2 korinto 8:16 - Biblía Axweesantá Hhohho' ar Mungú 2004

¹⁶ Aníng Mungú un sluufmiís, kudá' Tito gwa muunuú i haniis oo kuungá' nuwa alee/iimisi adór atén wa ale.

Ya/abtór hho' 1977

¹⁶ Aníng Mungú un sluufimiís, kudá' Tito gwa muunuú i haniis oo kuungá' nuwa alee/iimisi adór atén wa ale.

2 korinto 8:16 Iomraidhean Croise

2 QOM'I 31:8

Waawutmo Hesekia nee mukduú geeraharuuse tay daqáy as daqooraydá' taa burumbuúr kuwa ari, inooín AAKOÓ MUNGÚ ngway sluufisiyé', nee mukduú Israeli daqaari'iimar'ín gaa haniisi.

ESRA 7:27

Esra iri oó', «AAKOÓ MUNGÚ, Munguú baabi'iirén i xirfuuti, kudá' inslawaywí gwaa qaas baraá muunuú waawutmo ar doó AAKOÓ MUNGÚ nguwa parootuusi kuduú baraá Yerusalemu.

NEHEMIA 2:12

Aluuwo nay xweeraá tláw aníng nee múk niiná, tam heé naa /aymuuwí báw i kaahh, kwí Mungú naa qaás baraá muunaáeé' alé, as Yerusalemu. Nee makiito'ór hatlá' ar na huúw i káhh aqo har daqwaydá' án naa daanda i tsa/ám kilós.

YEREMIA 31:31

AAKOÓ MUNGÚ i kaahi, «Deelo ni hardát ar aníng alqadór /aben ngiwa oo' dír múk Israeli nee oo Yuda.

YEREMIA 32:40

Aníng alqadór alhhe'eesay wasl an tleéhh nee inooín, as kahhó' inooín ngiwa baloó mawaaká hhooeemáy tlehhtuuwo, nee muunuú aníng iwa ilaiawawa/iya' un baraaíní qaás, as kahhó' aníng miwa malé si'iyé'.

2 korinto 7:12

Gawaá adoorihe, aníng tam barwaádá' ngaa gooiimi, aga gooiimiiká as heedá' aa dakuus, laqaá aga gooiimiiká as heedá' taa sadakuús. Ala aníng ana gooiím as ngiwa laqaam dír geeraá Munguhe adór kuungá' atén tir ló'wa sla'á'.

2 korinto 7:7

Ala a as hardahamuuwós kiloseeká, ala tam gurkwa/amisuudá' inós aa dirhúng wa sláy. Asma inós kangwhúng nguna dirénií alki/iít adór kuungá' kar ló'wa sla'á' aníng iwa aanda', nee slám adór kuungá' tar gurhaamutá', nee adór kuungá' aníng ir aleekal/aandá'. Gawaá adoorihe, aníng niri ló'wa qwalaá/.

2 korinto 8:23

Gawaá daanduú Titowo án gár ni oo' a tí, inós a alee/isusmooeé' oo gadiyér tleéhh dinkwa nee aníng as kuungá'. Hhaeerén kudaá hatlá', inooín a múk tinda ya/aáw nee kríshaanáy sleémeero, nee Kristo xirif gu sláy as inooín.

2 korinto 8:6

Tito an heé gadiyeérí gaa iimu/un. Gawaá adoorihe atén inós kuri harakeesaán, as inós iwa kumiiti gadiyeérihe, nee tlehhemuuwí oo sla'aari nguwa boo/eesi dirhunge.

Filipi 2:20

Heé hatlá' i kaahh oo nee aníng ti kangw slawá', slám heé hatlá' i kaahh oo kuungá' nu sa daawiimiít adór inós wa ale.

Kolosai 3:17

Nee umuúqo gaaro ar ta tlehha'a ar axweesani laqaá ar tlehhma, sleémeero ka tlehhá' ar umuú Aako Yesu, nee Mungú Baabá kuwa sluufmisa' ar inós.

Geehhoeemaá 17:17

Asma Mungú inslawaywí gwa qaás baraá muner'ín i aleeró as kawa tleehhi tidá' inós i slai, nee inooín tiwa axweesani slaslaya' as waawuti'iimar'ín kawa haniisi dír makiito'oodá', ay dír axweesanoó Mungú i boo/i.