2 korinto 3:16 - Biblía Axweesantá Hhohho' ar Mungú 2004

¹⁶ Ala qoomár bar hee aa warqáy amór Aako, warqamoodá' kun sangw hingees.

Ya/abtór hho' 1977

¹⁶ Nee warqamoodá' ku hingeesiiká ay dír inooín ni hhu'u'una' nee Aako kway i warqáy.

2 korinto 3:16 Iomraidhean Croise

TI'INAANGW 34:34

Ala barnaxes Mose i dír geeraá AAKOÓ MUNGÚ káy, warqamoodá' gun hingees ay dír ni ti'iiti baraá heémaro, nee qoomár birna ti'iít /aymiidá' sleémeero tinda inós báy ngin oo' dír múk Israeli.

ISAYA 25:7

Nee gawaá tloomarihe AAKOÓ MUNGÚ gurhaamidá' muu sleémeero gwa ot gan hingees, tidá' xoordu sleémeero gaa al'iwit.

ISAYA 29:18

Baalaadae múk ia' waslén axweesantá baraá kitaábu barka soomuús ga axaas, nee ilaá taampu niri qaytsitiyá'.

ISAYA 54:13

Na/iiwók sleémeero ki intsaahhatis nee AAKOÓ MUNGÚ. Diihhooár na/iiwók iri tláhh.

YEREMIA 31:34

Hee i kaahh tumu wák oo inslaawmoowós laqaá hhiyaawós gu intsaahhatís, iwa kaahi, ‹AAKOÓ MUNGÚ xueek.› Asma inooín sleémeero aníng i xuiyá' iimír na/aá ninakw ay múk urén. Aníng dakuúsar'ín an gurtláw nee tlakweemaaín aníng i baloó inslawaaká.»

WA/AA/I 3:40

Luhduurén ki alqaytaán nee ki aldakwaán, nee ta ki/aán amór AAKOÓ Munguúrén.

Rumi 11:23

Ala múk Yahudi sleeme, inooín barnaxes loohir'ín tidár haratlintaao wasl bar kaa máy, inooín ki ki/is didá' kiwa tlaáq. Asma Mungú gi ló'wa aleesláy ngiwa malé hatli.

2 korinto 3:15

Tam laarí sleeme qoomár inooín kitaaba'aá Mose birki soomuus, warqamoodá' fuqurangw'ín gun tuuntukún.

DABE 30:10

barnaxes kuungá' afór AAKOÓ MUNGÚ, Munguúhúng aga iiárií qasé', hara'ayaarós nee dabeerose kari oté', tidá' taa gooín baraá kitaábuuwuú dabe, nee barnaxes kuungá' AAKOÓ MUNGÚ, Munguúhúng ugwa i ki/é' ar munerhúng sleémeero, nee qeeremoohúng sleémeero.

DABE 4:30

Muruuwí sleémeero burna sláy, aluuwo kuungá' slahh'amu u sleerá', daqaní kuungá' tari ki/á' amór AAKOÓ MUNGÚ Munguúhúng nee kuri ilaiwawa/á'.