2 korinto 6:14 - Biblía Axweesantá Hhohho' ar Mungú 2004

¹⁴ Kuungá' mutunduwa altsegiít baraá taaqwantá wák dinkwa nee mukdá' aa haratlintii'iiká, as tawa gadiyusa' dinkwa nee inooín. Asma adoorí i ya/aandaaká. Asma gan'amu nee dee/aanu adór tir slaya' a adoomá? Slám gwa/aateema nee giwti adór tir slaya' a adoomá?

Ya/abtór hho' 1977

¹⁴ Kuungá' mutunduwa altsegiít ingitír wák i alé dinkwa nee mukdá' aa haratlintii'iiká, as tawa gadiyusa' dinkwa nee inooín. Asma adoorí i ya/aandaaká. Asma gan'amu nee dee/aanu adór tir slaya' a adoomá? Slám gwa/ateema nee giwti adór tir slaya' a adoomá?

2 korinto 6:14 Iomraidhean Croise

IIMU/UUNGW 24:3

Án kuúng u lo'ór /aymiís ar umuú AAKOÓ MUNGÚ, Munguú doori nee yaamu, harér garmaaeé' ma lehhtuú awaar baraá tla/ángw dasuú múk Kana'ani, kwí nee atén alhootá'.

1 WAAWITÁ 18:21

Aluuwo Eliya iri tseewúy dír muu sleémeero, guri báy, «Kár kuungaáká' ta aftsaderarinda' baraá inslawayhunge ay xaylá? Gám, bar AAKOÓ MUNGÚ an Munguú ló', eeharaak, ala Ba'ali bar an Mungú, gimsé', eeharaak sleeme.» Ala muu axweesantadá' gaa tlaxwiiká, ina xasliít.

2 QOM'I 19:2

Iigu'utusmo Yehu garmoó Hanani, iri tláy, waawutmo Yehoshafati gway al'áy, guri báy, «Kuúng múk tlákw un ale/iisár eéra, nee múk AAKOÓ MUNGÚ ahhiít un slá'a? AAKOÓ MUNGÚ ugwa i buúhh as kaangwí taa tléhh.

ESRA 10:19

Inooín nina ya/ané' /ameenadá' kawa guusi nee as adoodá' tawa dakuús, gwaanda nguri duuxiyé' as dakuúsar'ín.

WARA'AMI 106:35

ala tina haragwaiyé' nee múk xoordaá hatlá', kiri dawaqaás nee múk xoordaá hatlá' tlehhmi'ii'ine.

WARA'AMI 119:63

Aníng a mulqumoó kudá' sleémeero kuúng u ilaiwawa/á', nee awa hara'ayaarók ngi ohiimá'.

WARA'AMI 16:3

Múk hhohhó' oo baraakaá yaamu an múk afhhamít, inooín aníng i sla'atimisiyá'.

TI'INAANGW 34:16

Daaqaywók mu dasuuín ar duuxuutmisaar, aluuwo dasuuín iri munguii'ín sluufmisuú áy, daaqayhúng sleeme kuri ta/eekw, iri munguii'ín sluufmisuú áy.

AXWEESANOÓ SAGALOOA 22:24

Heé buhhta yaariír mu mulqi'iimár i tleehhaar tam ma alhi'iimitaara' nee heé xaraásl.

AXWEESANOÓ SAGALOOA 29:27

Heé tlákw ku waak nee heé hota ganaá' Ala heé tlehhmi'iiwós qoomá' ku waak nee heé tlaákw.

TLAHHOÓ LAÁWI 19:19

«A hariima hara'ayar'éé' kawa ilaiwawa/a: Hikwawók mindiwa laqwaliyé' ar makaá hatlá'. Baraá qaymooroge dahaasíngw daa'aweemaá tsár mu dahaasaar. Tlawuú taa tleéhh ar muruú daa'awemaá tsár mu tsiitaar.

MALAKI 2:11

Múk Yuda adór qoomaaká gaa tleéhh, aahhi aa tleehharút baraá Israeliwo, nee baraá Yerusalemu. Asma múk Yuda Doó AAKOÓ MUNGÚ kudá' i slai gwa slasla/areés, inooín munguaá xoordaá hatlá' ngina sluufmiisiyé'.

MALAKI 2:15

Ahaá, a Mungúheéke oo kuungá' tsaraawo naa tleehh tawa slaqwtá wák tleehhita' nee qeeruú wák? Nee inós gár i slai a milá? Nee inós gár i slai a xwaylár Mungú gu ilaiwawaa/. Gawaá adoorihe ti harmagahhe', hee tumu wák hareerós ar bi/i mingiwa sií'.

Yohana 7:7

Múk aa haratlintii'iiká kuungá' nu aahhiiká, ala aníng iga aáhh. Asma án inooín in ádbabáw adór tlehhemi'ii'ín kir tlákw.

Tlehhema'aá ya/Abuuse 4:23

Qoomár Petro nee Yohane kiwa gweér, tari tláy amór muk'ín, kángw muruudá' sleémeero kaa báy nee kaahamuusér uren ar Mungú nee bariiseero, kuri alki/iít.

1 Korinto 10:21

I ya/aandaaká kuungá' xooslmoó Aako kuwa ar wahaanda', nee xooslmoó neetlaame sleeme kuri malé ar wahaandá'. I ya/aandaaká kuungá' tawa dinku'uumisa' dír meésár Aakoowo, nee tari malé dinku'uumisá' dír meésár neetlaame sleeme.

1 Korinto 15:33

Kuungá' miti kiloohúng al/agiimaara', «Asma mulqér tlakw i tlehhema'aá hhó' hhitiín.»

1 Korinto 5:9

Baraá barwito'or'eé' tidá' naa amorhúngií gooimi nuna báw, kuungá' ma al dinku'uumisaara' nee fuquuse.

1 Korinto 6:6

Ala laatí, dirhunge Krishaanmo kuqá' gun sakwasleemár áy dír geeraá mukdá' Mungú gwa haratlinti'iiká.

1 Korinto 7:39

/Ameenír taa duúx, hhawaatuuwós bir slaaf, /ameenidá' makawa duúx. Ala bar hhawaatuuwós aa gwaá', i ya/aán kawa duuxi nee heé inós i sla'. Ala adoorí ka tleehhi ar baraá Aako.

Filipi 2:15

Kuungá' masók an na/aá Mungú awa xaslxaansli wasl nee dakuús wasl, kuungá' masók baraá tla/ángw qartí tlaakwe tundun geehhoó' tawa adór tsatse/uú gawaá doorí dirií',

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.