2 korinto 11:3 - Biblía Axweesantá Hhohho' ar Mungú 2004

³ Ala aníng a daimiít as kuungá' tunduwa al/ayi baraá inslawayhunge, tam kuungá' sla'aarirhúng tidá' ur ar hhoohhoo' ar Kristo kuwa sla'a' kari geexeerá', adoodár dayshamooduú al/aymusmo aáng Hawa ngira al/aáy.

Ya/abtór hho' 1977

³ Aníng a da'ayumiít gídaabá kuungá' tundu al/aay baraá inslawayhunge, tam kuungá' sla'aarirhúng tidá' ur ar hhoohhoo' ar Kristo kuwa sla'a' kari geexeerá', adoodár dayshimooduú al/aymusmo aáng Efa ngira al/aáy.

2 korinto 11:3 Iomraidhean Croise

IIMU/UUNGW 3:1

Ala dayshamo ku ilakahaár ta makaá sla/a sleémeero ba/a, kudá' AAKOÓ Mungú aa tleéhh. Inós /ameeni gari báy, «Xáy, adoorí an adór Mungú aa oói iwa kaahi, ‹Mamaá xaai sleémeero awa baraá asalmií diriiá' mi /ayaara'.› »

IIMU/UUNGW 3:13

AAKOÓ Mungú /ameenidá' gari báy, «Gaarí a milá kiíng taa tléhh?» /Ameenidá' iri ó', «Dayshamo aníng ina al/aáy, ngiri /aáy.»

IIMU/UUNGW 3:20

Adam hareerós gari umií tsaát, gari báy Hawa asma a aayór múk slaáf sleémeero.

IIMU/UUNGW 3:4

Ala dayshamo /ameeni gari báy, «Kuungá' a baloó qatla'aaká.

WARA'AMI 119:53

Aníng ana qa/iít as tlakuuse, asma inooín dabeerók nga iialooeesi'iiká.

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

Rumi 12:8

Nee heé aleesleemuú gurbu'uungw gu koóm, muu ngu gurbu'un. Heé muruuwós hanmiís, ngu hanmiisi ar muunuú /awaák. Heé múk hatlá' sageesihhimiít, muu ngu sagesihhimiiti ar ilakaaharu. Heé gurtleemuú koóm, muu ngu gurtlatlay ar qwala/.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

2 korinto 11:20

Kuungá' a qiqtliindá' hee kuungá' burna lawaale tleéhh, laqaá hee bira daqaari'iít ar daqaari'iimarhúng, laqaá hee bur naa ohín, nee laqaá hee bur naa waaqaqaá', nee laqaá hee bur naa tlaaqarma' muúx.

2 korinto 11:29

Asma heeko bur ku daqaatlaákw baraá haratlintaaoorose, aníng sleeme ti daqaatlaákw. Laqaá barnaxes kooko aa huú' baraá tlakweemaá i alé, aníng a ló'wa gurhaamuút.

2 korinto 2:17

Asma atén axweesantá Mungú a halaanu'uumár ar tlehhiitanaaká as slaasláw kawa slawaan, adoodá' múk yaariír i tlehhaahhiiti. Ala atén axweesantá Mungú an alki/iitaán ar muunuú /awaák ar baraá Kristo, adór múk Mungú aa ya/aáw nee oo geeraawósí sihhiít.

2 korinto 4:2

Atén tlehhemi'iidá' sleémeero awa getlakw nee awa murér koomá' iga mawaán. Al/ayma a tlehhiitanaaká, nee slám axweesantá Mungú a warqeemisanaaká. Ala atén tin kiloorén xu'utisaán dír umuúqo heewo, ar looeema kiwa alki/iitaan ar geehhooeema dír geeraá Munguhe.

Galatia 1:6

Aníng a ló'wa waa/oo/amiím as kuungá'. Asma kuungá' Mungú ugwa geexeeré' ar gaanslaay, kudá' kuungá' naa ateet as gurtleemuú Kristo, nee kuungá' ya/abtór hho' ar hatlá' kari i warqeeré'.

Galatia 2:4

Ala hhaeekaariya' lamuuse nina qawti dahiye' baraá dinkwaadá', as amohhooaadá' atén ta koomaan baraá Kristo Yesuwo ngiwa tsee/aarina' as kahhó' atén tiwa ki/isiya' baraá lawaali'iima.

Galatia 3:1

Kuungaá múk Galatia a daktanár kilá'. Heé kuungá' naa da/arin a heemá? Adór Yesu Kristo kura kikií' kuungá' aga axasé' ar adór geehhoo'.

Galatia 4:11

Aníng aga da'ayuút kuungae. Aníng ngi slaá' gadiyér naa tleéhh as kuungá' a tawo.

Efeso 4:14

Daqaní atén a kumiitanaaká adór na/aá ninákw wa ale, tiwa kwakwaahhi nee gwaanduú ma'aay umuúqo barto, nee tiwa huwahuwi nee fur'ár intsaahhatimisuú dimbadimbé oo lama, oo mukdá' ti al/agiím. Inooín an kudá' atén ti qwaareesár wa sla'á' ar al/aymar'ín.

Efeso 4:22

Gawaá adoorihe gár kuungá' tunduwa hariím a slafingwhúng kuduú aáng un meerá'. Munerhúng na warqesaak, ta adoodár aange, asma munerhúng aáng i baraá hhitiruumit as ilatleerír al/ayma.

Efeso 6:24

Tsuuqaá Mungú masók i dír muu sleémeero, kudá' Aakoorén Yesu ngu sla'á' ar sla'aarír faakaaká.

Kolosai 2:18

Mukko i deer, oo ti kilooín niinaweemiís ar al/ayma, nee adoorí ngi sa qwalaala/iyá', slám i malaykér firiiriná'. Nee tin kilooín xirfayeemisiyá' as iigu'utuuín, gár tas daara/an ar kilá' i káhh, a inslaway'ín oo tlákw. Múk adór kwí munduwa al/aáy nee qeemuuhúng guri hayoh.

Kolosai 2:4

Tí án ngina dirhúngií oó' as kahhó' hee munduwa al/aáy ar axweesanoó tawo oo lama.

Kolosai 2:8

Ti harmagahhe', hee munduwa naáxw ar axweesanaywós oo tawo oo gaa wásl oo al/ayma. Asma axweesanaydá' amór naa daáhh a amór unuú muu, a amór Kristoowooká.

1 Tesalonike 3:5

Gaarí an gár aníng Timoteo ngusa ya/aáw, asma aníng qitla una harslaaqaát, ana xu'utír wa slaá', xáda xáy haratlintaaorhúng Neetlaangw gura bá/i, kudá' kuungá' nu iiara'ár, laqaá gadiyeédá' atén taa tleehhaán sleémeero aa gadiyér tawo tleehhít.

1 Timoteo 1:3

Qoomár án niwa Makedoniár kaw, án kuúng una firiím tawa Efesór wa hot. Hám daxta un malé firiím, as mukko kuwa hara'ayiyiin as intsaahhasár hatlá' mingiwa huúw.

1 Timoteo 2:14

Slám Adam kwa al/ayiiká, ala a /ameeni kana al/aáy, tlakweema giri tléhh.

2 Timoteo 3:13

Ala múk tlákw nee al/aymuuse ta ak geerií kumiit baraá tlakweemaawo. Inooín in al/aginá', nee slám inooín awa kilá' kaa al/aáy.

Tito 1:10

Asma dirhunge múk yaariír i deer oo ilaiwa/ame wásl, ak alé kudá' taa al/utlín. Inooín axweesanoó lamtá tawo kun axweemaamiis, as múk hatlá' kuwa al/agin.

Ebrania 13:9

Kuungá' intsaahhasár dimbadimbé ar hatlá' munduwa paslís baraá loohír ganaa'a. Asma gár muneerén ga gawdees a tsuuqaá Mungú, ala a hara'ayár dimbadimbeheeká ar daanduú muruú /ayma. Asma mukdá' hara'ayaarí gaa eehaar, alee/isoó taa sláy i kaahh dír hara'ayaarihe.

2 Petro 3:17

Ala kuungá' sla'aaruuser'eé', kuungá' adoorí aga qaroó xué'. Gawaá adoorihe ti harmagahhe'. Ma ya/aamara' tunduwa uuruuxi baraá haratlintaaorhúng tidá' taa oti'i, nee tunduri qwaarees nee múk tlákw.

2 Petro 3:3

Gár har geeraá ar xu'utír wa hariim a tí, deeloodár alhhe'eesaywo muu ni hardah oo ilatleerir'ín eeharahár. Inooín kuungá' nuri niqimisiyá',

1 Yohana 2:18

Láqwalo, gaarí a qoomár alhhe'eesaay, adoodá' kara axasé' tawa kaahi, wakusmoó Kristo ni hardah. Tam hamí wakuusér Kristo ar yaariir aa qaroó deerút. Ala adoorihe gaarí a qoomár alhhe'eesaay.

1 Yohana 4:1

Sla'aaruúse, umuú gár ta kaahi ma haratlintatiaara', ala alqaytsitaak, áx amór i dahh a amór Mungúhe. Asma aaruusér yaariir ar lama naa ti'ít.

Yuda 1:4

Asma mukko i deer oo naa qawti dah. Mukwí kuna sakwasleemarí i gooín iimír aáng wa ale. A múk Munguú da'ayuumitaaká, slám a múk tsuuqaá Mungú harneét ar hotaá tlákw. Nee inooín kudá' úr oo kilós, Aakoorén Yesu Kristo, ngu sa tlaankiyá'.

Geehhoeemaá 12:15

Dayshamoodá' ma'aá adór yaae giri baraá afkós wa waá/ alaá /ameenidá' wa ale, as yaaeedá' /ameeni ngiwa hayot.

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

Geehhoeemaá 20:2

Dayshamoodá' úr guri óh, kuduú aáng. Inós an kudá' tlaákw nee Neetlaangw. Guri tseék kureeri kumuú wák,