2 korinto 12:20 - Biblía Axweesantá Hhohho' ar Mungú 2004

²⁰ Asma aníng gár ni da'ayumiit a tí, án binda amorhúngií hardáh, án kuungá' adoodá' nur slaa' dooqa nu adoodá' i awaaká. Nee slám a da'ayumiít as kuungá' aníng iwa aanda' ar adoodá' kuungá' ta sla'a'aaká. A da'ayumiít dooqa án kuungá' dír ni aw a baraá gila, nee gur'e nuwa ohiin, nee xaraasleema, nee fola, nee tloqmis, nee kaantiingw, nee daara/aangw nee tlaahhi.

Ya/abtór hho' 1977

²⁰ Asma aníng gár ni da'ayumiit a tí gídaabá, án binda hardáh amorhúng i alé, án kuungá' adoodá' nur slaa' dooqa nu adoodá' i awaaká. Nee slám a da'ayumiít gídaabá kuungá' aníng i aandá' ar adoodá' kuungá' ta sla'a'aaká. A da'ayumiít gídaabá dooqa án kuungá' dír ni aw a baraá gila, nee gur'ee nuwa ohiin, nee xaraasleema, fola, tloqomis, kaantiingw, daara/aangw nee tlaahhi.

2 korinto 12:20 Iomraidhean Croise

WARA'AMI 41:7

Kudá' sleémeero aníng i ahhiitá' i dinkwár wa daandueé' saasahhaná', muruú tlákw ngun aníng ár slaiyá'.

AXWEESANOÓ SAGALOOA 16:28

Heé saga gawít a tlaahhi gan qamín umuúqo diiro, nee foolusmo partlito gan huuw dír mulqeero.

Rumi 1:29

Inooín tari haáts daa'aweemaá tlakweemaawo, ilatleerír peésa, nee hheehha nee tsaatu'uuma. Tari haáts da/ito, nee tsu/uta nee gila, nee al/ayma nee fola. Tari kaantín,

Rumi 1:30

tari /ayseenaá tlaáq, Mungú kuri aáhh. Inooín tari fahharuumiít, nee daara/uuse, nee múk ti kilooín xirfayeemiís, múk lohdaá tlehhma'aá tlákw leelehhiít, múk xwaylitér'ín iialooeemisaaká,

Rumi 2:8

Ala awa hatlá' a múk qahuuse nee kudá' looeema ngaa si'iye' as muruú tlákw nguwa eeharahariya', Mungú buhhtaawós nee xarasleemaawós ga ku'uus gawaá múk adoorí.

1 Korinto 1:11

Hhaee'eé' aníng kangwhúng ugwa axaás dír múk doó Kloe wa alé, adór baraá tla/angwhunge kaangani ir deér.

1 Korinto 14:33

Asma Mungú a Munguú leexwaywooká, ala a Munguú wayda. Ar adoodá' múk hhohhó' oo kríshaanáy i tlehhahhiti umuúqo diiro,

1 Korinto 5:2

Ala bar adoorí, kuungá' gár ta daara/aanda' a milá? A tsiní alók geeraawo barnaxes ana gurhaamuté'. Heé tlehhemuú adór kwí gu tlehhiít gár kuwa hariím a kun paraatl dír múk kríshaanayhe.

2 korinto 1:23

Mungú an lamabu'usmooeé' aníng gár nisa malé Korintór i ki/iiká, inós ga xuu' asma aga slaiiká kuungá' nuwa slahh'ees.

2 korinto 10:2

Aníng kuungá' nu firiím, aníng mi harakeesara' xarasleemaeé' ngiwa laqaam qoomár binda amorhúngií hardáh. Asma aníng a xuú' xarasleema i aleesláw dír mukdá' heeuumar'ín eeharahara.

2 korinto 10:6

Nee kuungá' bar aga hhe'esé' iialooémisuuwo, atén daqaní a ya/aamaán umuúqo iawasle kiwa sakwasleemuutaan.

2 korinto 12:21

Aníng a da'ayumiít asma binda malé hardáh amorhúng, Munguúeé' aníng i malé mureekees dirhunge, nee aníng niri gurhaamuút as múk yaariír oo aa hhu'u'unká tam ay hamí, kudá' tlakweema gaa tlehhiit iimír qoomaadá', tari kumiít baraá slasla/aruuine, nee baraá tsaatu'uumaro nee tam baraá fuqti'ín tidá' taa tlehhiiti.

2 korinto 13:2

Án kuungá' nuna gurbuú' qoomár niwa amorhúng i dirii' sagaáwa tsare. Nee slám hamí án kuungá' nun malé gurbuú' dír án nira amorhúngií hardihiiká. Aníng mukdá' tlakweema gaa tleehh qoomaadae, nee múk hatlá' sleeme, un gurbuú' asma aníng binda malé hardáh, án kuungá' nu gurtlawaaká.

2 korinto 2:1

Ala gár án naa tsaát baraá muunaáeene geeraawo a tí, aníng a sla'aaká niwa amorhúng i hardah malé alé nuwa gurhaamír ar aw.

Galatia 5:15

Ala kuungá' miti a'aawara' tiwa kikihha' nee tiwa tlu'uunda', asma adoorí bara tlehhé', ti kiloohúng hhaamisá'.

Galatia 5:26

Atén xirif muwa leelehhiitaán tam atén tiri kiloorén giirimiisaán nee tari tloomatloomaán.

Yakobo 4:11

Hháe, miti /ayseenáy tlaaqara'. Heé hhiyaawós gu /aysantí tlaáq, laqaá gu sakwasleemuút, heewí a hara'aya gan /aysantí tlaaq laqaá gan sakwasleemuut. Ala kuúng hara'aya bara sakwasleemút, kuúng a heé hara'ayár iialooeemisaaká, ala aga sakwasleemusmo tleehhít.

1 Petro 2:1

Gawaá adoorihe tlakweema sleémeero hingeesaak, lama nee hhaahhafiingw sleémeero, nee da/i nee /ayseeno sleémeero.

2 Petro 2:18

Asma inooín axweesanoó urén kun kah oo gaa wásl. Nee ilatleerír slaqwa kan ar gadiyuus as múk aa sangw haratlintii' kuwa al/ayi, mukdá' baraá tla/ángw tlakuuse ngaa sangw geexay.

Yuda 1:16

Mukwí a múk tawó qununuú/ nee oo naeetuús. Nee laatí inooín a múk ilatleerir'ín eeharahár. Mukwí axweesanoó daara/aangw gun ar axwees, nee bartakaaro in ilaáhhe'eemisiyá' dír múk urén as slaasláw kawa dir'ín wa slay.