2 korinto 2:7 - Biblía Axweesantá Hhohho' ar Mungú 2004

⁷ Gawaá adoorihe a tsiní kuungá' bura gurtleeré' daxta, nee kuwa gurkwa/amisa', as inós gurhaamirós tidá' yaariir munguwa ak qwaarés.

Ya/abtór hho' 1977

⁷ Gawaá adoorihe a tsiní kuungá' bura gurtleeré' daxta, nee kuwa gurkwa/amisa', as inós gurhaamirós tidá' yaariir munguwa ak qwaarés.

2 korinto 2:7 Iomraidhean Croise

WARA'AMI 124:3

geeraawo atén sleémeero taa slafi gu/ún, qoomár tawa atén i buúhh.

WARA'AMI 21:9

AAKOÓ MUNGÚ, kuúng binda hardát, in qwaarés ar asla. AAKOÓ MUNGÚ inós gin hhaamiis ar buhhtaawós, inooín asla giri fák.

WARA'AMI 57:3

alee/isaywós ngu gawaá doorií wá huuw iri ba/amis, kudá' aníng i hhitár wa slaá' nguwa mureekeesi. Mungú sla'aarirós ar warqawaaká nee inkihhimuuwose ngi laqán!

AXWEESANOÓ SAGALOOA 1:12

Kiri slafiingw gu/aán adór gi'í wá ale, sleémeero in qwaareesaán, adór múk aa /eet baraá /aanta.

AXWEESANOÓ SAGALOOA 17:22

Muunuú qwalalaá/ a maasoó lawiím, Ala slaqwa in naasút bar muuná i gurhaamuut.

ISAYA 28:7

Múk hatlá' i deer oo aa oonimiit difaáiro, múk ta/amiít as buurár aa hamat, kaahamuusér Mungú nee aaruuseero taa oonimiít as buurár aa hamat, niri leexuutiyé' as difaái, inooín i ta/amiitiyá' as buurár aa hamat, baraá iigu'utuwo muruú aa qwaar ngun kaahiyá', nee baraá sakwasleemaro in dakumiisiyá'.

1 Korinto 15:54

Ala slaqwtí hhitiruumiit qoomár bira warqeér tawa slaqwtá hhitiruutaaká, nee slaqwtí gwagwa'aam qoomár bira warqeér tawa slaqwtá gwagwa'aamaaká, daqaní axweesantí Gooi i kat aa bó/, tí kah, «Gwa'ara kaa guú/, arba/ati kaa sláy.»

2 korinto 2:8

Gawaá adoorihe án kuungá' nu firiím, daxta heewí sla'aak.

2 korinto 5:4

Ala qoomaarí atén tawa baraá heémaarír slaqooká' wa hootaan, atén an /ifaán as huwaarí iiloo' ar ta gagariimaan. Asma slaqooká' qaren i sla'aanaaká kiwa duuxaan. Ala slaqoodá' /aben i sla'aán kiwa dahaasaan daanduú kudá' qarén wa ale, as gwa'ara kawa gu/i nee slafiingw.

2 korinto 7:10

Asma gurhaamír adoodá' Mungú aa slaá', gár i huwahup a hhu'u'ungwdá' ba/amár huwahuúw. Heé gurhaamír adór tí gaa slay, inós i ooiiká gurhaamirí geera alók ana slawiiká. Ala gurhaamír adoodá' yaamu i slaiya', gár i hup a gwa'ara.

Efeso 4:32

Kuungá' masók a múk hhó' nee oo gurtleemuú koóm. Ti kiloohúng gurtlatleere' adoodá' Mungú kuungá' nura gurtláy baraá Kristowo.

Filipi 2:27

Ar ló', inós aa ló'wa tiíq, afkú bohoongw ngun wa kií/. Ala Mungú inós guri gurtláy. Tam aníng sleeme Mungú ina gurtláy, as gurhaamir'eé' miwa doogiín.

Kolosai 3:13

Kuungá' kiloohúng ti sa qiqtliinde', nee ti gurtlatleere' hee bar kuqá' gwa sa dakuús. Gár kuungá' tunduwa hariím a tin kiloohúng gurtlatleerá' adoodá' Aako kuungá' nura gurtláy.

1 Tesalonike 4:13

Hháe, atén a sla'aanaaká kángw mukdá' aa qaatl kuungá' kuwa xua'aaká. As kahhó' kuungá' ma gurhaamuutara' tawa adór mukduú hatlá' oo harahhifo wásl.

2 Tesalonike 3:6

Hháe, atén kuungá' nu hara'ayiimaán ar aleesleemuudá' taa atén i haniís nee Aako Yesu Kristo, ti paratle' nee hhae sleémeero awa tli/uuse, kudaádá' hara'ayaarén ngaa si'iye'.