2 korinto 12:2 - Biblía Axweesantá Hhohho' ar Mungú 2004

² Aníng heeko wák u xuú' oo baraá Kristo. Kureeraá mibaá nee tsiyáhh naa waarahhii'i heewí kuna ar tláy gawaá doori ay baraá dooraá tám. (Inós qoomaadae tim slaqwtá kón, aníng a xuaaká, laqaá tim slaqwtá konká, aníng a xuaaká, Mungú ga xuu'.)

Ya/abtór hho' 1977

² Aníng heeko wák u xuú' oo baraá Kristo. Kureeraá mibá nee tsiyáhh naa waarahhiyé' heewí kuna ar tláy gawaá doori ay baraá dooraá tám. (Inós qoomaadae tim slaqwtá kón, aníng a xuaaká, laqaá tim slaqwtá konká, aníng a xuaaká, Mungú ga xuu'.)

2 korinto 12:2 Iomraidhean Croise

1 WAAWITÁ 18:12

Aluuwo án bara sa tláw, nee Qeeruú AAKOÓ MUNGÚ kuúng unar tláy ay dír án ni xuaaká, asma án bar Ahabu ugwa kángw báw kuúng uri slayká, inós án iri gaas, handá' tam anuú sagadiyusmoowók AAKOÓ MUNGÚ un ilaiwawa/a iimír na/uumar'eene.

1 WAAWITÁ 8:27

«Ala looeemaawo, Mungú, kuúng aqo hóta baraakaá yaamuú wa ale? Bar doori, laqaá tam dooraá gáwtí saaw, sleeme u buiaaká, do'owí aníng naa tleéhh adór ir bu'uuti a adoomá!

2 WAAWITÁ 2:16

Tari oó', «Atén sagadiyuuseerók, múk miguuse oo mibeeri kooán u koomaán, pa/aángwí haniseek aakoowók ngu leeleehhtuú aye', barnaxes qeeruú AAKOÓ MUNGÚ guna ar tláy gway kwaáhh gawaá tlom'i laqaá baraá xatsa.» Elisha iri oó', «Aasla'áy, mi ya/aawara'.»

WARA'AMI 148:4

Dooraá saawá', inós xirfayeesaak! Nee kuungaá ma'aay awa gawaá doorií diriiá'!

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ESEKIELI 11:24

Qoomár niwa baraá iigu'utuuwí dirii', qeeruú Mungú ina gáwtí tleés, iri huúw ay yaamaá Babuloni dír mukdá' baraá looháy dirií'. Naagáy iigu'utuuwí iri faák.

ESEKIELI 43:5

Qeeru iri ar tláy iri huúw ay dír afeenidár guruú baraá do'. Aníng niri qaytsiít, naxés Doó Mungú xirfuuwós gwa tuuntuúk.

Luka 24:51

Qoomár inós ngiwa tsuuqun, tiri paraátl dir'ine, kurira tláy gawaá doori.

Yohana 6:56

Heé slaqwte'eé' ga /aáy, nee heé tseerer'eé' ga wáh, inós i baraaeé' wa hoot, nee aníng a baraawós wa hoót.

Tlehhema'aá ya/Abuuse 14:6

Ya/abuuse kaangwí guri axás, tari goów ay Listra nee Derbe, gixsadaá yaamaá Likaonia, nee yaamuudaá iisaapaydá'.

Tlehhema'aá ya/Abuuse 22:17

«Aníng niwa kií/ Yerusalemu, looarka wake niwa baraá Doó Mungú wa fiririim, iigu'utu una ár.

Rumi 16:10

Apele kudá' taa ya/án baraá Kristowo intsihhiisaak. Aristobulo nee múk do'ose intsihhiisaak.

Rumi 16:3

Priska nee Akila intsihhiisaak. Inooín a sagadiyuuse dinkwa nee aníng ar baraá Kristo Yesu.

Rumi 16:7

Androniko nee Yunia intsihhiisaak. Inooín a múk Yahudi adór aníng wa ale, kudá' aáng taa tseék dinkwa nee aníng. Inooín baraá ya/abuuseero ki iia tleer. Nee slám inooín nina giiriné' Kristo haratlintaaooro ta aninge.

Rumi 16:9

Urbano intsihhiisaak. Inós a sagadiyusmo dinkwa nee atén baraá gadiyér Kristowo. Nee sla'aarusmooeé' Staku sleeme intsihhiisaak.

Rumi 8:1

Gawaá adoorihe sakwasleema i káhh dír mukdaádá' baraá Kristo Yesu i diriia.

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

2 korinto 11:11

Asma milá gár adoorí án ngis kah? A an kuungá' nun sla'aakáhe? Aasla'áy. Mungú ga xuu' adór aníng kuungá' nur slaa'.

2 korinto 13:5

Kuungá' ti kiloohúng aldakute', xáy, a baraá haratlintaaór i dir'á'a? Kuungá' ti kiloohúng iiade', laqaá kuungá' a tsahha'aakáhe adór Yesu Kristo ir baraahúngií dirii'? Ala bir kaahh, daqaní kuungá' tunda sií'.

2 korinto 5:17

Gawaá adoorihe, hee bir baraá Kristó i dirii', inós a heé /abén. Tidá' qaren aa waaráhh, ga/aaweek, ar /aben naa hardát.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Galatia 1:22

Ala gitsee/aaeé' kaa ariiká nee múk kríshaanáy oo baraá yaamaá Yudea.

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár afhhamít a haratlintaao, tidá' ti laqaqaam ar sla'aari.

Efeso 4:10

Kudá' aa aweer an kudá' aa tsa/an sleeme. Ina tsa/án gáwtá kilá', doori sleémeero gay waaraáhh, as mura' sleémeero nguwa hatsiisi, as inós iwa deér.

DABE 10:14

Ga/aawaak, doori tam dooraá doori a daqaari'iimár AAKOÓ MUNGÚ, Munguúhúng, yaamu nee muruudá' sleémeero baraadá' i diriia a kós.

1 Tesalonike 4:17

Aluuwo ateédá' slafá', aga meetaan tiri xaampooiis dinkwa nee inooín ar baraá huunkáy, as Aako kuwa al'awaan gáwtí alé. Gawaá adoorihe atén nee Aako a dinkwa ay alhhe'eesay wasle.

Ebrania 4:14

Gawaá adoorihe atén haratlintaaoorén tidá' ta koomaan masók an ló'wa oohaán. Asma atén kaahamusmoó úr oo Mungú u koomaán. Inós aa waaraáhh ar tla/ángw doori ay dír geeraá Mungú. Inós an Yesu, Garmoó Mungú.

Ebrania 9:24

Asma Kristo aa dahiiká baraá doó hhoohhoó' i alé, oo taa tleéhh ar dabaá muu. Asma do'wí taa tleéhh ar daba', an slaqsoó do'duú kilá' oo hhoohhoó'. Ala inós ina dáh gawaá dooraá kilá', as hamí iwa dír geeraá Mungú i dirii'i.

Geehhoeemaá 1:10

Bál Deelór Aakoowo Qeeru aníng ina i hardáh, afór ur ngiri axaás ar axwees aluueé' wa ale. Afoorí a adór afór tarumbeéta.

Geehhoeemaá 12:5

/Ameenidá' na/oó garma guri xwayluúr. Na/aywí an kudá' xoordu sleémeero gi de'eém ar hhartá muqsli. Na/aywós kurir tláy hamtidár kilae ay amór Mungú, ay amór kitaangós kuduú aleesleemu.

Geehhoeemaá 4:2

Qoomaadár kilae Qeeru aníng iri i hardáh. Nee gawaá dooriiwo Kitángw aleesleemu kwaa qaás, heé wák naxés aa iwiít gawaá kitangwdií aleeró.