mu mawaar. Asma dahaasíngw ti'iít u xu'uká tam oo matlaatle laqaá oo tsiindo, laqaá sleémeero ni ti'iit.

ISAYA 55:10

Asma adoodá' tluwaay nee tlaa/aá tluwaywo, ir gawaá doorí wa tluwiya' niri gáwtí ki/iaaká ala aqo yaamu gin naa/amiis, yaamu sla/a ngiri duuxiyá' iri urareér. Heé dahasiím dahaasiingw guri sláy nee muruú /aymaro.

HOSEA 10:12

Hotaá ganaa'á' ar hootaak, sla'aarír warqawaaká ka sleerá', slafingwhúng amohhe'eesaak, asma qoomaarí an qoomár AAKOÓ MUNGÚ kuwa leelehhita', as kahhó' inós niwa hardihi, nuri geerahaar baraá hotaá ganaa'á'.

Matayo 6:1

«Gimsé', hhooeemaahúng mi dír ilaá múk wa tlehhiitara' as inooín tlehhmi'iihúng ngiwa ariya'. Asma adoosíng bara tlehhé' bu'utuú ta sleera' i kaahh dír Baabuúhúng kuduú gawaá dooriiwo.

2 korinto 9:12

Asma gadiyeérí ta tlehhiitaan gár i huwahup a tí kiloseeká, gídaabá múk Mungú kudá' baraá slahha'amaayér i dirií' alee/isaay gwa sláy. Ala gár i huwahup a tí sleeme, a múk yaariír Mungú gu sluufmiis as alee/isaywí.

2 korinto 9:6

Kuungá' adoorí inslawaak, «Heé dahaasíngw niiná qamiím, inós bu'úngw i slay sleeme ku niiná. Nee heé dahaasíngw yaariír qamiím, inós bu'úngw i slay sleeme ku úr.»

Galatia 3:5

Mungú Qeeruú hhoohhoó' ngun hanmiis amorhúng i alé, nee muruú waa/oo/amo nguwa tla/angwhúng wa tlehhiiti. Kuungá' ka xua' adoorí gan tlehhiíti as kuungá' hara'aya kawa eehadé'? Ala adoorí gan tlehhiítiíke as kuungá' Ya/abtór hho' kawa axasé' nee kari haratlintié'?

Efeso 5:9

Asma didár gwa/aateema i dirii'iya' gár tleehharumiit a hhooeema sleémeero nee gan'amu nee looeema.

Filipi 1:11

Nee kuungá' tundu hatsiis gan'amuwo, kudá' Kristo i tlehhiiti baraá munerhúng wa ale, as ilaiwa/amér Mungú nee xirfuuwós.

Filipi 4:17

Kuungá' ma kaahara' gídaabá aníng gár ni leelehhiit a qeemuudá' amorhúng daáhh. Ala gár ni leelehhiit a bu'utuudá' kuungá' ta sleera' asma tlehhemi'iidá' naa aníng i tlehhé'.

1 Tesalonike 3:12

Aako inósuú kilá' sla'aarirhúng ngi ak doogi tiwa kiloohúng sla'asla'a', nee muu sleémeero kuwa sla'a', adoodá' atén kuungá' nur sla'aan.

1 Tesalonike 4:10

Nee kuungá' adoorí aga tlehhité' dír hhae sleémeero, kudá' baraá yaamu sleémeero awa Makedonia. Ala hháe, kuungá' nun firiimaán tawa kángw kilá' wa ak kumita' baraá sla'aariro.