2 korinto 4:8 - Biblía Axweesantá Hhohho' ar Mungú 2004

⁸ Atén bihhe sleémeero ti slahh'eemiis, ala taa tsamemeeiiká, a xuruumitaán, ala tam adoorihe a mune siaanaaká.

Ya/abtór hho' 1977

⁸ Atén bihhe sleémeero ti slahhe'eemiis, ala taa tsamemeeiiká, insareehhi a ara'araán, ala tam adoorihe a mune siaanaaká.

2 korinto 4:8 Iomraidhean Croise

WARA'AMI 129:2

Aníng ta ló'wa baramaanuús iimír masoombi'iimar'eene, ala taa aslayká.

WARA'AMI 37:33

AAKOÓ MUNGÚ heé hota ganaá' gu mayká gawaá /uuruú tlakusmo, sleeme gu ya/anká sakwasleemaro kuwa baali nee tlakusmo.

AXWEESANOÓ SAGALOOA 14:26

Heé AAKOÓ MUNGÚ gu ilaiwawaá/ harahhifór /uuruú koom gaa sláy, Tam na/iiwós sleeme dír ni guwiya' ngi slayá'.

AXWEESANOÓ SAGALOOA 18:10

Umuú AAKOÓ MUNGÚ a koo/ír gawit, Heé hota ganaá' gun i goow, kuri saxamaár,

ISAYA 40:31

Ala kudá' sleémeero AAKOÓ MUNGÚ harahhifá', inooín /uuruú /abén ngu slaslayá', inooín tari adór gwaresuú wa gáwtí tláy ar hhampe'eeri. Inooín nin ti'ii'iná' ta baloó slaaqatiiká, tan hi'iimiit ta baloó nusqumiitiiká.

HABAKUKI 3:17

Geera tam /aantsí i laqwalkahe, laqaá tam sabiíbu i na/aá konkahe. Laqaá tam seituúni mamaá seituúni ngi laqwalindaakahe, tam qamu balaangw ngu hamaaremisiaakahe, nee tam bee/ángw baraá dito i faaki qatlooro, laqaá tam hikwa ni su'unsuu'utiia baraá slumto,

Yohana 14:18

«Án kuungá' nu panáy geexawaaká. Ni amorhúng i hardáh.

1 Korinto 10:13

Kuungá' iiara'aduú taa sleeré' a adór kuduú /iisikó muu i slaaslay. Nee Mungú ku inkihhím. Inós iiara'aduú aleesleemuuhúng gu baá/, gu ya/anká kuungá' kuwa sleera'. Ala iiara'at barnaxes naa hardáh, inós loohi ga tleehh ar kuungá' tar ti'ita' baraá iiara'aduudae, as kuungá' tawa qiqtliinda' baraá iiara'aduudá' wa alé.

2 korinto 12:10

Gawaá adoorihe aníng a qwalaá/ aníng barnaxes ti daqaatlaákw, laqaá tam ti muruú tlákw i tlehhiít, laqaá tam a daawimiít, laqaá tam ti gusiisín, nee laqaá tam ti slahh'eemiís as Kristo. Asma aníng barnaxes ti daqaatlaákw, daqaní aníng a /uuruú koóm.

2 korinto 6:12

Atén muneerén aga gweeraán dirhunge, ala kuungá' munerhúng aga tsegé' direne.

2 korinto 6:4

Ala baraá umuúqo gaaro atén tin laqaqamaán adór tar sagadiyuusér Mungú. Atén an qiqtliimaán ar qitluú yaariír baraá haleeleeamituuwo nee baraá slahh'amaayero nee tam baraá daero.

2 korinto 7:5

Tam qoomár atén niwa hardahaán yaamaá Makedoniár i aleeró, amohhooa aga slawaaniiká. Ala atén slahh'amu una slawaán umuúqo bihheero. Tsee/aawo gár dáw a gila, baraá muneerene gár dáw a dae.

Galatia 4:20

Gár án ni slaa' masók án a dinkwa nee kuungá' hamí, as axweesante'eé' ngiwa warqees ar adór hatlá'. Án kuungá' adór nu laaq a xuaaká.

1 SAMUELI 28:15

Samueli iri oó' dír Saulo, «Ahaá waáy misa gononoár eér as iwa amoorír gáwtí tsa/ás?» Saulo guri báy, «Aníng a baraá slahh'amú úr, as múk Filisti niwa slaqwarár áy amor'eé', nee Mungú iga alaá xu'ús i mu/aywatsinká ar loohír tlata tam aaruseero. An gár án kuúng usa ateét as kahhó' iwa xu'utis gár aníng wa hariim tleehhamooro.»

1 SAMUELI 30:6

Daudi i baraá gurhaamír bo/, as na/ii'ín kiwa ar tláy. Daudi kuna dae tsaát, asma muu i inós tlaqtuú wa slaa' ar tlaa/e. Ala Daudi /uuru guna sláy as AAKOÓ MUNGÚ, Munguúwós.

1 SAMUELI 31:4

Saulo heewós kudá' xosluuwós kudaá slaqwarár loohiís guri báy, «Paángarók tisíng taatahheek, aníng mutáng, ni gwaá', mukqá' taa hheehhe'eesiiká ló' aníng miwa gaás ar paánga, iri niqín.» Ala heedaádá' xooslaarós loohiís gwaa qiitliiká, asma ina da'ayuút kángw kilá' wa ale. Saulo paángarós gari taataáhh, gari qoomeés gawaawós, gari harahuú'.