2 korinto 5:20 - Biblía Axweesantá Hhohho' ar Mungú 2004

²⁰ Gawaá adoorihe atén a ya/abuusér Kristo. Atén bar axweesaán, a adór Mungú in gurbu'ún ar afeerén. Gawaá adoorihe atén kuungá' nun firiimaán as daanduú Kristó wa ale as kuungá' tunduwa haraki/isi nee Mungú.

Ya/abtór hho' 1977

²⁰ Gawaá adoorihe atén a ya/abuusér Kristo. Atén bar axweesaán, a adór Mungú in gurbu'ún ar afeerén. Gawaá adoorihe atén kuungá' nun firiimaán as daanduú Kristó wa ale gídaabá, kuungá' tundu haraki/isi nee Mungú.

2 korinto 5:20 Iomraidhean Croise

2 WAAWITÁ 17:13

Tam adoorihe AAKOÓ MUNGÚ aaruuse nee iigu'utuuse gana ya/aáw as múk Israeli kuwa nanaaqi nee oo Yudawo, iwa kaahi, «Lohduhúng kwisingá' tlakw mawaak, hara'ayar'eé' iiárií qaasaak, nee daber'eé' eeharaak, tidá' aníng aáng na hara'ayiím dír baabi'iihúng, nee tidá' na hara'iyiím ar loohír sagadiyuser'eé' ar aaruuse.»

2 QOM'I 36:15

AAKOÓ MUNGÚ, Munguú baabi'ii'ín, umuú daqto ya/abuuseerós gana amor'ín i ya/abiít, asma mukós nguwa gurtlay nee didár hootawose.

NEHEMIA 9:29

Ina gurbu'uún as daberók ngiwa i ki/iya'. Ala ar sagagawduuine hara'ayarók ngaa iialooeesi'iiká, kaahirók ngina si'iyé' tidá' handá' geeraawo bar hee ngaa iialooeés in hoot, inooín sager'ín ngiri gawdeesiyé' nee da/ewer'ine, kuúng uri si'iyé' iialooeesaro.

YOBU 22:21

Aá Yobu! Mungú ya/aameek as wayda kuwa sleer, daqaní hhooeema i sleér.

YOBU 33:23

Ala malaykamoó wák baraá kumeero i dinkwa nee inós, as nguwa haraaki/isi nee Mungú, nee muruú tleehhamoro ganaá' nguwa dirósí xu'utisi.

YOBU 33:6

Ga/aaweek, aníng Mungú i dirií' adór kuúng wa ale, tam aníng sleeme tina tleéhh ar hhape.

AXWEESANOÓ SAGALOOA 13:17

Ya/abusmoó tlaákw muu gun baraá slahh'amuú i dahaas, Ala ya/abusmoó inkihhím amohhooa ga huuw.

ISAYA 27:5

Ala bar inooín xuumar'eé' ngi slaiyá', ni wayduú aye' dir'eé', eeít, ni wayduú aye' dir'eé'.»

YEREMIA 38:20

Yeremia iri oó', «Kuúng tu dir'ín i hanisiiká. Kuúng afór AAKOÓ MUNGÚ iialooeeseek baraá tí u babaawa, daqaní adoorók i qoón nee slafiingók u tú/.

YEREMIA 44:4

Tam adoorihe aníng sagadiyuuser'eé' ar aaruuse ya/abtooro aga mawiiká, niwa kah, ‹Muruuwí ta waki mu tlehhiitara, kwí aníng ni ahhiit!›

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

Luka 10:16

Yesu eeharuuseerós gari báy, «Heé axweesantahúng gaa ya/an, a axweesante'eé' gana ya/án. Heé kuungá' naa sii', a án ina sií'. Oo aníng iga sii', a kudá' án iga ya/aaw guna sií'.»

Luka 14:23

Aakoodá' iri oó', ‹Tláw, ti'iít tsee/áy alé ay baraá luhuudaá uren nee baraá irwadu, muu harhhehhe'eemisang iwa baraá dó' i dahi, as dooeé' iwa hatsi.

Yohana 20:21

Yesu giri malé báy, «Wayda masók i dirhúng. Adór Baabá aníng ira ya/aáw, aníng kuungá' sleeme nun ya/aáw.»

Rumi 5:10

Qoomár atén tawa wakuuse dír Munguhe atén tiri dirósí haraki/ís ar tseerér Garmaawós. Gawaá adoorihe atén haraxu'uti a ló'wa koomaán, asma hám daxta alaá haraki/isarene atén ti ba/amis ar slafiingós.

2 korinto 12:10

Gawaá adoorihe aníng a qwalaá/ aníng barnaxes ti daqaatlaákw, laqaá tam ti muruú tlákw i tlehhiít, laqaá tam a daawimiít, laqaá tam ti gusiisín, nee laqaá tam ti slahh'eemiís as Kristo. Asma aníng barnaxes ti daqaatlaákw, daqaní aníng a /uuruú koóm.

2 korinto 3:6

Asma inós an kudá' atén taa aleesleemuú i haniis tawa sagadiyuusér alqadór /aben tleehhitaan. Ala alqadoorí a tidár hara'ayár gooirooká, ala a tidár Qeeru. Asma hara'ayár gooi i tsu/út, ala Qeeru i slafimis.

2 korinto 5:11

Gawaá adoorihe atén Mungú un ilaiwawa/aán baraá muneerene umuúqo daqto. Gaarí an gár muu atén kus afa /asliimaan amór Mungú i alé. Mungú atén ti ló'wa xuu' adór atén tay diriiaan, nee slám aníng a harahhiíf adór kuungá' sleeme baraá munerhunge atén tira tsahhé'.

2 korinto 6:1

Atén a gadiyuusaán dinkwa nee Mungú. Gawaá adoorihe atén kuungá' nu gurbu'uumaán sleeme, kuungá' tsuuqaá Mungú kudá' taa ilaoté' mi qwaareesara'.

Efeso 6:20

Aníng a ya/abusmoó Ya/abtoorí hho', ala tam taa tseegi. Gawaá adoorihe, án aleefiriirimaaré' as Ya/abtoorí hho' ngi axwees ar pihh'uuma adoodá' aníng wá hariim.

Kolosai 1:20

Mungú mura' sleémeero guna amoorósií haraki/isár wa slaá' ar baraá Garmaawós. Wayda guri tleéhh ar gwa'arár Garmaawós ar gawaá msalaába. Gawaá adoorihe Mungú mura' sleémeero guna amoorósií ki/ís, kuduú baraá yaamu, nee oo dooriiwo.

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.