2 korinto 10:5 - Biblía Axweesantá Hhohho' ar Mungú 2004

⁵ Nee slám gár atén ta fee/itaan a umuúqo inslawaywo, kudá' il/aám, oo daara/ángw koóm, oo taa tleéhh as hee kángw Mungú munguwa xuú'. Atén umuúqo inslawaywo un ohiimaán, nee kuwa iialooesaan dír Kristo i alé.

Ya/abtór hho' 1977

⁵ Nee slám gár atén ta fee/itaan a umuúqo inslawaywo, kudá' iil/aám, oo daara/ángw koóm, oo taa tleéhh as hee iidíguú Mungú munguwa xuú'. Atén umuúqo inslawaywo un ohiimaán, nee kuwa iialooetisaan dír Kristo i alé.

2 korinto 10:5 Iomraidhean Croise

IIMU/UUNGW 8:21

AAKOÓ MUNGÚ slaahhareraá tsuuá' giri sláy awa ngwa sla'atisiye'. AAKOÓ MUNGÚ iri baraá muunaáwós i oó', «Yaamu i baloó lu'usaaká alaá adoorihe asma muu, asma inslawoó hee ku tlákw iimír iimu/uungose. Aníng muruú slaáf sleémeero u malé qwaareesaaká baloó alé, ar adoodá' ngira tleéhh.

2 WAAWITÁ 19:22

kuúng heé ta niqiin nee oo ta /oosliisliin a heemá? Xáy heé ta i tseeamiin a heemá? Heé ta daara/ángwár ga/eer a heemá? A kudá' hhoohhoó' oo Israeli.

2 WAAWITÁ 19:28

As adoosíng aníng iwa i qa/ít, nee daara/aangók nguwa axaás, aníng kuúng un duunga' mogolmór uuruúx nee taqesmoowók un tseék ar him'e. Aníng kuúng un ki/ís ar loohidá' nira daqeér.»

YOBU 42:6

Gawaá adoorihe aníng taa kilooeé' aáhh. Aníng aga ya/a/aám, da/ara nee teeriro i gawaaéní qaás.»

WARA'AMI 10:4

Tlakusmo baraá daara/aangose Mungú gu leelehhiitiiká. Baraá inslawaywós sleémeerowo Mungú i kaahh.

WARA'AMI 139:2

Bar iwiwiít nee bar sihhimiít, kuúng aníng i xú'. Iinslaway'eé' ugwa tsáhh amór saáw wa ale.

WARA'AMI 18:27

Asma kuúng i ba/amís kudá' tsaen, ala kudá' daara/aamá' in dáhh.

WARA'AMI 18:44

Kangw'eé' kuwa axaás tari iialooeés, dahaaye nari amor'eéní hardát iri i tumbarara'atiyé'.

TI'INAANGW 5:2

Ala waawutmo Farao iri oó', «AAKOÓ MUNGÚ a heemá tam inós nguwa iiárií qaas, nee múk Israeli nguwa geemaw? Aníng AAKOÓ MUNGÚ u xuaaká, nee sleeme múk Israeli u geemawaaká.»

AXWEESANOÓ SAGALOOA 15:26

Inslawoó múk tlákw AAKOÓ MUNGÚ gu waak, Ala axweesanoó hhó' gu sla'atamis.

AXWEESANOÓ SAGALOOA 24:9

Heé daktani gár i leelehhiiti a tlakweema, nee heé múk niqiím ku waak nee muu.

ISAYA 2:17

Nee daara/ángw hee ku baráy ki/is, nee saga gawduú muu ku /aytiis. AAKOÓ MUNGÚ kilós baalaadae kun xirfayemiis.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

ISAYA 59:7

Umuú daqto an baraá tlakweemií ti'ii'indá' an gaansliindá' tseerér heé dakuús wásl kawa ku'usa'. Inslawayhúng umuú daqto ku tlákw. Umuú dír taraqo waarahhi'i aqo hhituru'uuma nee deewa'ame an tlehhtá'.

ISAYA 60:14

Daaqoó mukdá' iga baramaanuus ni hardah iri i tumbarara'aat. Kudá' sleémeero iga waaqaqaiye' ta xupuu' dír ya'aawók. Inooín kiíng iri baya', ‹Gixsár AAKOÓ MUNGÚ, Siyoni ar kudá' hhoohhoó' oo Israeli.›

YEREMIA 23:29

Anuú AAKOÓ MUNGÚ a kah, ‹Axweesante'eé' a adór asla, a adór yuúnduú tlaa/e tsu/uta.›

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

ESEKIELI 17:24

Daqaní xaai baraá yaamu sleémeerowo ngiri tsaahhiyá' adór anuú AAKOÓ MUNGÚ xaa'aá tlet ngir gáwtá wa daraáhh, xaa'aá ququmat ngiri tledemiís. Aníng xaa'aá naa/á' in kahaás, nee awa kaaharen in naa/amií ki/ís ngay ureemiís. Anuú AAKOÓ MUNGÚ tí ngina oó' nee an tleéhh.»

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

Matayo 15:19

Asma baraá muunuú heewo gár ti'imiit a inslawoó tlákw, nee tsu/uta, nee fuqi, nee tsaatu'uuma, nee fiiso, nee lamabu'úngw lama, nee /ooslisliingw.

Luka 1:51

Kángw úr gwa tleéhh ar /uuruú dakós, Kudá' daara/aamá' baraá inslawoó muner'ine gaa diyaá/.

Rumi 1:21

Inooín tam Mungú ngwa tsaahhi'i, ala inooín ngwa xirfayeesi'iiká tawa Mungú, nee slám ngwa sluufmiisi'iiká. Ala inslaway'ín iri daktu'uút, nee muner'ín tidá' sagalooár koomaaká iri ak gíp.

Rumi 1:5

Mungú aníng ina tsuuqaá i haniís niwa ya/abusmo tleehhiit as Kristo. Adoorí gana tleéhh ar loohír Kristo, as aníng xoordu sleémeero ngiwa geerahaar amoorós, as nguwa haratlintii'iya', nee nguwa iialooeemisiya'.

Rumi 16:26

Ala hamí lu/aaráydá' kwaa geehhooeés ar baraá gooír aaruuse. Nee lu/aaráydá' kwaa alki/iít dír múk xoordu sleémeero ar hara'ayaadár Munguúduú alhhe'eesay wásl, as múk xoordu sleémeero masók Ya/abtoodá' hho' ga iialooees kawa haratlintii'i.

Rumi 7:23

Ala baraá slaqwte'eene gár naa ár a hara'ayár hatlá'. Hara'ayaarí i sláqw nee hara'ayaadá' baraá muunaáeénií dirii'. Asma hara'ayár tlakweema i baraá slaqwte'eé' wa gadiyús, aníng iri tsék.

1 Korinto 1:19

Asma kaa gooín, «Aníng sagalooár mukdá' sageloén a hhitiím, Nee fuqurángw mukdá' fuqureeraá koóm u sií'.»

1 Korinto 3:19

Asma sagalooár muu a daktu'uuma dír Munguhe. Asma Gooi i kat, «Mungú múk sageeloén gu ohaahín baraá al/aymar'ine.»

2 korinto 11:20

Kuungá' a qiqtliindá' hee kuungá' burna lawaale tleéhh, laqaá hee bira daqaari'iít ar daqaari'iimarhúng, laqaá hee bur naa ohín, nee laqaá hee bur naa waaqaqaá', nee laqaá hee bur naa tlaaqarma' muúx.

2 korinto 9:13

Alee/isaywí gár i laqaqan a haratlintaaorhúng. Nee inooín Mungú ngun sluufmisiyá' as haratlintaaorhúng. Asma haratlintaaoorí a kaahanaaká Ya/abtór Kristo an tawó katá', ala ana iialooeemisé' sleeme. Asma muruudá' ta koonda' una hanimisé' ar yaareema dir'ín i alé tam dír muu sleémeero.

DABE 15:9

Ti ló'wa harmagahhe', inslawoó tlákw munduwa áy, tari oa', ‹Kurkú faanqw, kurkú iinuuse kawa gurtlawaan naa nakaá/.› Nee kuungá' hhaeehúng awa aleelemá' kiri siá' kirkitimisuwo, nee inooín niri dír AAKOÓ MUNGÚ i /aa/iyá' as kuungá', nee gaarí iri tlakweema tleehhít dirhunge.

Filipi 4:7

Nee wayduú Mungú, kudá' tsaahharo ta aleeslawaanaaká sagalooarene, munerhúng ngi de'en, nee inslawayhúng baraá Kristo Yesuwo.

2 Tesalonike 2:4

Inós a Wakaarusmo, inós tin oo úr tlehhiit dír muruudá' sleémeero muu i sluufmiisi adór munguii'ín wa ale. Slám ti ureemiis dír muruudá' sleémeero oo hhohhoe. Nee inós in baraá Doó Mungú i iwtanángw aa'áy, iwa kaahi, «Aníng a Mungú.»

2 Tesalonike 2:8

Qoomaadá' an qoomár Heedá' Tlaákw tiwa geehhooeesi ar gaanslaay. Qoomaadae Aako Yesu niri hardah, iri geehhooúy ar baraá gwa/aateema, nee Heedá' Tlaákw guri suqúy ar hiinsluú afkós.

Ebrania 4:12

Asma axweesantá Mungú i sláf. Nee slám i /uuruú koón. Nee i xarásl ló'wa ale tam paángár afe tsár ga bá/. Axweesantá Mungú in dát baraá heé i alé, qeeru nee muuná giri parátl, tam fadu nee waeemoowós giri parátl sleeme. Nee slám axweesantá Mungú inslawoó hee gu sakwasleemút, nee umuúqo gár i slai baraá muunaáwose.

Ebrania 5:9

Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.