2 korinto 2:1 - Biblía Axweesantá Hhohho' ar Mungú 2004

¹ Ala gár án naa tsaát baraá muunaáeene geeraawo a tí, aníng a sla'aaká niwa amorhúng i hardah malé alé nuwa gurhaamír ar aw.

Ya/abtór hho' 1977

¹ Ala gár án naa tsaát baraá muunuúeene geeraawo a tí gídaabá, aníng a sla'aaká niwa amorhúng i hardah malé alé nuwa gurhaamír ar aw.

2 korinto 2:1 Iomraidhean Croise

Tlehhema'aá ya/Abuuse 11:29

Eeharuuse iri al'axwés iri ó', «Umuúqo heewo alee/isoó i aleeslay ngu haniisi, as kuwa huwi amór hhaeerén kudá' yaamaá Yudeár i diriiá'.»

Tlehhema'aá ya/Abuuse 15:2

Paulo nee Barnaba tiri ló'wa tlaampa'amisiyé' nee mukwí, tari kaangaanuús. Hhae kwasleema ngiri tsatiyé' Paulo nee Barnaba nee múk hatlá' baraá tla/angw'ine ta tsa/an ay Yerusalemu, amór ya/abuuse nee amór bariise, as daanduú yaahastí.

Tlehhema'aá ya/Abuuse 15:37

Barnaba gana slaá' tiwa kona' nee Yohane, kudá' ta babay Marko.

1 Korinto 2:2

Asma qoomár án niwa amorhúng i dirii', gár naa slaá' baraá muunaáeene a aníng masók gár hatlá' mawa xuú', ala a kángw Yesu Kristo kilós, ak alé kángw gwa'araarós ar gawaá msalaába.

1 Korinto 4:21

Kuungá' gár ta sla'a' a milá? Aníng nin amorhúngií hardáha ar hhara, laqaá nin hardáh ar sla'aari nee ar muunuú tsatsa'areema?

1 Korinto 5:3

Aníng hamí ti saáw dirhunge, ala tam adoorihe a dinkwárií dirií' nee kuungá' baraá qeeruuwo. Án geera bar dinkwárií dirií' nee kuungá', aníng heesíng adoosíng gaa tleehh geera ugwa qaroó sakwasleemuút. Ala tam hamí aníng ugwa qaroó sakwasleemuút

2 korinto 1:23

Mungú an lamabu'usmooeé' aníng gár nisa malé Korintór i ki/iiká, inós ga xuu' asma aga slaiiká kuungá' nuwa slahh'ees.

2 korinto 13:10

Gaarí an gár aníng tí ngisa gooiím, dír aníng nira hardihiiká amorhúng, as aníng qoomár binda hardáh munduwa i buúhh, slám aleesleemuudá' Aako naa aníng i haniís muwa ar gadiyuús. Aleesleemuudá' aníng una sláw as kuungá' nuwa kwa/amis, ala oo kuungá' nuwa fe/iitaaká.

2 korinto 2:4

Aníng barwaádá' ngina gooiím ar muunuú iiloó' nee oo gurhaamír yaariir ga koóm, nee ar hhirhheeraá yaariir. Ala ngaa gooimiiká as kuungá' nuwa gurhaamír ar aw, ala as kuungá' kawa tsahha' adór aníng kuungá' nur ló'wa slaa'.

Tito 3:12

Qoomár Artema laqaá Tukiko burngwa ya/aáw amoorók i alé, ilakaaharu tleehheek ar niwa amor'eé' hardat baraá gixsár Nikapoli. Asma aníng gár ni slaa' an hotángw áw didií alé qoomár tsaaqwaro.