2 korinto 3:7 - Biblía Axweesantá Hhohho' ar Mungú 2004

⁷ Hara'ayaadár Mose kana gooín gawaá parhheemaá tlaa/e, nee qoomár hara'ayaadá' kingiwa huúw, xirfuú Mungú iri geehhooúy. Xirfuudá' tam a xirfuú gaanslár waaraahha, ala tam adoorihe múk Israeli gitsee/aá Mose i qaytsitaro kaa aleeslayká as adoodá' gitsee/aawós iwa qwiirii/iya'. Ala hara'ayaadár gooi, tidá' gadiyeérós gwa'arár huwahuuw barnaxes xirfuú úr oo adór kwí gun koón,

Ya/abtór hho' 1977

⁷ Hara'ayadár Musa kana gooín gawaá parhheemaá tlaa/e, nee qoomár hara'ayadá' kingiwa huúw, xirfuú Mungú iri geehhooúy. Xirfuudá' tam a xirfuú gaanslár waaraahha, ala tam adoorihe múk Israeli gitsee/aá Musa i qaytsitaro kaa aleeslayká as qwiri/amaá gitsee/aawós. Ala hara'ayaadár gooi, tidá' gadiyeérós gwa'arár huwahuuw barnaxes xirfuú úr oo adór kwí gun koón,

2 korinto 3:7 Iomraidhean Croise

IIMU/UUNGW 3:21

AAKOÓ Mungú Adam nee hareerós giri tlabaá kadú i tleéhh, giri tsiitiís.

NEHEMIA 9:13

Nina gawaá doorí wa awét ay gawaá tloomár Sinai, tari axwés nee inooín. Kiri kángw hhó' beér, dabér ló' kari hanís, nee kaahír hhoe nee hara'ayaro.

WARA'AMI 119:174

AAKOÓ MUNGÚ, aníng a ló'wa daamaraám iwa ba/amis, dabeerók an saqwalalaá/.

WARA'AMI 119:97

Dabeerók aga gurií baá/, tlaatla/angw sleémeero an gár ni aldakuut.

TI'INAANGW 24:12

AAKOÓ MUNGÚ Mose guri báy, «Qwaláng amor'eé' gawaakaá tlooma, daqaní aníng parhheemaá tlaa/e, kudá' naa hara'aya nee dabeérí gooiím ngi haniís as múk Israeli intsaahhasa ngiwa slay.»

TI'INAANGW 31:18

Qoomár Mungú axweesantá dír Mose ngiwa hhe'eés gawaá tloomár Sinairo, Mose guri tlaa/eedá' tsáp awa parereehhayénií haniís, kudá' Mungú aa hara'ayaarós i gooín ar dakós oo kilá'.

TI'INAANGW 32:19

Qoomár tawa tseewúy amór xafaay, Mose damaadá' taa tleéhh gari ár, nee ni/imadae, Mose iri daa/atúy buhhtaawo, tlaa/eedá' parereehhayen kudá' hara'aya kay gooín giri yaamií kwaáhh, niri qeqtiné' didár afaá tloomárí ale.

TI'INAANGW 34:1

AAKOÓ MUNGÚ Mose guri báy, «Tlaa/aá parereehhayen awa tsár tleehheek awa slaqás nee kudaá geera, daqaní aníng axweesantadá' baraá tlaa/eedá' parerhhayenií dirii', kudá' kuúng taa giqeér, a baraá kwisíng i gooiím.

Tlehhema'aá ya/Abuuse 6:15

Mukdá' sleémeero aa iwiit dír kwasleema, Stefano kuri ilií duxún. Gitsee/awós kiwa ár, naxés a adór gitsee/aá malaykamo.

Rumi 10:4

Asma Kristo hara'aya gan boo/eemiis, as kahhó' umuúqo heewo oo gwa haratlintii' kuwa gan'amií harafaari.

Rumi 4:15

Asma hara'aya sakwasleemár Mungú gan huwaahúp, ala didár hara'aya iwa kahh, dakuús sleeme i káhh.

Rumi 5:20

Hara'aya nina hardát as dakuúsadá' iwa doogiin ak alé. Ala tlakweema niwa tlahhiyé', gurtleemuú Mungú iri ak ló' wa doogín sleeme.

Rumi 7:10

ala aníng niri gwaá'. Gawaá adoorihe hara'ayaadá' slafiingw geera ngu huuw, gár naa húp dir'eene an gwa'ara.

Rumi 7:22

Asma aníng baraá muunaáeene hara'ayár Mungú an sa qwalalaá/.

Rumi 7:5

Qoomár atén tawa warqawaniiká, ilatleerír tlakweema tidá' taa tleemiís nee hara'aya, ina gadiyús baraá slaqoorén wa ale, tam atén tlehhma'aá gwa'arár huwahuwá' kiri tleehhaán.

1 Korinto 13:10

Ala tidá' ganaa' binda hardát, muruudaá /aaruy sleémeero iri waaraahh.

2 korinto 3:3

Asma a gár geehhoo' adór kuungá' tar barwaárén ar amór Kristó daahh. Barwaárí kana gooín ar gadiyeérén. Kaa gooínká ar wiíno, ala kana gooín ar Qeeruú Mungú kudá' slaáf. Kaa gooinká gawaá parhheemaá tlaa/e, ala kana gooín gawaá /aare'eeraá fu'unaay, an baraá munér muu.

2 korinto 3:6

Asma inós an kudá' atén taa aleesleemuú i haniis tawa sagadiyuusér alqadór /aben tleehhitaan. Ala alqadoorí a tidár hara'ayár gooirooká, ala a tidár Qeeru. Asma hara'ayár gooi i tsu/út, ala Qeeru i slafimis.

2 korinto 3:8

xáy, xirfuú gadiyér Qeeru ku ak úreéke ló'wa ale?

Galatia 3:10

Ala kudá' sleémeero tlehhma'aá hara'aya ngaa i tlintii'iye' kaa lu'ús. Asma Gooi i kat, «Heé tidá' sleémeero taa gooín baraá kitaábuú hara'ayár Mosewo ga alqaytsimitaaká nee ga iialooeemisaaká ku lu'usi.»

Galatia 3:21

Daxta bar adoorí, an ooána hara'ayár Mungú nee al'axweesantá Mungú ti slaslay'aaká? Aasla'áy, a adooriheeká. Ala geera barnaxes hara'ayár aleesleemuú koom kinga haniís, ar muu gu slafíngw i haniis, geera alók muu gan'amu gu sláy as hara'aya ngiwa óh.

DABE 4:13

Inós kuungá' nuri alqadorós báy, as kiwa ota', an hara'ayduuwós kudá' mibaangw taa gooín gawaá tlaa/eedá' tsárawa parereehhayen.

DABE 4:8

Laqaá xoorór ur tam ar wák i káhh ar kaahi nee hara'ayár ganaa' ar adór tí ga koom, tí aníng naa dirhúngí intsaahhatís laarí.

DABE 5:22

«Kaangwí an axweesanaydá' AAKOÓ MUNGÚ naa dír dinku'uumarhúng sleémeero wa axweés ar afór ur gawaá tloomár wa ale, baraá tla/ángw asltá wa ale, nee baraá huunki nee baraá ma/amír aa qipit, tam axweesantá aa doók i káhh. Axweesantí gari gooín gawaá tlaa/eedá' tsár awa parereehhayen ngiri dir'eéní haniís.

DABE 9:15

«Naagáy niri alií warqáw, niri gawaá tloomár wa aweér, gawaá dabaaeene parhheemoodá' tsár awa tlaa/e u koóm, kudá' taa alqadoórí gooín. Slám asla i gawaá tloomár wa ót.

Ebrania 12:18

Asma tloomár kuungá' taa i hardaté' a tidá' kwatiitaro ta aleeslayká dabaawo, a tloomár Sináirooká, tidár múk Israeli aa i hardáh aáng. Slám kuungá' asltadá' gawaadá' wa oh aga i hardati'iiká, laqaá tlaangídá' bo/ ar gawaadá' i dirii', nee ma/ami nee bambaao,

Ebrania 3:3

Yesu ku ak xiríf ta Mosewo. Asma umuúqo heé doó tleéhh, xirfuuwós ku úr ta xirfuú do'dá' aa tleehhi.

Ebrania 9:4

Baraadae kitángw ilahhooa i deer oo taa tleéhh ar sahaábu. Kitaangwí kun ilahhooár mooyángw tsuú í da/aa/an. Gár hatlá' baraadane a sandakmooduú alqado, oo taa ninkiriíts ar sahaábu umuúqo barto. Muruú baraá sandakmoowí a sirwír taa tleéhh ar sahaábu, tidá' muruudá' ta babay maána gu koom, nee hhartá Aroni, tidá' naa harma/, nee tlaa/eedá' tsár awa taa axweesantá alqadór i gooín.