2 korinto 7:2 - Biblía Axweesantá Hhohho' ar Mungú 2004

² Kuungá' munerhúng amooréní haniisare'. Atén tam heé wák ugwa gár tlaákw i tleehhaniiká. Atén heé taa qwaareesaán i kaahh, laqaá heé atén taa al/ayaán i kaahh as atén slaasláw kawa slawaan.

Ya/abtór hho' 1977

² Kuungá' munerhúng haniisare' amoorén i alé. Atén tam heé wák ugwa gár tlaákw i tleehhaniiká. Atén heé taa qwaareesaán i kaahh, laqaá heé atén taa al/ayaán i kaahh as atén slaasláw kawa slawaan.

2 korinto 7:2 Iomraidhean Croise

FAARO 16:15

Mose iri ló'wa buúhh, AAKOÓ MUNGÚ guri báy, «Ilahhooár mukwí ma oohaar. Aníng daqoó hee oo naa ar tláw i kaahh, laqaá heé naa slahh'eés i kaahh.»

Matayo 10:14

Nee hee barnaxes nu dahi'iimisiiká, laqaá axweesanayhúng gu axamiisiiká, qoomár bar tlatleerá' dír do'dae, laqaá baraá gixsaadae, teerír gawaá ya'aahúng alií kuukuuaak.

Matayo 10:40

«Heé kuungá' naa ilaoh, a aníng ina ilaóh, nee heé aníng iga ilaoh, a kudá' aníng iga ya/aaw guna ilaóh.

Luka 10:8

Umuúqo gixsár ti data'a burtunda ilaóh, muruú /aymár tinda geeraahúng i qaás ku /agá',

Tlehhema'aá ya/Abuuse 20:33

Aníng peésár hee aga baloó slaiiká, laqaá sahaábu, laqaá tam inqwaruuwós.

Rumi 16:18

Asma múk adór kwí Aakoorén Yesu Kristo gu sagadiyuusiiká, ala a gur'er'ín kilós kan sagadiyuus. Inooín múk hhaawuuse ngun al/aginá' ar axweesanay'ín oo tsatsaa'arén nee oo sla'atimís.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

2 korinto 11:16

Xaa aníng kuungá' nu malé firiím kuungá' ma kaahara' aníng a daktani. Ala adoosíng bar katá', aníng ya/aamaré' tawa daktani, as pa/aangw nguwa slaw tiwa kilooeé' xirfayees gár niinawe.

2 korinto 11:9

Qoomár aníng niwa amorhúng i dirii', tam gaa ngiwa slaá', aníng heé naa daawitimís dirhunge i kaahh. Asma hhaeedá' Makedoniár dahhá', muruudá'sleémeero aníng naa slaá' nguna huwiyé'. Aníng ana ló'wa ilakaahareés as kuungá' munduwa diitsakwár ar áw. Nee slám aníng an adoodár kumaamiít.

2 korinto 4:2

Atén tlehhemi'iidá' sleémeero awa getlakw nee awa murér koomá' iga mawaán. Al/ayma a tlehhiitanaaká, nee slám axweesantá Mungú a warqeemisanaaká. Ala atén tin kiloorén xu'utisaán dír umuúqo heewo, ar looeema kiwa alki/iitaan ar geehhooeema dír geeraá Munguhe.

Filipi 2:29

Gawaá adoorihe, inós ilaoohaak ar qwal/uú yaariír, adór hhiyoó baraá Aako. Múk adór inós ilaiwawa/aak.

Kolosai 4:10

Aristarko, kudá' taa tseék dinkwa nee aníng, kuungá' nu intsihhiimiis, nee Marko sleeme, hhiyoó Barnaba. Kuungá' kángw Marko ugwa qaroó sleeré' gídaabá birna hardáh ku ilaotá'.

1 Tesalonike 2:10

Kuungá' a lamabu'uuseerén, tam Mungú sleeme, adór atén tara tla/ángw kuungaásingaá haratlintaauusér wa hootaán ar slafíngw hhohhó' nee oo ganaá', nee slám aga dakuusaniiká.

Filemoni 1:12

Hamí ngun ki/ís amoorók i alé inósuú kilá', nee inós a adór muunaáeé' oo kilá'.

Filemoni 1:17

Ala kuúng aníng bira tsáhh adór tar heewók baraá haratlintaaooro, inós ilaooheek adór anuú kilá' wa ale.

2 Yohana 1:10

Hee birna amorhúng káy, inós bar intsaahhastí ngi amorhúng i huwahuwiiká, mu baraá marayhúngií dahi'isaara', nee mu taaqweesara' sleeme.