2 korinto 7:1 - Biblía Axweesantá Hhohho' ar Mungú 2004

¹ Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

Ya/abtór hho' 1977

¹ Sla'aaruuser'eé', axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruuwo oo gawaá slaqwa nee oo baraá qeeruuwo. Nee tawa hootaan ar slafíngw hhohhó' ló'wa ale, Mungú kuwa da'ayuumiitaan.

2 korinto 7:1 Iomraidhean Croise

2 QOM'I 19:9

Giri hara'ayín, giri báy, «Adoorí an adór gadiyeé kar tlehha' dír AAKOÓ MUNGUHE, masók tundu inkihhím, nee gadiyeé tleehhaak ar munerhúng sleémeero.

WARA'AMI 119:9

Adór masoomo slafiingós ngur qoomeesi? Aqo bar axweesantók birnga óh.

WARA'AMI 19:9

Ilaiwa/amér AAKOÓ MUNGÚ ka hhoohhoo', i kumít ay kureeraá kureér. Kaahír AAKOÓ MUNGÚ a looeema, sleémeero i ganá'.

WARA'AMI 51:10

Aá Mungú, muunuú hhoohhoó' i tleehháng, qeeruú /abén oo inkihhím baraaeéní qaaseek.

AXWEESANOÓ SAGALOOA 16:6

Tlakweemaá hee kin gurtláy as iialooa nee inkihhimu, tam heé AAKOÓ MUNGÚ gu ilaiwawaá/ tlakweema gin geewakáy.

AXWEESANOÓ SAGALOOA 20:9

Heé /aymuuwí ooaro gu qiítl kwí káh, «Muunaáeé' ugwa hhoohhooeés. Tlakweemaaeé' sleémeero iga hheehhe'eés.»

AXWEESANOÓ SAGALOOA 30:12

Mukko i deer oo ti hhoohhooeemiís ar afer'ín Ala iringér'ín kaa hamaatliiká.

AXWEESANOÓ SAGALOOA 8:13

AAKOÓ MUNGÚ bur ilaiwawá/ a tlakweema i áhh; Daara/aangw ugwa aáhh, nee hi/niro, nee lohdaá tlakwe, axweesanoó sagagawda ugwa aáhh sleeme.

DAHARUSMO 11:10

Ma baraá muunaáwók i gurhamuutaar, ti ila/, nee slaqwtók ma slahh'eemisaar, asma masoombi'iima a tawo nee tla/aa tsaraaro.

ISAYA 1:16

Ti hamtle', ti hheehhe'esé', tlehhmi'iihúng kudá' tlakw hingeesaak dír geeraaeene. Tlakweema tlehhtuuwo mawaak.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

YEREMIA 13:27

Aníng muruuwók kudá' ni waak ugwa ár, fuqtók nee tsaatuuse kawa al/aa/amiin, sli'iimarók tidaá harwaarahh gawaá tlom'i nee baraá qamuuwo. Aá Yerusalemu, a tsaxwaawók. Ay xaylá hheehhe'eesa ka siaaiin?»

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

TLAHHOÓ LAÁWI 13:58

Ala tlawuú taa hiriít laqaá oo taa tleéhh, laqaá tlawuú kaahari oo umuúqo daa'awto oo deeirós aa fak alaá kuwa hhuúnts, tlawuú adoorí aqo kun malé hhuunts sagaáwa tsare, as iwa hhoohhoouy.»

Matayo 12:33

«Xa'ano burku hhoó', mamuuwós ki hho', laqaá xa'ano burku tlaákw, mamuuwós sleeme ki tlakw. Asma xa'ano gár kur tsaahhi a mamuuwós.

Matayo 5:48

Gawaá adoorihe kuungá' masók a múk ganaá', adoodár Baabuúhúng kuduú gawaá doori ir ganaai.»

Matayo 5:8

Múk amohhoó' a kudá' mune hhohhó', asma inooín Mungú ngu ariyá'.

Tlehhema'aá ya/Abuuse 9:31

Múk kríshaanáy amohhooa gari sláy baraá yaamaá Yudeawo nee Galilayaro, nee yaamaá Samaria. Tari gawdúy gawaá loohír Aakoowo, Aako kuri ilaiwawaá/, Qeeruú hhoohhoó' oo Mungú gina gurkwa/amís, nee faaror'ín iri doogigiín.

Rumi 5:20

Hara'aya nina hardát as dakuúsadá' iwa doogiin ak alé. Ala tlakweema niwa tlahhiyé', gurtleemuú Mungú iri ak ló' wa doogín sleeme.

1 Korinto 6:20

Asma inós kuungá' nuna tlaáxw ar tlaxór ur. Gawaá adoorihe, kuungá' Mungú xirfayeemisaak ar slaqoohúng.

2 korinto 1:20

Asma al'axweesantá Mungú sleémeero ar baraá inose a «Eeít». Gawaá adoorihe atén sleeme an kaahaan «Amin» ar inós as Mungú kuwa xirfayeemiisaan.

Efeso 2:3

Tam atén sleémeero aáng aqo an adoodá'. Ana hootaán ar ilatleerír slaqoorén kawa eeharaharaan, nee sla'aarirós kawa tleehhaan. Gawaá adoorihe atén qoomaadae gár tiwa hariím, a sakwasleemár Mungú an slawaán, adoodár múk hatlá' sleeme.

1 Tesalonike 3:13

Inós kuungá' nu /uurií haniisi, tawa múk hhohhó' oo xaslaansli wásl geeraá Mungú Baabuúrene qoomaadá' Aakoorén Yesu niwa hardihi, dinkwa nee mukós oo hhohhó' sleémeero.

1 Tesalonike 4:7

Asma Mungú atén taa ateetiiká as slafíngw tsaatu'uuma kuwa ar hootaan, ala tina ateét as slafíngw hhohhó' kuwa ar hootaan.

1 Tesalonike 5:23

Mungú inósuú kilá', kudá' atén ti waydií hanimiís, inós kuungá' nu hhoohhooeesi kángw kilá' wa ale. Nee slám inós munerhúng nee qeeremoohúng nee slaqoohúng ngi xun as gár tlaakw munduwa sleér, ala kuungá' masók a múk xaslxaansli wásl ay bál Aakoorén Yesu Kristo nay hardihi.

Ebrania 12:23

Kuungá' dír tay dir'a' a baraá boo/oó mukdá' qwal/uú koóm, dinkwaadár na/aá Mungú, kudaá baris umer'ín taa gooín gawaá doori. Kuungá' dír tawa sihhimita' a dír geeraá Mungú, kuduú sakwasleemusmoó muu sleémeero, nee dír geeraá qeereemaá mukdá' ganaá', kudá' taa hhoohhooeés.

Ebrania 12:28

Waawuti'iimár atén ta slawaan a tidá' ta diingisiiká. Gawaá adoorihe atén gár tiwa hariím, a Mungú un sluufmiisaán ar adoodá' inós i slai, ar tiwa niinaweemisaan nee kuwa ilaiwawa/aan.

Ebrania 4:1

Tam hamí al'axweesantadá' i deer ar tawa dahaan baraá hungu/umaá Mungú. Gawaá adoorihe, atén ti harmagahhaán, as heé wák baraahunge miwa deeruút oo hungu/umaaká' gi dakuús.

Ebrania 6:9

Ala atén tam adoorí kaahana, sla'aaruuser'eé', atén daandeemoohunge harahhifo a koomaán asma kuungá' tsuuqaá ba/ama iga sleeré'.

Yakobo 4:8

Mungú i tseewuwaak, daqaní inós ni dirhúngií tseewúy. Dabaahúng hhoohhooeesaak, kuungaásingá' tlakuuse. Nee munerhúng hamaatlaak, kuungaásingá' badu tsadér.

1 Petro 1:15

Kudá' kuungá' naa ateet ku hhoohhoó'. Gawaá adoorihe kuungá' sleeme masók a múk hhohhó' baraá muruudá' sleémeero ta tlehhita'a.

1 Petro 1:17

Kuungá' Mungú bur firiiriindá', un Baabár ateetiindá', inósuudá' umuúqo heewo gu sakwasleemuút ar qoomoó tlehhemi'iiwós ar barqaanti wasle. Gawaá adoorihe, kuungá' hooté' ar Mungú kuwa ilaiwawa/a' baraá qoomaarí tawa hota' baraakaá yaamuú wa ale adór dahaaye.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

1 Petro 2:11

Sla'aaruuser'eé', kuungá' a adór múk waaraáhh nee adór dahaaye tawa hota' baraakaá yaamuwo. Ala án kuungá' nu gurbuú', kuungá' ti harmagahhe' nee ilatleeri sleémeero ar slaqwa, asma i sláqw nee qeeru.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.

1 Yohana 1:9

Ala tlakweemaarén bira hhu'uu'umaán, inós an kudá' axweesantós boo/eemiís, nee kudá' gan'amuú koóm, inós tlakweemaarén aqo gin gurtláy, tiri hamaatl muruú tlákw sleémeero kudá' ta tlehhahhitaana.

1 Yohana 3:3

Ala umuúqo heé harahhifór adoorí ga koóm gawaá Yesuwo, tin kilós hhoohhooeemiis adoodá' Yesu kur hhoohhoó'.