2 korinto 4:17 - Biblía Axweesantá Hhohho' ar Mungú 2004

¹⁷ Slahh'amaayeerén ka niina nee slám ar har qoomár niina. Ala gár ni hup direne a xirfuú úr ló'wa ale oo baloó faakaaká.

Ya/abtór hho' 1977

¹⁷ Slahha'amaayeerén ka niina nee slám ar har qoomár niina. Ala gár ni hup diirene a xirfuú úr ló'wa ale oo baloó faakaaká.

2 korinto 4:17 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

WARA'AMI 119:67

Qoomár iwa muxiká ana dee/aanuút, ala daxta axweesantók a iiárií qamiím.

WARA'AMI 119:71

Gár hhoo' aga sláw baraá slahh'amudá' naa slawi, asma iga intsaahhatís kaahiroge.

WARA'AMI 30:5

Asma buhhtaawós awa qoomár niina, ala gurhhooarós ar slafiingw sleémeero. Tam xweeraawo /aa/e i daya'a, ala matlaatleero qwala/ iqo deer.

WARA'AMI 31:19

Hhooeemaawók adór kir úr, kudá' taa qás as mukdá' kuúng u ilaiwawaá/, kudá' taa tléhh dír mukdá' kuúng u i gogoowa, dír geeraá muko.

WARA'AMI 73:24

In geeraharaahát ar gurbu'uungók, aluuwo iri ilaót baraá xirfuuwók.

ISAYA 26:20

Qwalaasé' muk'eé', dahé' baraá kutwayhúng, afér kutwayhúng aluuhúng wá tseegaak, baraasíng i nahhataak har qoomár niinawe ay dír buhhtakaá Mungú ni waaraahhiya'.

ISAYA 54:8

Har afiqoomár niinawe niwa buúhh ina ilaa goów, ala ar sla'aarír warqawakahe iga gurtláw. AAKOÓ MUNGÚ ba/amusmoowók tí gan kah.

ISAYA 64:4

Iimír aange Munguú hatlá' ugwa araniiká laqaá ugwa axaasaniiká iaawo slám Munguú adór kuúng oo taa ár ilaawo i kaahh, kudá' muruú waa/oo/amór tlehhiít dír kudá' inós ngu harahhifa'a.

FAARO 5:28

Ala barnaxes /ameenidá' taa slasla/areská nee i dakuúsár koondaaká, inós gár ga aw i káhh, nee aqo na/ii gin sleér.

Matayo 5:12

Qwalaala/é' nee baraa/é', asma bu'utuhúng ku úr gawaá dooriiwo. Asma adoosíng an adór aaruuseedár aáng kaa /imiís.»

Luka 6:23

Qwalaala/é' baalaadae, ta ni/iindá', asma ga/aawaagáy, gawaá dooriiwo kuungá' qeemuú úr u sleerá'. Asma adoosíng muu ni kuungií tlehhiiti, an adoodá' aáng baabi'ii'ín naa tlehhiitiyé' dír aaruuse.

Tlehhema'aá ya/Abuuse 20:23

Ala Qeeruú hhoohhoó' oo Mungú aníng i ádbabáy umuúqo gixsaro adór tseegamo nee slahh'amaaye aníng ir daamaraná'.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

Rumi 8:18

Aníng slahha'amaayér qoomaarír hamí a gaárí fadiitaaká ta xirfuudá' tindi amoorén i geehhooeesi qoomaadae.

Rumi 8:34

Heé inooín gi sakwasleemuút a heemá? Yesu Kristo ina gwaá', nee slám a tí kiloseeká, inós nina waasleé/ baraá múk aa qaátl wa ale. Nee inós hamí i dákw /iyáy oo Mungú, i atén aleefiriirín.

Rumi 8:37

Ala baraá muruuwí sleémeerowo arba/ati a ló'wa slawaán ar kudá' atén taa slaa'.

1 Korinto 2:9

Sagalooarí an tidá' Gooi iwa kat, «Gadá' taa baloó ariiká nee iltá hee, nee ar taa baloó axaasiiká nee iiár hee, nee slám ar hee aa baloó xuiiká baraá muunaáwose, gaarí an tidá' Mungú aa amohhe'eés as mukdá' inós gu slaá'.»

2 korinto 3:18

Ala ateéká' sleémeero awa gitsee/eerén warqamoó kooma'aaká, atén xirfuú Aako un araán ar adór baraá looa. Xirfuuwí oo amór Aakoó daáhh, atén tin warqees as tawa slaqsaywós tleehhitaan. Gawaá adoorihe atén xirif un iimirí wa slawaán, nee iri doogiigín direne. Adoorí Qeeruú Aako gan tleehh.

Filipi 1:19

asma aníng a xuú' alhhe'eesaywo án ti gweer, as án kuungá' iwa aleefiriiriinda' nee as Qeeruú Yesu Kristo aníng iwa alee/iimisi.

2 Tesalonike 1:4

Gaarí an gár ataá kilá' xirif kus ara'araan daanduuhunge dír múk kríshaanáy oo baraá yaamaá hatlae. Atén xirif un ara'araán as adoodá' kuungá' tawa kumita' baraá haratlintaaooro. Asma gusisiingw sleémeero u qiqtliindá' nee slahh'eemisuudá' ta slasleera'a.

2 Tesalonike 1:6

Mungú gan'amu gun tleehh. Mukdaádá' kuungá' naa slahh'eemiis, inós gun slahh'eemiis as tawa bu'utuuín.

2 Timoteo 2:10

Gawaá adoorihe aníng umuúqo gaaro an saqiqtliím as múk taa tsawaár oo Mungú, asma inooín sleeme masók alhhe'eesaywo ba/amadár baraá Kristo Yesu i dirii' ngiwa slaya', dinkwa nee xirfuuduú alhhe'eesay wásl.

Yakobo 1:12

Heé amohhoó' an kudá' iiara'at gu sa qiqtliím. Asma iiara'at bungura ar baá/, aluuwo slamaangw gu sláy. Slamaangwí an slafingwdá' Mungú aa al'axweés nguwa haniisi dír kudá' sleémeero inós ngu sla'á'.

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kahhó' kuungá' tawa múk Munguú firiiriím.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.

1 Yohana 3:2

Sla'aaruúse, daxta atén a na/aá Mungú, ala adór aluuwo ta laqaan hamírihe naa gehhoouuriiká, ala tí a xuaán Yesu bir na wayaá', atén a adór inós tleehhitaán. Asma un araán adoodá' inósuú kilá' i dirii'i.

Yuda 1:24

Mungú kuungá' nu aleesláy nuwa de'en as dukuutsmo munduwa tuú', slám nuri sihhitis dír geeraá xirfuuwós tawa múk xaslxaansli wásl, nee tawa múk baraá qwal/uú úr.