2 korinto 12:21 - Biblía Axweesantá Hhohho' ar Mungú 2004

²¹ Aníng a da'ayumiít asma binda malé hardáh amorhúng, Munguúeé' aníng i malé mureekees dirhunge, nee aníng niri gurhaamuút as múk yaariír oo aa hhu'u'unká tam ay hamí, kudá' tlakweema gaa tlehhiit iimír qoomaadá', tari kumiít baraá slasla/aruuine, nee baraá tsaatu'uumaro nee tam baraá fuqti'ín tidá' taa tlehhiiti.

Ya/abtór hho' 1977

²¹ Aníng a da'ayumiít gídaabá aníng binda malé hardáh amorhúng i alé, Mungúeé' aníng i malé mureekees dirhunge, nee aníng niri gurhaamuút as múk yaariír oo aa hhu'u'unká tam ay hamí, kudá' tlakweema gaa tlehhiit iimír qoomaadá', tari kumiít baraá slasla/aruuine, nee baraá tsaatu'uumaro nee tam baraá fuqti'ín tidá' taa tlehhiiti.

2 korinto 12:21 Iomraidhean Croise

ESRA 10:1

Naagáy qoomár Esra iwa firiirin nee iwa hhu'uu'un, iwa /a/aamin nee giti ngiwa yaamúr óh dír geeraá doó Mungú, kuri i burumburiít nee boo/oó yaariír oo múk Israeli, hhawaate, nee /ameena, nee na/ii, inooín tari ló' wa /aa/amín.

ESRA 9:3

Aníng adoorí ngiwa axaás tlabaaeé' ngiri karslimiís nee hiyay'eene se'éngw sagw'eé' nguri tu/uúm nee daamor'eene as gurhaami, niri iwiít as dae.

WARA'AMI 119:136

Hhirhheeri in xintsaatsiím, asma muu dabeerók gaa sií'.

TI'INAANGW 32:31

Naagáy Mose iri kií/ amór AAKOÓ MUNGÚ, iri oó', «Aga gurhaamuút! Mukwí tlakweemaá ur gaa tleéhh, taa kilooín munguú sahaábu i tleehhiyé'.

YEREMIA 13:17

Ala barnaxes aga axasi'iiká, aníng an baraá gurií /aá/, asma daara/angwhúng, ilaaeé' nin /aa/iyá' nee hhirhheerieé' niri baráy gororoxotiyá', asma múk AAKOÓ MUNGÚ kwa loohatís.

YEREMIA 9:1

Alók geeraawo sagw'eé' an adór ma'aay nee ilaaeé' tari adór kutltá hhirhheeri, as kahhó' niwa /aa/amiim tlaatla/aangw nee xweeraawo, as daanduú muk'eé' kudá' taa tsuú/.

Rumi 13:13

Atén masók an hootaán ar ilaiwa/ame ar adoodá' hotaá tlatla/aangw kiwa hariím. Ala mawa hootaán ar hheehha nee xufta, laqaá ar tsaatu'uuma nee ar slafíngw slasla/arén. Nee slám mawa hootaán ar gila nee da/i.

Rumi 9:2

aníng gurhaamír yaariir a koóm ar ló'wa slahh'eemiis baraá muunaáeene umuúqo daqto.

1 Korinto 5:1

Án kangwko ugwa axaás heeko i deer baraá tla/angwhunge oo fuquús nee harér baabuúwós. Fuqtá adór tí kaa dii wa axaasiiká tam baraá múk pakaanayhe.

2 korinto 10:6

Nee kuungá' bar aga hhe'esé' iialooémisuuwo, atén daqaní a ya/aamaán umuúqo iawasle kiwa sakwasleemuutaan.

2 korinto 12:7

Geehhoeemisuudá' urén oo tinda aníng i haniís i ló'wa waa/oo/amór kón. Gawaá adoorihe laqaymo kunguna gawaá slaqwte'eénií dahaás, as aníng mawa daar/uút as daanduú geehhoeemisuudá'. Laqaymoowí naa sláw a malaykamoó Neetlaangw, oo tinda ya/aáw as aníng iwa slahhi, as aníng mawa daara/uút.

2 korinto 13:2

Án kuungá' nuna gurbuú' qoomár niwa amorhúng i dirii' sagaáwa tsare. Nee slám hamí án kuungá' nun malé gurbuú' dír án nira amorhúngií hardihiiká. Aníng mukdá' tlakweema gaa tleehh qoomaadae, nee múk hatlá' sleeme, un gurbuú' asma aníng binda malé hardáh, án kuungá' nu gurtlawaaká.

2 korinto 8:24

Gawaá adoorihe múk kríshaanáy daxta ngi ari, adór kuungá' inooín kir ló'wa sla'á'. Nee ngiwa tsaahhiya' sleeme adoodá' atén naa ooaán adór tar ló', qoomár kuungá' nuwa xirfayeemisaán geeraaín wa ale.

Galatia 5:19

Tlehhma'aá slaqwa ki geehhoo', a kuká': Sli'ima, nee tlehhma'aá slasla/aren, nee tsaatu'uuma,

DABE 9:15

«Naagáy niri alií warqáw, niri gawaá tloomár wa aweér, gawaá dabaaeene parhheemoodá' tsár awa tlaa/e u koóm, kudá' taa alqadoórí gooín. Slám asla i gawaá tloomár wa ót.

DABE 9:25

«Gawaá adoorihe, aníng ana gurúr qaát dír geeraá AAKOÓ MUNGÚ i aleeró, deelo mibeeri tsiyáhh xweera nee tlaatla/aango, asma AAKOÓ MUNGÚ aníng ina báy, ‹Xoororí a hhaamiís.›

Kolosai 3:5

Gawaá adoorihe kuungá' ilatleerír slaqwa gaasaak, dinkwa nee tlehhmi'iiwós sleémeero, adór tsaatu'uuma nee slasla/aareema, nee ilatleerír tlakw nee inslawoó tlákw, nee da/i. Asma heé da/itá koóm, a heé munguaá hatlá' haratlintatií'.

Ebrania 13:4

Muu sleémeero duuxo ngi ilaiwawa/i. Hhawaata nee hareerós masók a múk inkihhimuú koóm baraá duuxor'ine. Asma Mungú fuquuse nee tsaatuuseero gi sakwasleemuut.

2 Petro 2:18

Asma inooín axweesanoó urén kun kah oo gaa wásl. Nee ilatleerír slaqwa kan ar gadiyuus as múk aa sangw haratlintii' kuwa al/ayi, mukdá' baraá tla/ángw tlakuuse ngaa sangw geexay.

Yuda 1:23

Awa hatlá' ba/amisaak ar kiwa baraá asltá wa dafmita'. Bahh'alé i dayá' awa ta gurtlatleera', ala ar magahhato. Tam inqwaruuín aahhaak kudá' taa slasla/aareés nee ilatleerír slaqooín.

Yuda 1:7

Múk gixsár Sodoma nee Gomora inslawaak sleeme, nee múk gixsadaá hatlá' awa bihheedií tsewen. Inooín sleeme adoodár malaykeedá' kana tleéhh, tsaatu'uuma kana eehár, ilatleerír tlakw baraá slaqooine ina baaliín, tam tsaatu'uumadár tlakw ar iringeé kana tlehhiít. Mukwí kwaa sakwasleemuút baraá aslá alhhe'eesoó koomaaká as tawa slaqsaay tleehhiti dír múk hatlae.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.

Geehhoeemaá 22:20

Kudá' muruuwí gu lamabu'uúm i kaahi, «Eeít, aníng ni hardáh ar gaanslaay.» Amin. Qwaláng, Aako Yesu.

1 SAMUELI 15:35

Samueli nee Saulo tay baloó ari'iiká ay gwa'ararós, ala Samueli Saulo guna ale/aa/amaamín. AAKOÓ MUNGÚ iri gwadidín, asma adoodá' Saulo nguwa waawutmoó múk Israeli wa qaás.