2 korinto 7:14 - Biblía Axweesantá Hhohho' ar Mungú 2004

¹⁴ Ala bar án kuungá' naa xirfayeés dír geeraawós wa ale, aníng taa mureekeesiiká. Asma axweesanayrén kudá' kuungá' nura xirfayeemisaán dír geeraá Titó wa ale, aa geehhooúy adór tar axweesanoó ló', adoodá' axweesanaydá' sleémeero atén naa dirhúngií kaahaán adór tar ló' sleeme.

Ya/abtór hho' 1977

¹⁴ Ala bar án kuungá' naa xirfayeés dír geeraawós wa ale, aníng taa mureekeesiiká. Asma axweesanayrén kudá' kuungá' nura xirfayeemisaán dír geerá Titó wa ale, aa geehhooúy gídaabá a axweesanoó ló', adoodá' axweesanaydá' sleémeero atén naa dirhúng i kaahaán adór tar ló' sleeme.

2 korinto 7:14 Iomraidhean Croise

Yohana 17:19

Ala aníng ti amoorók i haniís as inooín, as inooín sleeme tawa kók tleehhiti ló'wa ale.

2 korinto 10:8

Asma aníng adoorí a samurumitaaká, aníng dooqa aga harwaaraáhh tiwa kilooeé' xirfayeemiis, as aleesleemuudá' tinda haniís nee Aako. Ala aleesleemuuwí una sláw as kuungá' nuwa kwa/amis, a as nuwa fee/aaká.

2 korinto 12:6

Ala aníng tam ti kilooeé' xirfayeemisa, aníng a adór daktantooká, asma gár aníng ni oo' a ar ló'. Ala aníng ti máw kilooeé' xirfayeemisuuwo, as hee miwa oó' ti ak úr ta adoodá' ir ara'ari, nee i axamiisi dir'eene.

2 korinto 2:13

Ala tam adoorihe aníng amohhooa aga ariiká baraá muunaáeene, asma hhiyaaeé' Tito, ugwa ariiká amoodae Gawaá adoorihe aníng deelo ngiri dir'ínií oó', niri tláw ay yaamaá Makedonia.

2 korinto 7:13

Gaarí an gár atén tisa gurkwa/amís. Ala a tí kiloseeká. Atén ana ló'wa qwalaa/aán, asma adoodá' Tito iwa qwalaá/. Asma kuungá' sleémeero Tito ngwa ló'wa gurkwa/asé' baraá muunaáwose.

2 korinto 7:4

Aníng a xuurumitaaká daandeemoohunge. Aníng ti ló'wa xirfayeemiís as kuungá'. Gawaá adoorihe aníng taa ló'wa gurkwa/ás, nee qwal/amaayér ló'wa ur aga sláw baraá slahh'amaayeerén tí ta koomaana.

2 korinto 7:6

Ala Mungú, kudá' múk aa haleeleeiit gu gurkwa/amís, inós atén tina gurkwa/ás as adoodá' Tito niwa hardáh.

2 korinto 8:24

Gawaá adoorihe múk kríshaanáy daxta ngi ari, adór kuungá' inooín kir ló'wa sla'á'. Nee ngiwa tsaahhiya' sleeme adoodá' atén naa ooaán adór tar ló', qoomár kuungá' nuwa xirfayeemisaán geeraaín wa ale.

Filipi 1:26

Aníng binda amorhúng i hardáh malé alé, pa/ángw yaariír daqaní u koondá' oo Kristo Yesu kuwa xirfayeemisa' as aníng.

2 Tesalonike 1:4

Gaarí an gár ataá kilá' xirif kus ara'araan daanduuhunge dír múk kríshaanáy oo baraá yaamaá hatlae. Atén xirif un ara'araán as adoodá' kuungá' tawa kumita' baraá haratlintaaooro. Asma gusisiingw sleémeero u qiqtliindá' nee slahh'eemisuudá' ta slasleera'a.