2 korinto 10:1 - Biblía Axweesantá Hhohho' ar Mungú 2004

¹ Anuú Paulo kuungá' nun harhheehhe'eemiís, ar tsatsaa'areema nee ar hhooeema ar adoodár Kristo. Kuungá' a kata', aníng a heé da'ayusmo qoomár bar dír geeraahúngií dirií', ala aníng a heé xaraásl qoomár án bir ti saáw dirhunge.

Ya/abtór hho' 1977

¹ Ánuú Paulo kuungá' nun harhheehhe'eemiís, ar tsatsaa'areema nee ar hhooeema ar adoodár Kristo. Kuungá' a kata' gídaabá, aníng a heé da'ayusmo qoomár aníng bar dír geeraahúng i dirií', ala aníng a heé xaraásl qoomár án bir ti saáw dirhunge.

2 korinto 10:1 Iomraidhean Croise

WARA'AMI 45:4

Baaliím, geera i kumiiteek ar /uuruuwók, looeema aleekalaa/eek nee tsaeema nee gan'amu, ar /uuruwoge muruú waa/oo/amo oo dae tlaáq u tléhh.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Matayo 11:29

Taqwante'eé' gawaá sum'iihúngií qaasaak, dir'eé' wa intsatsaahhaak. Asma aníng ti tsatsaa'aár, nee muunaáeé' ku gurhhoó'. Daqaní kuungá' amohhooa a sleerá' baraá munerhunge.

Matayo 21:5

«Múk gixsár Siyoni bawaak. Ga/aawaak, waawutmoohúng ni amorhúngií hardáh. Inós ku tsá'. Aa tsa/án gawaá daqwaay, nee gawaá gwarendmoó daqwaay.»

Tlehhema'aá ya/Abuuse 8:32

Nee gooidá' i soomuusi a tí, «Inós kuna huúw didár mura' kuwa tsu/aa/in adór bee/ír wa ale. Nee adoodár deelmoó bee/i ir xaslmaamiti dír geeraá heedaádá' gu se'eengw tlaaqa, nee inós sleeme ina xasliít adoodár alé, afkós gwa waatleesiiká.

Rumi 10:20

Aluuwo Isaya aa qiítl /aymi'iiká' ngiwa oó', «Múk aníng leelehhiitaaká, aníng ina sláy, nee múk aníng yaahamiisaaká, aníng tina dir'íní geehhooeés.»

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

Rumi 15:15

Ala baraá barwaárí naa kuungá' i gooini bartakaaro aníng kuungá' nuna i xaraásl, as nuwa inslawtis daanduú kangwdá' taa qaroó axasi'i. Adoorí aníng ana tleéhh as aleesleemuudá' án naa sláw dír Mungú wa ale.

1 Korinto 2:3

Gawaá adoorihe aníng niwa hardáh, ti daqatlaákw ana daaraáx daeero.

1 Korinto 4:10

Atén a daktana as Kristo. Ala kuungá' a múk sagalooár koóm baraá Kristowo. Atén ti daqeetlákw, ala kuungá' a /uuruú koondá'. Kuungá' tundu ilaiwawaa/, ala atén ti waaqaaqaa'.

1 Korinto 4:21

Kuungá' gár ta sla'a' a milá? Aníng nin amorhúngií hardáha ar hhara, laqaá nin hardáh ar sla'aari nee ar muunuú tsatsa'areema?

2 korinto 10:10

Asma kuungá' daqtakaaro a kata', «Paulo baraá barwaduuwose a heé xaraásl nee oo /uuruú koóm. Ala inós bar i dinkwa nee atén, inós a heé da'ayusmo, nee slám axweesantós gár i koon i káhh.»

2 korinto 10:2

Aníng kuungá' nu firiím, aníng mi harakeesara' xarasleemaeé' ngiwa laqaam qoomár binda amorhúngií hardáh. Asma aníng a xuú' xarasleema i aleesláw dír mukdá' heeuumar'ín eeharahara.

2 korinto 10:7

Kuungá' muruudá' dír geeraahúng i dirií' na ga/aawaak. Xáy, hee i deéro oo ti haraxuú' adór inós tar heé Kristo? Bir deer, adoosíng i qoón. Ala inós gár kuwa hariím a kaangwí nguwa aldakwi adór atén sleeme tar múk Kristo adór inós wa ale.

2 korinto 11:21

Aníng adoorí an káh ar mure, asma atén qoomár tawa amorhúng i diriiaan, adoorí tlehharo aga qiitlaniiká. Aníng daxta an oo' adór daktantá wa ale, hee bir deer oo qiítl oo ti kilós xirfayeemiís gawaá umuúqo gaaro, aníng sleeme a qiítl tiwa xirfayees.

2 korinto 11:30

Aníng barnaxes gár tiwa hariím, a tin xirfayeés, aníng tin xirfayeés as daqaatlakwer'eé'.

2 korinto 12:5

Daanduú heewihe aníng ti xirfayeemiís, ala aníng ti kilooeé' xirfayeemisaaká, ala aqo har daqaatlakwer'eé' kilós.

2 korinto 3:12

Atén haraxu'utír adoorí kawa qo koomana, pihh'uuma a koomaán.

2 korinto 5:20

Gawaá adoorihe atén a ya/abuusér Kristo. Atén bar axweesaán, a adór Mungú in gurbu'ún ar afeerén. Gawaá adoorihe atén kuungá' nun firiimaán as daanduú Kristó wa ale as kuungá' tunduwa haraki/isi nee Mungú.

2 korinto 6:1

Atén a gadiyuusaán dinkwa nee Mungú. Gawaá adoorihe atén kuungá' nu gurbu'uumaán sleeme, kuungá' tsuuqaá Mungú kudá' taa ilaoté' mi qwaareesara'.

2 korinto 7:4

Aníng a xuurumitaaká daandeemoohunge. Aníng ti ló'wa xirfayeemiís as kuungá'. Gawaá adoorihe aníng taa ló'wa gurkwa/ás, nee qwal/amaayér ló'wa ur aga sláw baraá slahh'amaayeerén tí ta koomaana.

Galatia 4:13

Kuungá' a insleerá' án Ya/abtór hho' gár ngisa alki/iít har geeraawo dirhunge a adoodá' niwa wananaa'.

Galatia 5:2

Iia qaasaak, anuú Paulo gár ni oo' a tí! Kuungá' burtunda al/utlín, Kristo gár nuwa bui i káhh.

Efeso 3:1

Gawaá adoorihe anuú Paulo, án kuungá' nu aleefiriiriím, anuúwí taa tseék nee Kristo Yesu as daanduú kuungaásingaá múk xoordu.

Efeso 4:1

Aníng kuungá' nun ló'wa firiiriím, aniíwí taa tseék as Aako, hooté' ar adoodá' hariím as ateetamoodá' Aako kuungá' nura ateét.

Filipi 4:5

Hhooeemaahúng masók i geehhoouyá' dír muu sleémeerowo. Aako naa nakaá/.

Kolosai 1:23

Ala kuungá' gár tunduwa hariím masók an kumitá' baraá haratlintaaooro, tawa sihhita' ar gawdeema gawaá iihhafiirír gawít i alé, nee tawa qutla'aaká baraá haraxu'utír taa sleeré' qoomár Ya/abtór hho' kawa axasé'. Ya/abtoorí hho' kaa alki/iít baraá yaamu sleémeero, nee anuú Paulo tina sagadiyusmoowós wa qaás.

2 Tesalonike 3:17

Anuú Paulo gooirír alhhe'eesaay ngina gooiím ar dakw'eé' oo kilá'. Gaarí an layar'eé' baraá umuúqo barwár ni gooiima adór amór i dahh tar amor'eé'. Adoorí an adór án nir gooaaiim ar dakw'eé'.

Filemoni 1:19

Anuú Paulo al'axweesantí ngina gooiím ar dakw'eé' oo kilá', aníng ngi buú'. A mak sla'aaká uwa inslawtis adór kuúng tar iinar'eé' koón. Iinadá' a slafiingók oo kilá'.

Filemoni 1:9

Ala án kuúng u firiím adoorí kawa tlehh ar sla'aari. Anuú Paulo a aako, nee slám a baraá tsegma as Kristo.

1 Petro 2:11

Sla'aaruuser'eé', kuungá' a adór múk waaraáhh nee adór dahaaye tawa hota' baraakaá yaamuwo. Ala án kuungá' nu gurbuú', kuungá' ti harmagahhe' nee ilatleeri sleémeero ar slaqwa, asma i sláqw nee qeeru.

Geehhoeemaá 1:9

Aníng a Yohane, hhiyaahúng, kudá' aa al dinku'uus nee kuungá' baraá slahh'amaayeero, nee baraá Waawuti'iima, nee baraá qiqtliingw baraá Yesuwo. Qoomarkaaro aníng ana hardáh baraá yaamaá kaahaar awa tla/ángw tlawi, awa ta bay Patmo, as a axweesantá Mungú ngiwa alki/iit nee Yesu nguwa lamabu'uum.