2 korinto 7:11 - Biblía Axweesantá Hhohho' ar Mungú 2004

¹¹ Ga/aawaagáy, gurhaamirí Mungú aa slaá' adór Mungú ngira ar gadiyuús dirhunge. Asma gurhaamirí gár naa húp dirhunge a ilakaaharuú úr, nee tiwa ló'wa aleekal/aanda', nee slám muruú tlákw kuwa i buhhabuhha' nee kuwa da'ayuumita'. Nee slám kuungá' ana ló'wa slaé' aníng niwa hardah. Kuungá' ilakaaharu una ló'wa tlehhé', tam tlakweema ina sakwasleemuté'. Gawaá adoorihe baraá umuúqo gaaro kuungá' tin laqaandá' adór gár hhoo' kara tlehhé' baraá kaangwihe.

Ya/abtór hho' 1977

¹¹ Ga/aawaagáy, gurhaamirí Mungú naa slaá' adór Mungú ngira ar gadiyuús dirhunge. Asma gurhaamirí gár naa húp dirhunge a ilakaaharuú úr, nee tiwa ló'wa aleekal/aanda', nee slám muruú tlákw kuwa i buhhabuhha' nee kuwa da'ayuumita'. Nee slám kuungá' ana ló'wa slaé' aníng niwa hardah. Kuungá' ilakaaharu una ló'wa tlehhé', tam tlakweema ina sakwasleemuté'. Gawaá adoorihe baraá umuúqo gaaro kuungá' tin laqaandá' gídaabá, adór hho' aga tlehhé' baraá kaangwihe.

2 korinto 7:11 Iomraidhean Croise

NEHEMIA 13:25

Ina iigahhaát, ngiri lu'umís, bahh'ale ngiri muúx, kookariya' ina se'eengw uuruxuúm. Ina /uurutimís ngiwa lo'ór /aymiis ar umuú Mungú ngiwa babaw, «Dasuuhúng mukuwa duxuút nee daaqay'ín, tam daaqayhúng dasuuín munguwa duxuút, laqaá tam kuungaá kilá'.

YOBU 42:6

Gawaá adoorihe aníng taa kilooeé' aáhh. Aníng aga ya/a/aám, da/ara nee teeriro i gawaaéní qaás.»

WARA'AMI 119:139

Sla'aarír axweesantók án i tliw/iín nee an qa/imiít, asma wakuuser'eé' axweesantók ga gaárí xu'uká.

WARA'AMI 130:6

Aníng AAKOÓ MUNGÚ u ló'wa daamaraám, ta ak xuumuusér xweera matlaatle ngir daamaraanda, ta ak xuumuuse looatleemu ngur daamaraanda.

WARA'AMI 145:19

Kudaádá' ngu ilaiwawa/á' gi qáy tidaádá' i slaiia, /aa/eeín gi axaas giri ba/amiis.

WARA'AMI 2:11

AAKOÓ MUNGÚ sagadiyuusaak ar ilaiwa/ame, i tumbarara'ataak ar daaraxaay,

WARA'AMI 35:13

Ala inooín niwa tiqiyé', aníng tlabaá hheehhe'eemiis ina tsiít as gurhaami laqaama. Ana slahhaá' niri gwaawiím, sagw'eé' una xupu'uús as niwa fiririim.

WARA'AMI 38:9

AAKOÓ MUNGÚ, tidá' sleémeero ni slaa' kuúng a xú', niwa /aa/amiim ar /ifo ti geetlakweeká diroge.

WARA'AMI 42:1

Adoodá' saaragi ma'aá yaae ngir ilatleerus, an adór án sleeme kuúng ur ilatleeruus, Munguúeé'.

WARA'AMI 69:9

Sla'aarír do'ók i hamís baraaeene, tí slafingw'eé' gu ar ti'ít, nee niqaydá' kuúng tur niqimisi aníng iga sláy.

AXWEESANOÓ SAGALOOA 14:16

Heé sagaloó' tlakweema gi da'ayumiit nee giri kwirihhiit, Ala heé daktani i paslaahh nee i fadaaq.

AXWEESANOÓ SAGALOOA 28:14

Heé amohhoó' a kudá' AAKOÓ MUNGÚ gu ilaiwawaá/ daqisleém, Ala heé muunaáwós gwa gawdees in qeqtín.

DAA'AANGW 8:6

Aníng baraá muunaáwók i qaasáng adór laya. Masók a adór laya baraá dabaawoge. Asma sla'aari i /uuruú koón adór gwa'ara, Da/i i dae tláq adór /aanta, ohmaá sla'aari a adór ohmángw asla. In tsaara'aamís adór tsángw asla.

ISAYA 26:8

Aá AAKOÓ MUNGÚ, baraá lohdaá sakwasleemaroge atén kuúng un daamaán, muneerén gár i ló'wa sla' a inslaslángw umuuwók.

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

DANIELI 6:14

Waawutmo adoorí ngiwa axaás ina ló'wa gurhamuút. Inós ilakaaharu guna tleéhh as Danieli nguwa tu/i. Ina kumiít iiarto as Danieli nguwa /iisi ala gwaa aleeslayká. Ina karkarimamiít looa gar wa dát.

Marko 3:5

Iri gurhaamuút asma gawdeemaá muner'ín, giri ilií duxún bihhe sleémeero ar buhhta, heedaádá' guri báy, «Dakók gan'aaseek.» Heedaádá' dakós guri gan'aás, dakós iri hunguú/.

Yohana 2:17

Eeharuuseerós tidá' taa gooín gari insleér, tidá' kah, «Sla'aarír doó Baabuúeé' aníng i gás.»

Tlehhema'aá ya/Abuuse 17:16

Paulo Sila nee Timoteo giri Athénér wa dán. Gixsadá' gari ár naxés aa háts slaqsa'aá munguaá hatlae, iri ló'wa gurhaamuút baraá muunaáwose.

Rumi 11:20

Ar ló', inooín kina tlaáq, ala gár kisa tlaáq a haratlintaaoowasler'ín. Ala kuúng a gawaá xa'anoodá' taa dahaás i dirí' as haratlintaao. Gawaá adoorihe, kuúng ma daara/aamaar, ala masók an da'ayumít.

Rumi 14:18

Asma heedaádá' Kristo gu sagadiyuús ar loohír adoorí, inós Mungú gu qwal/atimis, nee slám inós ku xirfayees nee muu.

Rumi 3:5

Ala bar tlakweemaarén gan'amuú Mungú ngun geehhooeemisiyá', atén gár ta ooaan a milá? An ooána Mungú gár ganaa'aaká gaa tleéhh, as sakwasleemarós ngiwa daandeemooréní huúw? (Gaarí ana axweés ar adoodá' muu ir axweemaamisi.)

1 Korinto 12:25

Asma tlaampa'aamis pa/aangw munguwa sláy baraá slaqwto, ala diqaay ti amohhe'eemaamisi umuúqo diqto nee diqito'ór hatlá'.

1 Korinto 5:13

Ala mukdá' baraá múk kríshaanayhe kaáhh, heé gu sakwasleemuút a Mungú. Asma Gooi i kat, «Heé tlaákw hingeesaak baraá tla/angwhunge.»

1 Korinto 5:2

Ala bar adoorí, kuungá' gár ta daara/aanda' a milá? A tsiní alók geeraawo barnaxes ana gurhaamuté'. Heé tlehhemuú adór kwí gu tlehhiít gár kuwa hariím a kun paraatl dír múk kríshaanayhe.

2 korinto 13:7

Atén Mungú un firiirimaán as kahhó' kuungá' gár tlaakw kawa tlehha'aaká. Atén a adoorír firiirimanaaká, as múk hatlá' ngiwa tsaahhi adór atén tara waarahhaán. Gár atén ta firiirimaan a tí, kuungá' masók tidá' hhoo' an tlehhitá', ala tam atén taa ari adór tara waarahhaniiká.

2 korinto 2:6

Ala heedá' gurhaami ngaa huuw, sakwasleemár aa sláy aa bu'út daxta, asma múk yaariír dirhunge inós gwa sakwasleemuút.

2 korinto 6:4

Ala baraá umuúqo gaaro atén tin laqaqamaán adór tar sagadiyuusér Mungú. Atén an qiqtliimaán ar qitluú yaariír baraá haleeleeamituuwo nee baraá slahh'amaayero nee tam baraá daero.

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

2 korinto 7:7

Ala a as hardahamuuwós kiloseeká, ala tam gurkwa/amisuudá' inós aa dirhúng wa sláy. Asma inós kangwhúng nguna dirénií alki/iít adór kuungá' kar ló'wa sla'á' aníng iwa aanda', nee slám adór kuungá' tar gurhaamutá', nee adór kuungá' aníng ir aleekal/aandá'. Gawaá adoorihe, aníng niri ló'wa qwalaá/.

2 korinto 7:9

Ala aníng hamí a qwalalaá/. Ala a as gurhaamirhungeeká. Ala gár nis qwalalaa/ a adoodá' gurhaamirhúng tidá' hhu'u'uungw nguwa húp baraá munerhunge. Asma gurhaamirhúng a adoodá' Mungú aa slaá'. Gawaá adoorihe slahha'amaayér kuungá' taa sleeré' i káhh as adoodá' atén taa tleehhaán.

2 korinto 9:2

Asma aníng a xuú' adór kuungá' muuná kur koondá' oo alee/isaywí kuwa hanisa'. Slám án kuungá' nuna xirfayeés dír geeraá múk yaamaá Makedoniár i alé gawaá kaangwihe, niwa oó', «Múk Akaya tina amohhe'eés alee/isaay haniisaro iimír kurkú /isá'.» Muunaáhúng kwisíng múk yaariír baraaine gwaa ilakaaharuú i qaás.

Efeso 4:26

Kuungá' bar aga buhhabuhhé', ti harmagahhe', tlakweema mi tleehhara'. Nee buhhtaasíng mindiwa baraá munerhúng wa kumiitiyé' looa gar wa dát.

Efeso 5:11

Ma aldinku'uumisaara' nee mukdá' tlehhema'aá giwtír tlehhiít. Ala tlehhemi'iidá' na geehhooeesaak.

Filipi 2:12

Sla'aaruuser'eé', án qoomár niwa dirhúng i dirii', kuungá' axweesante'eé' ana iialooeemisé' umuúqo daqto, ala a qoomár aníng niwa dawaaká kilós. Gawaá adoorihe gadiyuusé' ar dae nee daaraxaay, as ba/amarhúng kawa boo/esa'.

1 Tesalonike 4:6

Umuúqo heewo dirhunge hhiyaawós munguwa al/aáy, laqaá munguwa sadakuús baraá kaangwihe. Asma heé adoorí gaa tleehh ku li/áy buu' nee Mungú, adoodá' ngira qaroó geerií gawdeesaán dirhúng i alé.

1 Timoteo 5:20

Kudá' tlakweema gaa tleehh iigahhaateek dír geeraá muu sleémeero wa ale as awa hatlá' iwa da'ayuutiya'.

2 Timoteo 2:15

Kuúng ilakaaharu tleehheek as tawa sihhit dír geeraá Mungú i alé, tawa adór sagadiyusmoó taa ya/án nee inós, sagadiyusmoodá' gadiyeérós ga samuruumitaaká, sagadiyusmoodá' axweesantá looeema gaa intsaahhatimis ar adoodá' hariim.

Tito 3:8

Tí naa oó' ar ló'. Nee án gár ni slaa' muruuwí masók un gawdés ooaro, as mukdá' Mungú gwa sangw haratlintii', tlehhema'aá hho' kiwa tlehhiiti ki slai. Adoorí ka hhoo' nee slám ka afhhamít dír muko.

Ebrania 4:1

Tam hamí al'axweesantadá' i deer ar tawa dahaan baraá hungu/umaá Mungú. Gawaá adoorihe, atén ti harmagahhaán, as heé wák baraahunge miwa deeruút oo hungu/umaaká' gi dakuús.

Yakobo 3:17

Ala sagalooadá' gawaá dooraá daahh a adoorí, gár geera ka hhoohhoo'. Slám i wayduú koón, nee ka tsatsa'aar. Nee slám axweesanoó muu gu huwaahúp. Nee slám fola i kaahh dirose, laqaá hhaahhafiingw.

1 Petro 1:17

Kuungá' Mungú bur firiiriindá', un Baabár ateetiindá', inósuudá' umuúqo heewo gu sakwasleemuút ar qoomoó tlehhemi'iiwós ar barqaanti wasle. Gawaá adoorihe, kuungá' hooté' ar Mungú kuwa ilaiwawa/a' baraá qoomaarí tawa hota' baraakaá yaamuú wa ale adór dahaaye.

1 Petro 2:2

Adoodár na/aá qaweero ilwa ngir ilatleeruumaamisiya', kuungá' sleeme ilwadaá ló' awa axweesantá Mungú, ilatleeruusaak, as kuungá' axweesantí nuwa ureemis ay dír ba/ama kay i hardata,

Yuda 1:23

Awa hatlá' ba/amisaak ar kiwa baraá asltá wa dafmita'. Bahh'alé i dayá' awa ta gurtlatleera', ala ar magahhato. Tam inqwaruuín aahhaak kudá' taa slasla/aareés nee ilatleerír slaqooín.

Geehhoeemaá 3:19

Mukdá' sleémeero aníng ni slaa' un iigahhamiít nee un muúx. Gawaá adoorihe kuúng ilakaaharu tleehheek, hhu'u'uúm.