2 korinto 8:21 - Biblía Axweesantá Hhohho' ar Mungú 2004

²¹ Gár atén ta sla'aan diirihe a adoodá' hhoo' an tleehhaán, ala a dír ilaá Mungú kiloseeká, ala tam dír ilaá muko sleeme.

Ya/abtór hho' 1977

²¹ Gár atén ta sla'aan diirihe a adoodá' hhoo' an tleehhaán, ala a dír ilaá Mungú kiloseká, ala tam dír ilaá muu sleeme.

2 korinto 8:21 Iomraidhean Croise

1 WAAWITÁ 18:34

Muu guri male báy, «Male ki/é'.» Adoodá' kari male tleéhh sagaáwa tsár wa aleeró. Inós giri malé báy, «Ki/é' sagaáwa tame.» Inooín adoodá' kari tleéhh.

AXWEESANOÓ SAGALOOA 3:4

An adór sla'aari nee xirif kir sleer dír Munguhe nee dír muko.

Matayo 23:5

Asma tlehhemi'ii'ín sleémeero kin tlehhiit as muu ngiwa ga/ay. Inooín slambaré/uuín kuduú firo ngun dogiitiyá' nee hirituú tsaafoó inqwaruuín ngun ureemisiyá'.

Matayo 5:16

Gawaá adoorihe gwa/aateemaahúng i gwa/aatiye' dír geeraá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.»

Matayo 6:1

«Gimsé', hhooeemaahúng mi dír ilaá múk wa tlehhiitara' as inooín tlehhmi'iihúng ngiwa ariya'. Asma adoosíng bara tlehhé' bu'utuú ta sleera' i kaahh dír Baabuúhúng kuduú gawaá dooriiwo.

Matayo 6:4

Alee/isaywók masók oo baraá naaqo. Nee Baabuúwók kudá' muruú naaqo gu xuú' kuúng u qáy.»

Rumi 12:17

Tlakweema mi kuqár bu'uumara'. Ala tidá' hho' na tleehhaak dír geeraá muu sleémeerowo.

Rumi 14:18

Asma heedaádá' Kristo gu sagadiyuús ar loohír adoorí, inós Mungú gu qwal/atimis, nee slám inós ku xirfayees nee muu.

2 korinto 2:17

Asma atén axweesantá Mungú a halaanu'uumár ar tlehhiitanaaká as slaasláw kawa slawaan, adoodá' múk yaariír i tlehhaahhiiti. Ala atén axweesantá Mungú an alki/iitaán ar muunuú /awaák ar baraá Kristo, adór múk Mungú aa ya/aáw nee oo geeraawósí sihhiít.

2 korinto 8:20

Adoorí atén gár kasa tleehhaán a axweesanoó muu un baqamiimaán as kahhó' matawa oó', alee/isaywí úr ku amohhe'eemisiiká ar loohír hariím.

2 korinto 8:22

Hhiyoó hatlá' ngu malé ya/aawaán dinkwa nee inooín. Inós atén ngwa araán daqtá yaariire, kuri tsaahhaán adór inós tar heé ilakaahaár. Nee qoomaarihe ilakaaharuuwós aa ak ló'wa doogín, asma haraxu'utír ur ga kón dirhunge.

Filipi 4:8

Alhhe'eesaywo, hhaee'eé', muruú kuungá' tunduwa hariím inslaslaango a kwí, muruudá' sleémeero oo ló', nee kudá' ilaiwa/amér koóm, muruudá' sleémeero oo gan'amuú koóm, nee kudá' hhohhó', slám muruudá' sleémeero oo sla'atimís nee oo hhooeemaá koóm, nee tlehhemi'iidá' sleémeero awa hhohho' nee awa xirfuú wa hariimá'.

1 Tesalonike 5:22

Ti paratle' dír umuúqo gár tlaakwe.

1 Timoteo 3:7

Slám inós gár kuwa hariím masók kun lamabu'úngw hhoó' i kah nee múk hatlá', as mukuwa daanda axweés muruú tlákw i alé, nee kuri oh nee tsaaxweelír Neetlaangw.

1 Timoteo 5:14

Án ngi slaá' /ameenár kwaeeli ar ninakw a tsiní barka malé duxuút, nee na/ii ngiwa laqwal, nee iwa maráy wa daawimit, as wakuuseerén pa/aangw munguwa sleér atén tiwa muruú tlákw babeer.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

RUTI 3:14

Naagáy Ruti iri dír ya'aawós i qát ay matlaatle. Matlaatlér boo/e inós iri tseewa ti'ít qoomár hee kuqá' nguwa tsaahhiiká. Asma Boasi gaa slaiiká muu ngiwa xui adór /ameeni ira amoodá' keér.