2 korinto 5:18 - Biblía Axweesantá Hhohho' ar Mungú 2004

¹⁸ Ala muruuwí sleémeero amór i dahhi a amór Mungú. Inós atén tina dirósií haraki/ís ar loohír Kristo, nee gadiyér haraki/imis ngiri dirén i haniís.

Ya/abtór hho' 1977

¹⁸ Ala muruuwí sleémeero amór i dahhi a amór Mungú. Inós atén tina haraki/ís nee inós ar loohír Kristo, nee gadiyér haraki/imis ngiri diirén i haniís.

2 korinto 5:18 Iomraidhean Croise

ISAYA 52:7

Xáy, i hhohhoaa'áy a adoomá heé ya/abtór hhó' koóm birna hardáh oo amór tloomár daáhh, kudá' wayduú káh, oo hhooeema gi káh, kudá' ba/amár alki/iít, kudá' gixsár Siyoni ga babáw, «Munguúwók i waawuti'ii'ín.»

ISAYA 57:19

AAKOÓ MUNGÚ i kaahi, «Wayda, wayda dír kudá' sawen nee awa tsewene. Aníng inooín i hungu/uús.

ESEKIELI 45:15

Bee/ír wák kan haniis dír umuú daqtá bee/ángw tsiire tsare dír múk Israeliwo. Ilahhooár balaangw barka huúw, ilahhooár da/a nee ar wayda as haraki/isa kawa tleehhi. Anuú Aakoó MUNGÚ tí aga oó'.

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

TLAHHOÓ LAÁWI 6:30

Ala ilahhooarír tlakweema hingeesa ló' makawa /aáy, tidá' tseereerós tinda huúw baraá heémár Mungú as haraki/imis kuwa tleehhi didá' hhoohhoó' wa ale. Ilahhooári kan daa/ ar asla.»

Luka 10:5

Doó ti data'a ta geerií oa', ‹Wayda doohúng ngu ay.›

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

Yohana 3:27

Yohane iri oó', «Hee gár i slay i káhh birkinga haniisiiká amór Mungú wa ale.

Tlehhema'aá ya/Abuuse 10:36

Kuungá' Ya/abtoodá' Mungú aa huúw dír múk Israeli a xuá', Ya/abtoodá' hho' ar wayda ar loohír Yesu Kristo. Inós an Aakoó muu sleémeero.

Rumi 11:36

Asma mura' sleémeero inós guna tleéhh, slám i kumiit as aleesleemuuwós, nee in deer as inós. Inós i xirfuuti ay alhhe'eesaay wasle. Amin.

Rumi 5:1

Gawaá adoorihe atén taa hhe'eés gan'amií harafaarooro ar loohír haratlintaao. Atén a wayduú koomaán dír Munguhe ar baraá Aakoorén Yesu Kristo.

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

1 Korinto 11:12

Asma adoodá' /ameeni kara tleéhh ar hhawaata, hhawaata sleeme kuna laqwaál nee /ameeni. Ala mura' sleémeero amór i dahhi a amór Mungú.

1 Korinto 12:6

/Uureemaá dimbadimbé awa gadiyuusá' i dayá', ala Munguúdá' gadiyeédá' sleémeero ga tlehhahhiít, inós a wak.

1 Korinto 3:5

Ala Apolo a heemá? Nee Paulo a heemá? Atén a sagadiyuusér Mungú, nee kuungá' ana dirén wa haratlintié'. Asma umuúqo heewo direne gadiyeérós gana tleéhh ar adoodá' Aako ngira aténí.

1 Korinto 8:6

Tam adoorihe direne Mungú a wak, inós an Baabá. Mura' sleémeero ina tleehharuút ar inós. Nee atén an dawaán as inós. Nee slám Aako a wak, inós an Yesu Kristo. Mura' sleémeero ina tleehharuút ar inós nee atén an dawaán ar inós.

Kolosai 1:22

Ala hám daxta kuungá' sleeme naa amoorósií haraki/ís ar Garmaawós. Asma Garmaawós ina hoót iri gwaá' as kuungá' nuwa amohhe'eesi, tawa sihhita' dír geeraawós i alé, tawa múk hhohhó' oo xaslxaanslír koomaaká, tam oo hhasaám wásl.

Ebrania 2:17

Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.

1 Yohana 2:2

Inós an kudá' taa haniís as atén tiwa haraki/isi nee Mungú as tlakweemaarén, ala as tlakweemaarén kilooineeká, nee tlakweemaá muu sleémeero.

1 Yohana 4:10

Sla'aari an tí, Mungú atén tina slaá', a kaahaká atén inós una sla'aán. Garmaawós nguna ya/aáw asma atén nee Mungú tiwa haraki/isi, nee wayda nguwa tleehhi as tlakweemaarén.