2 korinto 12:15 - Biblía Axweesantá Hhohho' ar Mungú 2004

¹⁵ Aníng barte'eene a qwalaá/ muruueé' sleémeero nguwa haniis, nee slám ánuú kilá' tiwa haniis as munerhúng. Xáy, kuungá' sla'aarirhúng i /aaruúra dir'eene, as adoorí án kuungá' nuwa ak ló'wa slaa'?

Ya/abtór hho' 1977

¹⁵ Aníng barte'eene a qwalaá/ muruueé' sleémeero nguwa haniis, nee slám ánuú kilá' tiwa haniis as munerhúng. Xáy, kuungá' sla'aarirhúng i /aaruúra dir'eene, as adoorí án kuungá' nuwa ak ló'wa slaa'?

2 korinto 12:15 Iomraidhean Croise

2 SAMUELI 13:39

Waawutmo Daudi /aa/eewós, kudá' garmaawós Amnoni iwa kahhuút, niwa faakiyé' gari slaá' garmaawós Absalomu nguwa ari.

2 SAMUELI 18:33

Naagáy waawutmo gurhaamír ur guri eér, iri tsa/án gawaá kutwír gáwtií dirii', afiqoomár afkuduú gixsa, i hara /aa/amín. Qoomár iwa gáwtií tsa/aa/an i kaahi, «Garmaaeé' Absalomu, garmaaeé' Absalomu! A tsiní bar aníng aga kitangók wa gwaá'! Absalómu, garmaaeé', garmaaeé'!»

Rumi 9:3

Án geeraawo gár ni slaa' masók tin lu'us nee tiwa paraatli dír Kristowo, adoorí geera bir alee/isoó huba dír hhaee'eene, kudá' tlahhay'eé'.

2 korinto 1:14

Asma qoomaarihe kuungá' kaangwí ugwa tsaahha hhe'eesi'iiká, ala a xuaán baalaadár Aako Yesu binda hardát, kuungá' daqaní ti xirfayeemisá' as atén, adoorír atén tir xirfayeemisaan as kuungá'.

2 korinto 1:6

Atén bar slahh'eemis u slaslaawaán, un slaslaawaán as kahhó' kuungá' gurkwa/asa kawa sleera' nee ba/amaro. Laqaá atén barnaxes gurkwa/amis un slaslaawaán, un slaslaawaán, as kahhó' atén kuungá' gurkwa/amisuuwo nuwa aleeslawaan, as kuungá' /uuru kuwa sleera' oo slahh'eemis kuwa sa qiqtliinda', slahh'eemisuú adór kwí atén ta sa qiqtliimaan.

2 korinto 11:11

Asma milá gár adoorí án ngis kah? A an kuungá' nun sla'aakáhe? Aasla'áy. Mungú ga xuu' adór aníng kuungá' nur slaa'.

2 korinto 12:14

Qaytsité', gaarí a sagaáwa tám aníng niwa amorhúngií daqeemuú slaa'. Nee án kuungá' nu huwár ar awaaká. Asma aníng gár ni leelehhiit a muruuhungeeká, ala a kuungá'. Asma a hariímarooká na/ii mura' nguwa burumburina' as xwaylité, ala a xwaylité mura' gun burumburiín as na/ii.

2 korinto 12:9

Ala Aako iri báy, «Gurtleemuueé' i bu'uut diroge. Asma /uuruueé' ku ak úr, kuúng burtu daqaatlaákw.» Gawaá adoorihe aníng tin xirfayeemiís ar qwal/uú yaariír as daqaatlakwer'eé', as /uuruú Kristo iwa baraaeé' wa hooti.

2 korinto 2:3

Gaarí an gár aníng kuungá' nusa barwaádá' i gooiím. Asma aníng aga slaiiká niwa amorhúngií hardah, nee kuungá' aníng iri gurhaamír ar eerá'. Asma kuungá' gár tunduwa hariím geeraawo a aníng in qwal/atisá'. Asma aníng bar aga qwalaá/, kuungá' sleémeero a qwala/á' sleeme.

2 korinto 4:12

Gawaá adoorihe gwa'ara i gadiyús baraarén wa ale, ala slafiingw i gadiyuus baraahúng wa ale.

2 korinto 7:2

Kuungá' munerhúng amooréní haniisare'. Atén tam heé wák ugwa gár tlaákw i tleehhaniiká. Atén heé taa qwaareesaán i kaahh, laqaá heé atén taa al/ayaán i kaahh as atén slaasláw kawa slawaan.

2 korinto 7:3

Aníng adoorí a kaahaaká as kuungá' nuwa sakwasleemuut. Asma án adoodá' kuungá' tar baraá muneeréní dir'a' ngaa qaroó oó'. Atén nee kuungá' a dinkwa baraá slafiingo nee tam baraá gwa'araaro.

Galatia 4:10

Kuungá' kángw deelo nee slahheeri un ló' wa eeharahadá', nee qooma nee kureeri sleeme.

Filipi 2:17

Ala haratlintaaorhúng a ilahhooár án ni hanmiis dír geeraá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.

Kolosai 1:24

Hám daxta a qwalalaá/ asma tiwa slahh'eemisi as kuungá'. Án baraá slaqwte'eene birti slahh'eemiis, a slahh'eemisuú Kristo un boo/eemiís, kudá' aa meet baraá slahh'eemisuuwós as slaqwtós. Slaqwtós an múk kríshaanáy.

1 Tesalonike 2:8

Atén kuungá' nuna ló'wa sla'aán. Gawaá adoorihe Ya/abtór hho' ngina haniisár wa sla'aán dirhúng i alé. Ala a har tí kiloseeká, ala tam ataá kilá' tina haniisár wa sla'aán sleeme.

2 Timoteo 2:10

Gawaá adoorihe aníng umuúqo gaaro an saqiqtliím as múk taa tsawaár oo Mungú, asma inooín sleeme masók alhhe'eesaywo ba/amadár baraá Kristo Yesu i dirii' ngiwa slaya', dinkwa nee xirfuuduú alhhe'eesay wásl.

Ebrania 13:17

Kuungá' geeraharuuserhúng ilaiwawa/aak, nee adoodá' inooín ta kaahi tlehhiitaak. Asma inooín munerhúng ngin ga/aayá' xweera nee tlaatla/aango. Asma faarór gadiyér'ín ngi ooiyá' dír Mungú i alé. Kuungá' bar iga ilaiwawa/é', inooín daqaní gadiyér'ín ngi tleehhiyá' ar qwala/, ala ar gurhaamirooká. Ala barnaxes kan tleehh ar gurhaami gadiyér'ín daqaní gár dirhunge i bu' i káhh.