2 korinto 4:10 - Biblía Axweesantá Hhohho' ar Mungú 2004

¹⁰ Umuúqo daqto atén gwa'arár Kristo an baraá slaqoorén ar gagariimaán, as masók slafíngw Kristo sleeme iwa geehhoouy ar baraá slaqoorén.

Ya/abtór hho' 1977

¹⁰ Umuúqo daqto atén gwa'arár Kristo an baraá slaqoorén ar gagariimaán, as masók slafíngw Kristo sleeme iwa geehhoouy ar baraá slaqoorén.

2 korinto 4:10 Iomraidhean Croise

Yohana 14:19

Deelór aa met ka ureeká, aníng múk aa haratlintii'iiká i malé ariiká, ala án kuungá' i aandá', asma án a slaáf, nee kuungá' a slafá'.

Rumi 6:5

Asma adoodá' atén tira haragaasaán nee inós, qoomár tawa qatlaán ar adoodá' inós ira gwaá', atén tiqo malé haragaasaán nee inós ar tawa waaslee/aan sleeme ar adoodá' inós ira waasleé/.

Rumi 6:8

Ala atén barnaxes aga qatlaán dinkwa nee Kristo, a haratlintatiaán adór atén tar slafaán sleeme dinkwa nee inós.

Rumi 8:36

Asma kaa gooín tawa kaahi, «Atén tin tsuu/ umuúqo siiwaro as kuúng, tin harafadiit tawa adór bee/ángw tsu/uta.»

2 korinto 1:5

Asma adoodá' slahh'eemisuú Kristo ir buhhabuhhi amoorene, adoorí an adoodá' gurkwa/amis ir tlahhatlahhi sleeme amoorene ar loohír Kristo.

2 korinto 1:9

Atén tari baraá muneerén i kaahaán daxta sakwasleemár gwa'ara aga slawaán, as atén kawa tsaahhaan adór tar gár hariimaaká atén tiwa kilootén i tlintiiaan, ala masók a Mungú un i tlintiiaán, kudá' múk aa qaatl gu aleesláw waasle/atisaro.

2 korinto 13:4

Ar ló' inós kuna kikií' ar baraá daqaatlakwe, ala inós i slaaf ar /uuruú Mungú. Adoorí an adór atén tay diriiaan sleeme. Atén ti daqeetlákw adoodár inós wa ale, ala a hootaán dinkwa nee inós ar /uuruú Mungú. Adoorí kuungá' aqo aandá'.

2 korinto 4:11

Baraá slafiingwrén sleémeerowo atén tin amór gwa'arár i hanmiis umuúqo daqto as Yesu, as masók slafiingós i geehhoouy ar baraá slaqoorén kuká' qatlá'.

Galatia 6:17

Iimír hamí aníng hee miwa sangw daawiitiís, asma aníng a mulkoó Yesú koóm gawaá slaqwte'eene.

Kolosai 1:24

Hám daxta a qwalalaá/ asma tiwa slahh'eemisi as kuungá'. Án baraá slaqwte'eene birti slahh'eemiis, a slahh'eemisuú Kristo un boo/eemiís, kudá' aa meet baraá slahh'eemisuuwós as slaqwtós. Slaqwtós an múk kríshaanáy.

2 Timoteo 2:11

/Aymuuwí i harín haratlintaaooro kwí káh, «Atén bar ana alqatlaán dinkwa nee inós, a alhootaán dinkwa nee inós sleeme.

1 Petro 4:13

Ala kuungá' qwalaala/é' as adoodá' slahha'amaayér Kristo kawa tsaqé', as kuungá' tawa ló'wa qwalaa/a, qoomár xirfuuwós burkwa geehhooeés.

1 Petro 4:14

Kuungá' bar tundun /ooslislín as Kristo, kuungá' daqaní a múk amoohhoó'. Asma Qeeruú Xirif kuduú Mungú, i gawaahúng i dirii'.

Geehhoeemaá 1:17

Aníng qoomár nguwa ár, niri huú' dír ya'aawós i alé adór heé aa gwaa'. Dakós oo doó /iyáy nguri qaás gawaaeé' alé, iri oó', «Ma da'ayuumitaar. Aníng a kuduú geera nee kuduú alhhe'eesaay,