2 korinto 3:6 - Biblía Axweesantá Hhohho' ar Mungú 2004

⁶ Asma inós an kudá' atén taa aleesleemuú i haniis tawa sagadiyuusér alqadór /aben tleehhitaan. Ala alqadoorí a tidár hara'ayár gooirooká, ala a tidár Qeeru. Asma hara'ayár gooi i tsu/út, ala Qeeru i slafimis.

Ya/abtór hho' 1977

⁶ Asma inós an kudá' atén taa aleesleemuú i haniis tawa sagadiyuusér alqadór /aben tleehhitaan. Ala alqadoorí a tidár hara'ayár gooirooká, ala a tidár Qeeru. Asma hara'ayár gooi i tsu/út, ala Qeeru i slafimis.

2 korinto 3:6 Iomraidhean Croise

YEREMIA 31:31

AAKOÓ MUNGÚ i kaahi, «Deelo ni hardát ar aníng alqadór /aben ngiwa oo' dír múk Israeli nee oo Yuda.

Matayo 13:52

Yesu giri báy, «Gawaá adoorihe umuúqo intsaahhatusmoó hara'ayár Mosewo, oo sagalooár waawuti'iimár doori ga koóm, a slaqás nee heé do' loó', oo baraá daqaari'iimarose muruú /abén nee oo qarene gu hanmiís.»

Matayo 26:28

Asma gaarí a tseerer'eé' ar alqado, ar ku'uut as múk yaariír as hingeemisuú tlakweema.

Marko 14:24

Giri báy, «Gaarí a tseerer'eé' ar alqado ar ku'uut as múk yaariír.

Luka 22:20

Alaá /aymaaro xooslmoó wahaangw guri adoodár óh sleeme, iri oó', «Gár baraá xooslmoowí a alqadór /aben tidá' Mungú aa tleéhh ar tseerer'eé', ar taa ku'uús as kuungá'].

Yohana 5:21

Asma adoodá' Baabá tu'u ngir waaslee/atimisi nee ngir slafimisi, Garma sleeme mukdá' inós aa tsawaár, gun slafimis.

Yohana 6:63

Qeeru an kudá' slafíngw hanmiís, slaqwa gár i bu' i káhh. /Aymi'iiká' naa kuungá' i oó' a qeeru, slám a slafiingw.

Rumi 1:5

Mungú aníng ina tsuuqaá i haniís niwa ya/abusmo tleehhiit as Kristo. Adoorí gana tleéhh ar loohír Kristo, as aníng xoordu sleémeero ngiwa geerahaar amoorós, as nguwa haratlintii'iya', nee nguwa iialooeemisiya'.

Rumi 3:20

Asma heé ta gan'amií harafaari dír geeraá Munguhe i kaahh, ar loohír tlehhma'aá hara'aya, asma hara'aya gár i bu' dír heewo, a tlakweemaawós gin laqaaqaán as ngiwa tsaahhi.

Rumi 4:15

Asma hara'aya sakwasleemár Mungú gan huwaahúp, ala didár hara'aya iwa kahh, dakuús sleeme i káhh.

Rumi 4:17

adoodá' kara gooín, tawa kaahi, «Án kuúng ugwa qaás tawa baabuú xoordaá yaariir.» Gawaá adoorihe inós an baabuú xoordaá yaariir dír geeraá Munguhe, Munguúdá' inós aa haratlintií'. Munguúwí an kudá' múk aa qaatl gu slafíngw i hanimiís, slám an kudá' mura' sleémeero oo kaáhh gu ateetiím tawa adór muruú dáw.

Rumi 7:6

Ala hám atén taa gweér baraá hara'ayaaro, asma atén aga qatlaán dír hara'ayaadá' atén taa tsegi. Hám daxta atén Mungú un sagadiyuusaán ar loohír /aben, ar Qeeruú hhoohhoó' oo Mungú, ala ar loohír aangeeká, ar hara'ayaadá' taa gooín kawa eeharaharaan.

Rumi 8:2

Asma hara'ayaadár Qeeruú Mungú, an tidár slafíngw huwahuuw. Hara'ayaarí baraá Kristo Yesuwo aníng iga gwét dír hara'ayaadár tlakweemaawo nee dír gwa'araaro.

1 Korinto 11:25

Nee alaá /aymaaro xooslmo guri adoodár óh sleeme, iri oó', «Gár baraá xooslmoowí a alqadór /aben, tidá' Mungú aa tleéhh ar tseerer'eé'. Adoorí tlehhiitaak qoomár bar wahaandá' as inslaslangw'eé'.»

1 Korinto 12:28

Baraá tla/ángw kríshaanayhe Mungú muu bahh'alé guna qaás. Múk geera a ya/abuuse, múk tsár a kuduú aaruuse, múk tám a intsaahhatuuse. Múk aluudá' a kudá' aleesleemu gu koóm oo muruú waa/oo/amo nguwa tlehhiiti. Nee slám múk aluudá' a mukdá' aleesleemu gu koóm oo tiqtuuse kawa hungu/umiisi, nee kudá' aleesleemu gu koóm oo muu kuwa alee/iimisi. Nee oo hatlá' a mukdá' aleesleemu gu koóm oo muu kuwa geeraharaahari, nee oo hatlá' a kudá' aleesleemu gu koóm oo tawa axweesi ar tsifrír dimbadimbé ar xuawaslen.

1 Korinto 15:45

Adoorí an adoodá' Gooi i kat sleeme, «Heeduú geera, Adam, inós kuna slaqwtá slaáf i haniís.» Ala Adamuduú alhhe'eesaay inós aa Qeeru tleehhiít, kudá' slafíngw hanmiís.

1 Korinto 3:10

Aleesleemuudá' Mungú naa amor'eénií haniís, aníng una ar gadiyuús, iihhafiirír hhoo' ngiri qaás, ar adoodá' tleehharusmoó do' ir tleehhimamiti. Nee heé hatlá' i gawaá iihhafiiridá' in tleehhiit. Ala umuúqo heewo adór ir gawaá iihhafiiridií tleehhiti ngi alqaytsiti.

1 Korinto 3:5

Ala Apolo a heemá? Nee Paulo a heemá? Atén a sagadiyuusér Mungú, nee kuungá' ana dirén wa haratlintié'. Asma umuúqo heewo direne gadiyeérós gana tleéhh ar adoodá' Aako ngira aténí.

2 korinto 11:23

Inooín a sagadiyuusér Kristówo? Aníng daxta an adór slarhhamá wa axweés, aníng a sagadiyusmoó Kristo oo ak hhoó' ta inooine. Aníng gadiyeé ana ak tleéhh ta inooine. Aníng tina tsegiít daqtá yaariire ta inooine. Nee slám aníng tina ak muúx ta inooine. Aníng afkú bohoongw ngun wa kikií/ daqtá yaariire ta inooine.

2 korinto 3:14

Ala fuqurangw'ín ina gawdúy. Nee tam ay hamí fuqurangw'ín kwaa tuuntuúk ar warqamoodá', qoomár gooír alqadoodá' qaren bar ka soomuus, as gídaabárós makawa tsaáhh. Asma warqamoodá' dír kuwa hingeés a baraá Kristo kilós.

2 korinto 3:3

Asma a gár geehhoo' adór kuungá' tar barwaárén ar amór Kristó daahh. Barwaárí kana gooín ar gadiyeérén. Kaa gooínká ar wiíno, ala kana gooín ar Qeeruú Mungú kudá' slaáf. Kaa gooinká gawaá parhheemaá tlaa/e, ala kana gooín gawaá /aare'eeraá fu'unaay, an baraá munér muu.

2 korinto 3:7

Hara'ayaadár Mose kana gooín gawaá parhheemaá tlaa/e, nee qoomár hara'ayaadá' kingiwa huúw, xirfuú Mungú iri geehhooúy. Xirfuudá' tam a xirfuú gaanslár waaraahha, ala tam adoorihe múk Israeli gitsee/aá Mose i qaytsitaro kaa aleeslayká as adoodá' gitsee/aawós iwa qwiirii/iya'. Ala hara'ayaadár gooi, tidá' gadiyeérós gwa'arár huwahuuw barnaxes xirfuú úr oo adór kwí gun koón,

2 korinto 3:9

Gadiyeédá' sakwasleemár alki/iit daandeemoorene barnaxes xirfuú úr oo adór kwí gu koón, xáy, gadiyeédá' atén ti ádbabaw tiwa gan'amií harafaari, xirfuuwós ku ak úreéke?

Galatia 3:21

Daxta bar adoorí, an ooána hara'ayár Mungú nee al'axweesantá Mungú ti slaslay'aaká? Aasla'áy, a adooriheeká. Ala geera barnaxes hara'ayár aleesleemuú koom kinga haniís, ar muu gu slafíngw i haniis, geera alók muu gan'amu gu sláy as hara'aya ngiwa óh.

Efeso 2:1

Aáng kuungá' aga qatlé' baraá munerhunge asma dakumisuuhúng nee tlakweemaahúng.

Efeso 2:5

asma inós atén tina slafís dinkwa nee Kristo, qoomár atén tawa múk aa qaatl baraá muneerene as tlakweemaarén. Gár tundusa ba/amís a gurtleemuú Mungú.

Efeso 3:7

Mungú aníng ina tsuúq, tiri sagadiyusmoó Ya/abtór hhó' wa qaás, qoomár inós gadiyeé ngiwa tleéhh baraá slafingw'eé' wa ale ar aleesleemuuwós.

DABE 27:26

«Umuúqo heé axweesantá dabeerí gaa haalin nee gaa iialooeesiiká, kwaa lu'ús.» «Nee muu sleémeero ta ooi, Amin.»

1 Timoteo 4:6

Intsaahhatisarí sleémeero alki/iiteek dír hhae. Daqaní kuúng a sagadiyusmoó hhoó' tleehhít oo Kristo Yesu. Asma kuúng qeeruuwók un /aymís axweesantá haratlintaaooro nee intsaahhasadár ló', tidá' kuúng taa eehát.

2 Timoteo 1:11

Ya/abtoorí hho' an tidá' aníng tisa qaás tawa alki/itusmo nee ya/abusmo nee intsaahhatusmo.

Ebrania 12:24

Kuungá' ana hardaté' dír Yesu. Inós an harki/isusmoó alqadoodá' /aben. Tam tseereerós tidá' hhoohhooeemiis i ak axwés ta tseereedár Abeliwo.

Ebrania 13:20

Aakoorén Yesu an de'eemusmoó úr oo bee/aangw. Munguúduú wayduú koóm Yésuuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

Ebrania 7:22

Gawaá adoorihe alqadoorí ka ló'wa hhoo' ta tidár aange, as adoodá' Yesu tawa lamabu'usmoowós.

Ebrania 8:13

Diirihe Mungú kángw alqadór /aben gwa axweés. Gawaá adoorihe gár i laqaqaan a alqadoodár geera ina diín. Ala gaa barnaxes aa qaruúr, nee aa diín, gadaádá' qwanaywo aa naká/.

1 Petro 3:18

Tam Kristo sleeme ina gwaá' as tlakweema. Ina gwaá' sagaáwa wák wa ale as tlakweema sleémeero. Inósuudá' gan'amuú koóm kuna slahh'eemiís as mukdá' gan'amuú koomaaká, as inós atén tiwa huwi amór Mungú. Slaqwtós kana gaás, ala kuri waaslee/atís ar Qeeru.

1 Yohana 1:1

Kángw axweesantá slafiingw ngun gooiimaán amorhúng, axweesantadá' qaroó daadáw iimír iimu/uungo, tidá' taa axaasaán, nee taa araán ar ilaarén, tidá' taa ga/aawaán kay kwatimiitaán ar dabaarén.