2 korinto 13:8 - Biblía Axweesantá Hhohho' ar Mungú 2004

⁸ Asma atén a aleeslawaanaaká looeema kiwa tlaampa'aamisaan, ala atén gár tiwa hariím a tidá' nee looeema ti slaslaawá' an tlehhiitaán.

Ya/abtór hho' 1977

⁸ Asma atén a aleeslawaanaaká looeema kiwa tlaampa'aamisaan, ala atén gár tiwa hariím a tidá' nee looeema ti slaslaawá' an tlehhiitaán.

2 korinto 13:8 Iomraidhean Croise

1 WAAWITÁ 22:28

Mikaya iri oó', «Kuúng barnaxes naa kí/ ar wayda, daqaní AAKOÓ MUNGÚ aníng iga ya/aawiiká.» Iri malé kumiít axweesanto, «Iími, aníng tí ni kah iiaárí qaasaak.»

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

AXWEESANOÓ SAGALOOA 26:2

Adoodár pareeqamo nee sooriro ir tlatlaya' ar hhampe'eeri'ín, tam lo'ór gaa wasl sleeme hee gu /agká.

Marko 9:39

Yesu giri báy, «Mu iigahhamiitara', asma heé muruú xuawásl gu tleéhh ar umuueé', aluuwo iri malé muruú tlákw daanduueénií axwees i kaahh.

2 korinto 10:8

Asma aníng adoorí a samurumitaaká, aníng dooqa aga harwaaraáhh tiwa kilooeé' xirfayeemiis, as aleesleemuudá' tinda haniís nee Aako. Ala aleesleemuuwí una sláw as kuungá' nuwa kwa/amis, a as nuwa fee/aaká.

2 korinto 13:10

Gaarí an gár aníng tí ngisa gooiím, dír aníng nira hardihiiká amorhúng, as aníng qoomár binda hardáh munduwa i buúhh, slám aleesleemuudá' Aako naa aníng i haniís muwa ar gadiyuús. Aleesleemuudá' aníng una sláw as kuungá' nuwa kwa/amis, ala oo kuungá' nuwa fe/iitaaká.

2 korinto 13:7

Atén Mungú un firiirimaán as kahhó' kuungá' gár tlaakw kawa tlehha'aaká. Atén a adoorír firiirimanaaká, as múk hatlá' ngiwa tsaahhi adór atén tara waarahhaán. Gár atén ta firiirimaan a tí, kuungá' masók tidá' hhoo' an tlehhitá', ala tam atén taa ari adór tara waarahhaniiká.

2 korinto 13:9

Asma kuungá' bar /uuru u koondá', direne a qwala/ tam atén ti daqeetlakwene. Gár atén ta firiirimaan a tí, kuungá' masók a múk ganaá' tleehhitá'.

1 Timoteo 1:20

Baraá tla/angw'ine Humenayo nee Aleksanda i dayá'. Ala inooín aníng iga paraátl amór Neetlángw i alé, as ngiwa tsaahhiya' Mungú mukuwa /ooslislín.