2 korinto 6:11 - Biblía Axweesantá Hhohho' ar Mungú 2004

¹¹ Kuungá' múk Korinto, atén kuungá' nun i axweesaán ar axweesanoó /awák. Atén muneerén ka /awak dirhunge.

Ya/abtór hho' 1977

¹¹ Kuungá' múk Korinto, atén kuungá' nun i axweesaán ar axweesanoó /awák. Atén muneerén ka /awak dirhunge.

2 korinto 6:11 Iomraidhean Croise

YOBU 32:20

Daa aníng ni axweés, dooqa daqaní tsiní a sláw, lakité' ni axweés as nguwa mu/aywaats.

WARA'AMI 119:32

Hara'ayarók an eehár, asma fuqurangw'eé' ngu dogít.

WARA'AMI 51:15

Aá Aáko, afkwe'eé' waatleeseek, xirfuuwók nguwa alki/iit.

ISAYA 60:5

Adoorí an aán nee tari qwalá/, muunaáwók iri qwalaa/ tari bará/. Asma daqaari'iimár baraá tlawi kingi amoorók i huuw, nee daqaari'iimár xoordu kingi kiíngí haniis.

ESEKIELI 33:22

Heewí niwa hardáh a matlaatle, laatí adór /isá'arós tsiindoowo aníng ilooeemaá /uuruú AAKOÓ MUNGÚ ina sláw. Matlaatlér looaytleérose heewí naa kotsqoot niwa dir'eé' i hardáh, aníng axweesani ngiri aleesláw.

HABAKUKI 2:5

Tam adoorihe difaái a slaslaáwár al/aymuso'o, heé daara/usmo i tleeresiiká. Ilatleerír heewí a adór tiqár gi'i, «hhiínhh» ga aainká adór gwa'arár wa alé. Xoordu sleémeero gin buruumburín, xoordu sleémeero gin buruumburín as tawa kós.

Tlehhema'aá ya/Abuuse 18:1

Kaangwí iwa waaraáhh, Paulo iri Athénér wa tláy, iri hardáh ay Korinto.

Tlehhema'aá ya/Abuuse 18:8

Krispo, heé úr oo doó saaliingw, Aako guri haratlintií' dinkwa nee múk do'ós sleémeero. Nee múk yaariír oo yaamaá Korinto axweesantá Paulo kawa iiárií qamín, tari haratlintií' kiri baatimiís.

2 korinto 12:15

Aníng barte'eene a qwalaá/ muruueé' sleémeero nguwa haniis, nee slám ánuú kilá' tiwa haniis as munerhúng. Xáy, kuungá' sla'aarirhúng i /aaruúra dir'eene, as adoorí án kuungá' nuwa ak ló'wa slaa'?

2 korinto 2:4

Aníng barwaádá' ngina gooiím ar muunuú iiloó' nee oo gurhaamír yaariir ga koóm, nee ar hhirhheeraá yaariir. Ala ngaa gooimiiká as kuungá' nuwa gurhaamír ar aw, ala as kuungá' kawa tsahha' adór aníng kuungá' nur ló'wa slaa'.

Galatia 3:1

Kuungaá múk Galatia a daktanár kilá'. Heé kuungá' naa da/arin a heemá? Adór Yesu Kristo kura kikií' kuungá' aga axasé' ar adór geehhoo'.

Galatia 4:12

Hhaee'eé', án kuungá' nu harhheehhe'eés, kuungá' masók a adór aníng, asma aníng sleeme a adór kuungá'. Kuungá' gár tlaakw ar naa aníng i tlehhé' i káhh.

Efeso 6:19

Aníng sleeme aleefiriirimaaré', as axweesanoó ni oo' nguwa slaw nee aleesleemu, as kahhó' lu/aaroó Ya/abtór hho' nguwa alki/iit ar pihh'uuma.

Efeso 6:8

Inslawaak adór umuúqo heewo oo hhooeema gaa tleehh, slasláwarós ngir sláy dír Aakoowo, barnaxes a lawaalmo, laqaá tam lawaalmoowooká.

Filipi 1:8

Mungú ga xuu' adór án kuungá' sleémeero nur artá wa slaá', asma nuwa ló'wa slaa' ar sla'aaridár amór Kristo Yésú daahh.

Filipi 4:15

Ala kuungá' múk Filipi, kuungá' kilá' kaangwí u xuá', qoomaadár geeraawo Ya/abtór hho' ngiwa alki/iít, nee yaamaá Makedonia ngiwa geexáw, múk nee aníng aga aldinku'uusaan baraá mura' slaslaango nee hanmisuuwo a kuungá' múk Filipi kiloohúng. Kríshaanoó amór yaamaá hatlae oo adoorí gaa tleehh i kaahh.

Geehhoeemaá 22:12

«Ga/aaweek, aníng ni hardáh ar gaanslaay, nee slaqwer'eé' i dinkwa nee aníng, as umuúqo heewo nguwa buu' ar adoodá' tlehhmi'iiwós i dirii'iya'.

1 SAMUELI 2:1

Hana iri firiín, iri ó', «Muunaáeé' i qwalalaa/ dír AAKOÓ MUNGUHE, AAKOÓ MUNGÚ un xirfayeemiís kuduú /uuruueé', aníng wakuuser'eé' ngari waaqaseém. Asma ba/amar'eé' ngiwa saqwalalaa/.