2 korinto 3:10 - Biblía Axweesantá Hhohho' ar Mungú 2004

¹⁰ Gadiyeédár aáng xirfuú koom, i hariindaaká de'emaaká' kawa babay i xirfuú koón, barnaxes kaa alqoomeés nee xirfuú de'emaká' oo ak úr ló'wa ale.

Ya/abtór hho' 1977

¹⁰ Gadiyeédár aáng xirfuú koom, i hariindaaká de'emaaká' kawa babay gídaabá i xirfuú koón, barnaxes kaa alqoomeés nee xirfuú de'eemaaká' oo ak úr ló'wa ale.

2 korinto 3:10 Iomraidhean Croise

YOBU 25:5

Ga/aaweek, dír Munguhe tam gwa/aateemaá slahhaangw sleeme i bu'umiitiiaaká, tam tsatse/ sleeme ku ló'wa hhohhoeeká.

ISAYA 24:23

Aluuwo slahhaangw iri giiw, nee tsee/amá gwa/aateema giri máy, asma AAKOÓ MUNGÚ Aleesleemusmo tloomár Siyoni nee Yerusalemu gan sawaawuti'ín, nee xirfuuwós guri laqán dír bariisér mukós.

HAGAI 2:3

‹Baraá tla/angwhunge heé do'owí gwa ar i deéro, qoomár iwa adoorós tidár geerií kahhi kuwa xiríf? Hamí kuwa ga/eera' a adoomá, xáy kwí i ló'wa waaqaa'atiítiíke?›

Tlehhema'aá ya/Abuuse 26:13

Waawutámo, qoomár tlaatla/aango án niwa loohír i dirii', gwa/aateemaá ur awa tsee/amá ba/a ina ár, i gawaá dooraá dahhiyá'. Gwa/aateemaaká' aníng ina i gwa/aatiyé' bihhe sleémeero, dinkwa nee mukdá' nee aníng ti alkoomá'.

2 korinto 3:11

Asma tidá' waaraahh i xirfuú koón. Ala tidá' kumiit ay alhhe'eesaay wasle, xirfuuwós ku ló'wa úr.

2 korinto 3:9

Gadiyeédá' sakwasleemár alki/iit daandeemoorene barnaxes xirfuú úr oo adór kwí gu koón, xáy, gadiyeédá' atén ti ádbabaw tiwa gan'amií harafaari, xirfuuwós ku ak úreéke?

2 Petro 1:17

Asma Mungú Baabá guna ilaiwa/amér i haniís nee xirif, qoomár afoodá' baraá xirfuú úr daahh nguwa i hardát, tidá' kah, «Kwí an Garmaaeé', sla'aarusmooeé', oo aníng iga qwal/atis.»

Geehhoeemaá 22:5

Xweera baraadae i kahhiyá'. Gwa/aateemaá tsaa'asi inooín gár kis yaahamiisi i káhh, tam gwa/aateemaá tsee/amá sleeme. Asma Aakoó Mungú an gwa/aateemaaín, nee inooín tari waawuti'ii'ín ay alhhe'eesay wasle.