2 korinto 4:4 - Biblía Axweesantá Hhohho' ar Mungú 2004

⁴ Asma múk haratlintatiaaká, muner'ín kaa taampúy nee munguú yaamuuká'. Gawaá adoorihe inooín gwa/aateemaadá' ló'wa gwa/aatá' arto ngi aleeslay'aaká. Gwa/aateemaadá' amór i dahhiya' a amór Ya/abtór hho' ar xirfuú Kristo. Nee Kristo an slaqsoó Mungú.

Ya/abtór hho' 1977

⁴ Asma múk haratlintatiaaká, muner'ín kaa taampúy nee mungú yaamuuká'. Gawaá adoorihe inooín gwa/ateemaadá' ló'wa gwa/aatá' arto ngi aleeslay'aaká. Gwa/ateemaadá' amór i dahhiya' a amór Ya/abtór hho' ar xirfuú Kristo. Nee Kristo inós an slaqsoó Mungú.

2 korinto 4:4 Iomraidhean Croise

1 WAAWITÁ 22:22

AAKOÓ MUNGÚ iri oó', ‹Adór kur al/ak a adoomá?› Inós iri oó', ‹Aníng an tláw aaruuseerós sleémeero ngay lamuuse tleéhh.› AAKOÓ MUNGÚ iri oó', ‹Kuúng al/aymaro u aleesleér, tláw, adoosíng tleehheek.›

WARA'AMI 50:2

Iimír baraá Siyoniro, gixsadá' ló'wa hhoohhoo', gwa/aateemaá Mungú i qwiirii/iyá' adór tsee/amá.

ISAYA 6:10

Munér mukwí daktu'uweek, iaaín mindiwa axamiisiyé', ilaaine mindiwa gaa ariyé', iaaine mindiwa axaasiyé' ngiri tsaahhiyé', ar muner'ine mingiwa tsaahhiyé' mindiwa amor'eé' ki/iyé' niri ba/aná'.»

Matayo 13:22

Nee kudá' aa paahh baraá laqaya', an slaqsoó múk axweesantadá' gaa axaas, ala daawitimér yaamu nee al/aymár daqaari'iima axweesantadá' gari tlíq, axweesantadá' iri laqwaliká.

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 1:18

Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhooatis.

Yohana 12:31

Daxta sakwasleemár múk baraaká' yaamu naa xeér. Hám heedá' úr oo yaamuuká' ku tsee/ií kwaahh.

Yohana 12:35

Yesu iri oó', «Qoomár niinawe gwa/aateema i kumiitiyá' iwa gwa/aatiya' dirhunge. Hi'iimité' ar baraá gwa/aateemaaká', giwti munduwa ót. Asma hee bir baraá giwtír wa hi'iimiit, amór i kay ga xuiiká.

Yohana 12:40

«Ilaaín gaa taampúy, nee muner'ín gaa gawdeés, as makawa ár ar ilaaín, nee makawa tsaáhh ar muner'ín, tari hhu'u'ún, án ngiri hungu/uús.»

Yohana 12:45

Nee kudá' aníng i ga/áw, heé i ga/ay a aningeeká, ala a kudá' aníng iga ya/aaw gun ga/áy.

Yohana 14:30

Axweesantá yaariir ar ni dirhúng i malé oo' i káhh, asma heé úr oo yaamuuká' i hi'iit. Ala inós gár i aleeslay i káhh dir'eene.

Yohana 15:24

Aníng tlehhemi'i ina tla/angw'ín wa tleéhh, tam heé hatlá' i kaahh oo tlehhema'aá adór kudá' gaa tleehh. Adoorí geeraawo bar aga tleehhiiká, inooín alók geera ta tlakweemaá konká. Ala daxta inooín tlehhemi'iieé' kaa ár, tam adoorihe aníng nee Baabuúeene taa aáhh.

Yohana 16:11

Daanduú sakwasleemaro asma kudaádá' úr oo yaamu kwaa qaroó sakwasleemuút.

Yohana 8:12

Yesu inooín giri malé báy, «Aníng a gwa/aateemaá yaamu. Heé aníng iga eehaar, i baloó baraá giwtír wa hi'iimitiiká, ala inós gwa/aateemaá slafiingw gi kón.»

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

Tlehhema'aá ya/Abuuse 26:23

Nee kangwdá' a kwí, Kristo gár kuwa hariím a kun slahh'eemiis, nee tari heé baraá múk aa qaátl wa geerií waasleé/. Nee kángw gwa/aateema guri alki/iit dír múk Israeli nee dír múk xoordaá hatlae.»

1 Korinto 10:20

Aasla'áy. Ala múk pakaanáy ilahhooár muruú ta tsu/i birngi hanmiisiyá', a ngin hanmiisiyá' amór neetlaame ala a amór Munguheeká. Ala aníng a sla'aaká kuungá' tawa dinku'uumisa' nee neetlaame.

2 korinto 2:11

as atén Neetlaangw mitiwa al/aáy. Asma gár inós i slai atén a xuaán.

2 korinto 2:12

Qoomár aníng niwa Troárí hardáh as Ya/abtór hho' ar Kristo ngiwa alki/iit, gár naa ár a pa/ángw amohhoó' kunguna haniís oo aníng gadiyér Aako ngiwa tleehh didae.

2 korinto 3:11

Asma tidá' waaraahh i xirfuú koón. Ala tidá' kumiit ay alhhe'eesaay wasle, xirfuuwós ku ló'wa úr.

2 korinto 3:14

Ala fuqurangw'ín ina gawdúy. Nee tam ay hamí fuqurangw'ín kwaa tuuntuúk ar warqamoodá', qoomár gooír alqadoodá' qaren bar ka soomuus, as gídaabárós makawa tsaáhh. Asma warqamoodá' dír kuwa hingeés a baraá Kristo kilós.

2 korinto 3:18

Ala ateéká' sleémeero awa gitsee/eerén warqamoó kooma'aaká, atén xirfuú Aako un araán ar adór baraá looa. Xirfuuwí oo amór Aakoó daáhh, atén tin warqees as tawa slaqsaywós tleehhitaan. Gawaá adoorihe atén xirif un iimirí wa slawaán, nee iri doogiigín direne. Adoorí Qeeruú Aako gan tleehh.

2 korinto 4:6

Asma Munguúdá' aa oo', «gwa/aateema i gwa/aatiye' baraá giwtír wa ale,» inós gwa/aateemaawós gina gwa/atís baraá muneerén wa ale. Inós adoorí gana tleéhh, as atén xu'uti kawa slawaan, nee xirfuú Mungú kuwa tsaahhaan, kudá' gawaá gitsee/aá Kristó i dirií'.

Galatia 1:4

Aakoorén Yesu Kristo adoodá' Mungú Baabá aa slaá' gana tleéhh, tiri haniís as daanduú tlakweemaarén, as atén tiwa ba/amisi baraá yaamuuká' tlaakwe awa de'emuuká'.

Efeso 2:2

Qoomaadae kuungá' loohír tlaakw ana oté', tidár yaamuuká'. Kuungá' waawutmoó qeeruú neetlaame, kudá' gáwtí dirií', una eehadé', qeeruudá' gadiyuús hamí baraá múk Mungú gwa sií' wa ale.

Efeso 6:12

Asma wakuusér nee atén slaqwá' a mukooká, ala a waawitá nee kudá' aleesleemuú koomá', kudá' waawuti'iimá' daanduú yaamuuká' giwtír kooma'a, nee neetlaamér tlakw ar baraá yaamaá qeeru.

Filipi 2:6

Inós iimír iimu/uungo tlehhemuuwós a adór kuquú Mungú. Inós nee Mungú i qoná'. Ala inós ina ya/án qoomtidá' nee Mungú tawa qon ngiwa geexay.

Kolosai 1:15

Kristo an slaqsoó geehhoó' oo Munguúdá' geehhooeeká. Inós an na/oó baris dír Munguhe baraá mura' sleémeero kudá' taa tleehhi.

Kolosai 1:27

Asma Mungú gana slaá' ngiwa gwa/atisi dir'íní alé adór lu/aaráydá' ir daqaari'iimár kón nee xirif baraá múk xoorduuwo. Lu/aaráy an kwí, Kristo i baraahúng i dirii'. Gawaá adoorihe kuungá' haraxu'uti a koondá' ar xirfuú Mungú kuwa sleera'.

1 Timoteo 1:11

Intsaahhasarí a tidá' tinda aníng i haniís, as ngiwa alki/iit, intsaahhasarí a Ya/abtoodá' hho' daanduú xirfuú Munguúdá' tsuuqaá koóm.

Tito 2:13

qoomár boo/emisuú harahhifoorén kuwa daamaaramaan. Harahhifo an tí, Munguúrén oo úr nee Ba/amusmoorén Yesu Kristo nin hardah ar baraá xirif.

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.

Ebrania 6:4

Asma múk aa qaroó alií kii/, adór kungur ki/isi baraá hhu'u'úngw i alé a adoomá? Asma inooín kingina dahaás baraá gwa/aateemaá Mungú, tsuuqaá Mungú kudá' gawaá dooraá dahhá' kiri tsaáq, Qeeruú hhoohhoó' oo Mungú kuri én,

2 Petro 1:19

Gawaá adoorihe atén axweesantadá' aaruuse aa alki/ít an ló'wa haratlintiaán. Kuungá' adór hho' aga tlehhé' barnaxes axweesantadá' aga alqaytsité'. Asma axweesantadá' a adór tsaa'astá baraá giwtír wa oh, ay dír iimi i /awaakuur, nee ay dír tsatsee/ír Haymú i geehhouur baraá munerhunge.

1 Yohana 2:11

Ala heé hhiyaawós gwa aahh, i baraá giwti, slám i baraá giwtír wa hoot, ala amór i kay ga xuiiká. Asma giwti ilaawós gaa taampuúr.

1 Yohana 2:8

Ala inós ka /aben sleeme, axweesantadár ló' baraawose nee baraahunge, tidá' kah, giwti i waaráhh, nee gwa/aateemaadaá ló' naa qaroó gwa/aatiyé'.

1 Yohana 5:19

A xuaán adór atén tar múk Mungú, ala yaamu sleémeero kudá' tlaákw gin baliit.