2 korinto 6:13 - Biblía Axweesantá Hhohho' ar Mungú 2004

¹³ Án daxta a axweés nee kuungá' adór baabá nee na/iiwós, kuungá' munerhúng gweeraak direne sleeme, adoodár atén toorén ngira dirhúngií gweeraán.

Ya/abtór hho' 1977

¹³ Án daxta a axweés nee kuungá' adór baabá nee na/'iiwós, kuungá' afér munerhúng gweeraak sleeme diirén i alé, adoodár atén toorén ngira dirhúng i gweeraán.

2 korinto 6:13 Iomraidhean Croise

WARA'AMI 119:32

Hara'ayarók an eehár, asma fuqurangw'eé' ngu dogít.

WARA'AMI 81:10

Aníng an AAKOÓ MUNGÚ, Munguúwók, kudá' ugwa tsa/aas baraá yaamaá Misrír wa ale. Kangw'eé' axaaseek, daqaní án kuúng u tsuúq.

Marko 11:24

Gawaá adoorihe nun baw, umuúqo gaaro ar ta fiririinda' baraá saalingwhunge, haratlintiaak adór kara sleeré', nee a toohúng.

Galatia 4:12

Hhaee'eé', án kuungá' nu harhheehhe'eés, kuungá' masók a adór aníng, asma aníng sleeme a adór kuungá'. Kuungá' gár tlaakw ar naa aníng i tlehhé' i káhh.

Galatia 4:19

Laqwalor'eé', aníng a ló'wa slahhahhaá' as kuungá' nuwa malé laqwaal, ay dír Kristo i geehhoouy baraahúng wa ale.

1 Tesalonike 2:11

Kuungá' a xuá' adór atén umuúqo heewo dirhunge ngura amohhe'eemaamiisaán, adoodár baabá na/iiwós ngir amohhe'eemaamisi.

1 Yohana 2:1

Laqwalor'eé' ar ninakw, tí ngin kuungá' i gooiím as kahhó' tlakweema mi tleehhara'. Ala hee bar tlakweema gaa tleéhh, heé ti aleefiriiriím dír Baabahe u koomaán, an Yesu Kristo, kudá' gan'amuú koóm.

1 Yohana 3:18

Laqwalór ninakw, sla'aarirén miwa axweesantá tawo tleehhít, ala masók sla'aarirén an sla'aarír tlehhema'aá koom, nee ar looeema.

1 Yohana 3:7

Laqwalór ninakw, hee munduwa al/aáy. Heé gan'amuú tlehhaahhiít, an heé ganaá' adoodá' Yesu ir ganaai.

3 Yohana 1:4

Qwal/uú úr oo kwí gu baá/ i kaahh, kwí naa axaás tawa kaahi, «Na/iieé' i baraá looeemaá wa hootiyá'.»