2 korinto 4:1 - Biblía Axweesantá Hhohho' ar Mungú 2004

¹ Gadiyeérí atén ta tleehhaan Mungú ngina atén i haniís as gurtleemuuwós. Gawaá adoorihe atén a mune siaanaaká.

Ya/abtór hho' 1977

¹ Gadiyeérí atén ta tleehhaan Mungú ngina atén i haniís as gurtleemuuwós. Gawaá adoorihe atén a mune siaanaaká.

2 korinto 4:1 Iomraidhean Croise

ISAYA 40:30

Tam masoomba in nusqumít iri slaaqamít, tam masoombár daaqaay in huuhu'uún.

ISAYA 40:31

Ala kudá' sleémeero AAKOÓ MUNGÚ harahhifá', inooín /uuruú /abén ngu slaslayá', inooín tari adór gwaresuú wa gáwtí tláy ar hhampe'eeri. Inooín nin ti'ii'iná' ta baloó slaaqatiiká, tan hi'iimiit ta baloó nusqumiitiiká.

YEREMIA 45:3

‹Kuúng a kat, tsaxwaaeé', asma AAKOÓ MUNGÚ gurhaami ngaa doók gawaá daanduú slahh'amuueé'. Aníng gurhaami iga slaaqatís tam dír amohhoo' a slaslawaaká'.›

Luka 18:1

Aluuwo Yesu giri slaqsaywí báy as ngiwa intsaahhatisi, asma inooín gár kiwa hariím a Mungú ngun firiiriná' daqisleém, tam matawa mune sií'.

1 Korinto 3:5

Ala Apolo a heemá? Nee Paulo a heemá? Atén a sagadiyuusér Mungú, nee kuungá' ana dirén wa haratlintié'. Asma umuúqo heewo direne gadiyeérós gana tleéhh ar adoodá' Aako ngira aténí.

1 Korinto 7:25

Ala gawaá daanduú /amaatliiteero aníng hara'ayár Aako ar ni koom i káhh. Ala gaarí ni oo' a adór aníng ni ga/aw. Asma aníng a heé taa gurtleemuú i haniís nee Aako, tawa heé muruú ló' káh.

2 korinto 3:12

Atén haraxu'utír adoorí kawa qo koomana, pihh'uuma a koomaán.

2 korinto 3:6

Asma inós an kudá' atén taa aleesleemuú i haniis tawa sagadiyuusér alqadór /aben tleehhitaan. Ala alqadoorí a tidár hara'ayár gooirooká, ala a tidár Qeeru. Asma hara'ayár gooi i tsu/út, ala Qeeru i slafimis.

2 korinto 4:16

Gawaá adoorihe atén a mune siaanaaká. Asma slaqoorén i hhitirumitiyá', ala tam adoorihe atén ti /abeemií ki/imis baraá muneerene umuúqo deelooro.

2 korinto 5:18

Ala muruuwí sleémeero amór i dahhi a amór Mungú. Inós atén tina dirósií haraki/ís ar loohír Kristo, nee gadiyér haraki/imis ngiri dirén i haniís.

Galatia 6:9

Mawa slaaqataán hhooeema tlehhtuuwo. Bar aga mune sianiiká, bu'uungw u slawaán qooma bira xeér.

Efeso 3:13

Ala án kuungá' nu firiím ma mune siaara' as adoorí án tiwa slahh'eemisi as kuungá'. Asma slahh'amaayeerí a xirif dír kuungae.

Filipi 4:13

Mura' sleémeero u aleesláw baraá kudaádá' aníng i /uurií hanmiisa.

2 Tesalonike 3:13

Ala kuungá' hháe, ma baloó slaaqataara' tidá' ganaa' kawa tlehha'.

1 Timoteo 1:13

anuúdá' aáng geeraawo inós ugwa /ooslaasliim, nee ugwa gusiisiim, nee ugwa slahh'eemiis. Ala Mungú aníng ina gurtláy, asma tí sleémeero ana tleéhh as xuawasler'eé'. Asma qoomaadae aníng Yesu ugwa haratlinti'iiká.

Ebrania 12:3

Kuungá' inós inslawaak, adór inós tlaampa'amisuú xaraásl oo múk tlakuuse ngura sa qiqtlín. Gawaá adoorihe kuungá' ma slaaqataara' nee ma mune siaara'.

1 Petro 2:10

Asma kuungá' aáng geeraawo a xooroorooká, ala hám daxta a xoorór Mungú. Kuungá' aáng gurtleemuú Mungú ugwa sleeri'iiká, ala hám daxta gurtleemu ugwa sleeré'.

Geehhoeemaá 2:3

Slám kuúng ana qiqtliín nee slahha'amaayér yaariir ana slaasleér as aníng, slám aga slaaqatká.