2 korinto 12:11 - Biblía Axweesantá Hhohho' ar Mungú 2004

¹¹ Aníng niwa adoorír axweés a adór daktani. Ala kuungá' aníng ina harakesé'. A hariímarhúng geeraawo aníng iwa xirfayeemisa'. Asma aníng tam a gaarookahe, ala gár aníng iga wa /aaruur i káhh ta ya/abuuserhúng tidá' urene.

Ya/abtór hho' 1977

¹¹ Aníng niwa adoorír axweés a adór daktani. Ala kuungá' aníng ina harakesé'. A hariímarhúng geeraawo aníng iwa xirfayeemisa'. Asma aníng tam a gaarookahe, ala gár aníng iga wa /aaruur i káhh ta ya/abuuserhúng tidá' urene.

2 korinto 12:11 Iomraidhean Croise

AXWEESANOÓ SAGALOOA 27:2

Heé hatlá' kuúng u xirfayeesi ala a kuúng kilogeeká. Heé dahaaymo ala a afkogeeká.

Luka 17:10

Gawaá adoorihe kuungá' sleeme tidá' sleémeero tunda báy, tleehhamooro bara hhe'esé', ta oa', ‹Atén a lawaaleedá' gídaabár koomaaká. Aqo tidá' atén wa hariim ana tleehhaán.› »

1 Korinto 13:2

Slám án tam aleesleemuú aaru'uuma u kooma, nee lu/aaráy sleémeero tam u xua, nee xu'uti sleémeero, slám tam haratlintaaór ur a kooma, tidá' tlooma ngiwa hingees, ala bar sla'aari a koomaaká, aníng a gár tawo.

1 Korinto 3:22

Paulo a koohúng, nee Apolo nee Kefa sleeme. Yaamu a koohúng, nee slafiingw, nee gwa'ara sleeme. Nee qoomaarí hám dáw a toohúng, nee tidá' hardaha sleeme.

2 korinto 1:6

Atén bar slahh'eemis u slaslaawaán, un slaslaawaán as kahhó' kuungá' gurkwa/asa kawa sleera' nee ba/amaro. Laqaá atén barnaxes gurkwa/amis un slaslaawaán, un slaslaawaán, as kahhó' atén kuungá' gurkwa/amisuuwo nuwa aleeslawaan, as kuungá' /uuru kuwa sleera' oo slahh'eemis kuwa sa qiqtliinda', slahh'eemisuú adór kwí atén ta sa qiqtliimaan.

2 korinto 11:1

Aníng qoomár bar dakti'iimar'eé' káh, alók geera án kuungá' in sa qiqtliindá'. Ar ló', án kuungá' i tsuwa sa qiqtliindá'.

2 korinto 11:5

Án ngi slaá' ya/abuuserhúng tidá' ló'wa uren gár aníng iwa ba/ i káhh.

2 korinto 12:12

Qoomár aníng gadiyeé ngiwa tleéhh tla/angwhúng wa ale, tlehhemi'iidá' sleémeero ina tleéhh ar qiqtliingw, kudá' aníng i laqaqaamá' adór tar ya/abusmo. Layu ina tleéhh, nee tlehhema'aá waa/oo/amo, nee tlehhema'aá aleesleemuú laqaaqamá'.

2 korinto 12:6

Ala aníng tam ti kilooeé' xirfayeemisa, aníng a adór daktantooká, asma gár aníng ni oo' a ar ló'. Ala aníng ti máw kilooeé' xirfayeemisuuwo, as hee miwa oó' ti ak úr ta adoodá' ir ara'ari, nee i axamiisi dir'eene.

2 korinto 3:1

Kuungá' ka ga/eera', atén daxta tin malé kiloorén xu'utimisána? Laqaá atén gár tiwa hariím a barwár xu'utisa an koomána, laqaá ar amorhúng daahh?

2 korinto 5:13

Atén barnaxes aga slarhhamuutaán, ana slarhhamuutaán as Mungú. Laqaá barnaxes fuquraangw u koomaán, fuqurangwrén u koomaán as kuungá'.

Galatia 6:3

Hee bir baraá muunaáwós i kaahi, «Aníng a heé kilá',» ala laatí inós a heé kilaeeká, heé adoorí tin kilós al/agín.

Efeso 3:8

Aníng ti niiná ta múk Mungú sleémeerowo. Ala tam adoorihe Mungú aníng ina tsuúq, gadiyeé ngiri aníng i haniís, ar Ya/abtór hho' ngiwa alki/iit dír múk xoorduwo. Ya/abtoorí a kángw daqaari'iimár Kristo tidá' faarooro ta aleeslayká.