2 korinto 8:12 - Biblía Axweesantá Hhohho' ar Mungú 2004

¹² Asma kuúng gaa barnaxes a slá' haniisaro, yaareema nee niinaweema a gaarooká. Mungú gár i slai a tidá' kuúng ta koon kawa hanis, ala a tidá' kuúng ta koondaaká.

Ya/abtór hho' 1977

¹² Asma kuúng gaa barnaxes a slá' duuxaro, yaareema nee niinaweema a gaarooká. Mungú gár i slai a tidá' kuúng ta koon kawa hanis, a gídaabaheeká tidá' kuúng ta koondaaká.

2 korinto 8:12 Iomraidhean Croise

2 QOM'I 6:8

Ala AAKOÓ MUNGÚ baabuúeé' Daudi, gu bay, ‹Kuúng gar hhoo' aga tléhh tawa tsabiín Dooeé' kuwa tleehhamór wa sla',

TI'INAANGW 25:2

«Múk Israeli ku beer, ‹Ohme oohare' as aníng.› Kuúng kitangw'eé' wa ooheek dír umuúqo heewo ar adoodá' baraá muunaáwose ngira slaá' haniisaro.

TI'INAANGW 35:24

Umuúqo heé peésa ga duuxi laqaá muqsladá' sirdaa/aten aqo gana ilahhooár wa huúw dír AAKOÓ MUNGÚ. Nee umuúqo heé masqaryaandi ga qo kooma, aqo ngina huúw as gadiyérka ngiwa ot.

TI'INAANGW 35:29

Múk Israeli sleémeero, hhawaate nee /ameenaaro kudá' muner'ín aa qwala/ as gaa ngiwa AAKOÓ MUNGÚ i haniisi, umuúqo heé muunaáwós taa sla'atís, muruuwós guri huúw ar muunuú /awaák as adoodá' AAKOÓ MUNGÚ Mose ngwa bay kawa tleehhi.

TI'INAANGW 35:5

Ohmér ni hanisa' dír AAKOÓ MUNGÚ ngin baraá daqaari'iimarhúng wa duxá'. Umuúqo heé muunuú sla'aari gu koóm, gár i haniisi dír AAKOÓ MUNGÚ ngi huwi. Ohmér ni hanisa' a tí: Sahaábu nee muqslár peésa, nee muqslár sirda/aten,

AXWEESANOÓ SAGALOOA 19:22

Gár heéwá hariim a kuwa inkihhím, nee narkutmo ku hara'áy ta lamusmoowo.

Matayo 25:17

Tam kudaáduú talaántár tsár gaa slay, inós sleeme gari ar halaanuús, talaántár hatlá' tsár gari sláy.

Matayo 25:22

«Kudaáduú talaántár tsár gaa slay niri hardáh, iri oó', ‹Aáko, kuúng talaántár tsár ngina dir'eéní hanís. Qaytsiít, talaántár hatlá' tsár ngaa sláw baraá halaanu'uumaro.›

Luka 16:10

Heé inkihhimuú koóm baraá gár niinawe, tam baraá gár ure sleeme i inkihhimuú kón. Nee heé inkihhimuú koomaaká baraá gár niinawe, tam baraá gár ure sleeme i inkihhimuú konká.

2 korinto 8:11

Gawaá adoorihe kuungá' daxta gár tunduwa hariím, a gadiyeérí taa iimu/uundé' an alhhe'eesá'. Ohmeerí alhhe'eesaak haniisaro ar adoodá' muruudá' ta koonda'.

2 korinto 8:13

Aníng adoorí a kaahaaká as inooín amohhooa ngiwa slaya', nee kuungá' slahh'amu kuwa sleera'. Ala masók mura' sleémeero i alqón.

2 korinto 8:19

Ala a har tí kiloseeká, ala inós kuna tsawaár nee kríshaanáy sleémeero as nee atén tawa al'aa'aá kawaan, qoomár bar alee/isaywí oo sla'aari bur huwaán, alee/isaywí atén ta sagadiyuusaan. Adoorí kana tleéhh as Aako iwa xirfuuti, nee as sla'aarirén niwa geehhoouur adór alee/iimis kur sla'aán.

2 korinto 9:7

Umuúqo heewo gár kuwa hariím a inós kilós gan aldaakw baraá muunaáwós i alé áx gár i haniisi a milá. Daqaní gadá' ngi haniisi ar sla'aarirós ar kilá', ala ar /uurutisarooká. Asma heé hanmiís ar qwal/amaaye, inós ku slaa' nee Mungú.

1 Petro 4:10

Kuungá' ti kiloohúng sagadiyuumise' ar adoodá' Qeeruú hhoohhoó' oo Mungú umuúqo heewo ngura aleesleemuú i haniís, kuungá' masók a adór sagadiyuusér hho' ar tsuuqaá dimbadimbé awa Mungú gaa sleer.