2 korinto 8:23 - Biblía Axweesantá Hhohho' ar Mungú 2004

²³ Gawaá daanduú Titowo án gár ni oo' a tí, inós a alee/isusmooeé' oo gadiyér tleéhh dinkwa nee aníng as kuungá'. Hhaeerén kudaá hatlá', inooín a múk tinda ya/aáw nee kríshaanáy sleémeero, nee Kristo xirif gu sláy as inooín.

Ya/abtór hho' 1977

²³ Gawaá daanduú Titowo án gár ni oo' a tí gídaabá inós a alee/isusmooeé' oo gadiyér tleéhh dinkwa nee aníng as kuungá'. Hhaeerén kudá' hatlá', inooín a múk tinda ya/aáw nee Kríshaanáy sleémeero, nee Kristo xirif gu sláy as inooín.

2 korinto 8:23 Iomraidhean Croise

Luka 5:10

Yakobo nee Yohane sleeme, daaqoó Sebedayo, kudá' nee Simon algadiyuusá', adoodá' kari waa/oó/. Yesu Simon guri báy, «Ma da'ayumitaar, iimír hamí kuúng daxta a heé múk huuwahuúw amor'eé' alé.»

Luka 5:7

Mukdá' nee inooín algadiyuusá' oo baraá miringamoó hatlá', kuri kuútl ar daba', as kiwa alee/iisár ay. Tindiri hardáh, miringe tsaraawo kari hatsiís, iri lak /ee/etiín baraá ma'aay.

Yohana 13:16

Án a kah, lawaalmo ku ureeká ta aakoowose, laqaá ya/abusmo ku ureeká ta heedaádá' ngwa ya/aawi.

1 Korinto 11:7

A hariímaarooká hhawaata saga nguwa tuntuuki, asma inós a slaqsoó Mungú nee xirfuú Mungú. Ala /ameeni inós a xirfuú hhawaata.

2 korinto 12:18

Aníng Tito una firiím niwa amorhúng i daqay, nee hhiyaaduú hatlá' una ya/aáw nee inós tiwa kona'. Xáy, Tito gár dirhunge aa sláy i deéro? Qeeruú hhoohhoó' oo Mungú kudá' aníng i geeraharahaár, a kudá' inós sleeme gu geeraharahaáraáke? Nee slám hotaangós a adór kwe'eeneekáhe?

2 korinto 7:6

Ala Mungú, kudá' múk aa haleeleeiit gu gurkwa/amís, inós atén tina gurkwa/ás as adoodá' Tito niwa hardáh.

2 korinto 8:16

Aníng Mungú un sluufmiís, kudá' Tito gwa muunuú i haniis oo kuungá' nuwa alee/iimisi adór atén wa ale.

2 korinto 8:18

Hhiyaako sleeme ngun ya/aawaán dinkwa nee inós. Kwí an kudá' taa xirfayeés nee kríshaanáy sleémeero, as gadiyeédá' i tlehhiiti ar Ya/abtór hho' ngiwa alki/iiti.

2 korinto 8:19

Ala a har tí kiloseeká, ala inós kuna tsawaár nee kríshaanáy sleémeero as nee atén tawa al'aa'aá kawaan, qoomár bar alee/isaywí oo sla'aari bur huwaán, alee/isaywí atén ta sagadiyuusaan. Adoorí kana tleéhh as Aako iwa xirfuuti, nee as sla'aarirén niwa geehhoouur adór alee/iimis kur sla'aán.

2 korinto 8:22

Hhiyoó hatlá' ngu malé ya/aawaán dinkwa nee inooín. Inós atén ngwa araán daqtá yaariire, kuri tsaahhaán adór inós tar heé ilakaahaár. Nee qoomaarihe ilakaaharuuwós aa ak ló'wa doogín, asma haraxu'utír ur ga kón dirhunge.

2 korinto 8:6

Tito an heé gadiyeérí gaa iimu/un. Gawaá adoorihe atén inós kuri harakeesaán, as inós iwa kumiiti gadiyeérihe, nee tlehhemuuwí oo sla'aari nguwa boo/eesi dirhunge.

Filipi 2:25

Án ngi slaá' sleeme i qoón hhiyaarén Epafrodito nguwa amorhúngií ya/aaw. Inós nee aníng aga algadiyuusaán, slám inós a slaqwarusmoó wák dinkwa nee aníng. Inós kuungá' nguna ya/abé' amor'eé' alé as aníng iwa sagadiyuusi, nee tidá' án ni slaa' ngiwa hanmiisi.

Filipi 4:3

Nee kuúng sleeme, sla'aarusmooeé' oo sagadiyusmo dinkwa nee aníng, án kuúng u firiím, /ameenaasíng alee/iiseek. Asma inooín Ya/abtór hho' ngina sa slaqwiyé' nee aníng, nee Klementiwo, dinkwa nee kudá' hatlá' awa gadiyeé ngaa tleehhiye' nee aníng. Inooín umer'ín kaa gooín baraá kitaábuú slafiingw.

Kolosai 1:7

Kaangwí kunguna dirhúng i intsaahhatimís nee Epafra, sla'aarusmoorén. Inós a lawaalmoó Kristo adór atén wa ale, slám an sagadiyusmoó Kristo oo inkihhím as atén.

1 Tesalonike 2:2

Kuungá' a xuá' adór atén tira slahh'eemiís nee tira niqimís baraá yaamaá Filipír wa ale qoomár niwa hardahaaniiká ayaahúng i alé. Ala Mungú tiri /uurií haniís, Ya/abtór hho' ngari kuungá' i alki/iitaán, tam dukuutsér yaariir aga slaaslawaani.

2 Timoteo 4:10

Asma Dema muruú yaamu guna slaá', aníng iri geexáy, iri tláy ay Tesalonike. Kreske aa yaamaá Galatiár i tláy. Tito sleeme aa yaamaá Dalmatiár i tláy.

Tito 1:4

Tito, kuúng a garmaaeé' oo kilá' baraá haratlintaaoorí ta koomaana. Aníng barwaárí ngina amoorók gooiím. Mungú Baabuúrén nee Kristo Yesu, Ba/amusmoorén, kuúng u tsuuqi, nee u waydií haniisi.

Filemoni 1:17

Ala kuúng aníng bira tsáhh adór tar heewók baraá haratlintaaooro, inós ilaooheek adór anuú kilá' wa ale.

Filemoni 1:24

Tam Marko nee Aristarko nee Dema nee Luka, kudá' nee aníng algadiyuusá', kuúng u intsihhiimisiyá' sleeme.

3 Yohana 1:8

Gár atén tiwa hariím a múk adór kwí un ilaohiimaán, as gadiyér'ín tidár looeema kawa haratlaa/aan.