2 korinto 1:8 - Biblía Axweesantá Hhohho' ar Mungú 2004

⁸ Hháe, atén adoorí an kaahaán, asma atén a sla'aán kuungá' slahh'amaayeedá' atén taa slawaán baraá yaamaá Asiaro kawa xua'. Asma atén slahh'amaayeedá' taa slawaán ka ló'wa ur, tam atén ana harslaaqataán gagaararo. Tam harahhifór tawa slafaan iri fák.

Ya/abtór hho' 1977

⁸ Hháe, atén adoorí an kaahaán, asma atén a sla'aán kuungá' kawa xua' slahha'amaayeedá' atén taa slawaán baraá yaamaá Asiaro. Asma atén slahha'amaayeedá' taa slawaán ka ló'wa ur, tam atén ana harslaaqataán gagaararo. Tam atén tari xuruutaán gídaabá tawa slafaan.

2 korinto 1:8 Iomraidhean Croise

Tlehhema'aá ya/Abuuse 16:6

Tari waaraáhh ar baraá yaamaá Frigia nee Galatia. Qeeruú hhoohhoó' oo Mungú gaa aleeya/aniká axweesantá Mungú kawa alki/iiti baraá yaamaá Asiaro.

Tlehhema'aá ya/Abuuse 19:41

Adoorí ooaro ngiwa hhe'eés, dinkwadá' gari gaás.

Tlehhema'aá ya/Abuuse 2:9

Atén a múk Parti nee oo Medi, nee oo Elami, nee múk Mesopotamiár wa hoót, múk Yudea nee Kapadokia, nee Ponto nee Asia,

Rumi 1:13

Hhaee'eé', gár án dirhunge ni xu'utisár wa slaa' a tí, aníng aga slaá' daqtá yaariire niwa amorhúng i hardah. Ala taa il/án tam ay hamí. Gár nisa daqeemuú slaá' amorhúng as kahhó' múk ni amór Yesu i huuw nguwa slaw dirhunge, adoodá' muu ngura sláw dír múk xoordaá hatlá' sleémeerowo.

1 Korinto 15:32

Baraá gixsár Efesowo ana slaáqw nee makaá xaraaslá'. Ala qoomaadae bar ana slaáqw as heeuumar'eé', gár geeraawo ni slaw a milá? Barnaxes múk aa qaatl i baloó waaslee/iiká, «Gimsé', an /ayiimaán nee an wahaamaán, asma matlo a qatlaán.»

1 Korinto 16:9

Asma pa/ángw hhoó' kungwa haniís oo gadiyér ur ngiwa ló'wa tleehh, tam múk yaariír oo aníng i baqamiím i deero.

1 Korinto 4:8

Kuungá' aga qaroó axé'. Aga qaroó daqaari'ité'. Nee kuungá' waawuti'iima aga sleeré', ala atén a kahhaán. Ala geeraawo alók kuungá' masók an waawitá, asma daqaní atén a alwaawuti'iimaán nee kuungá'.

2 korinto 1:9

Atén tari baraá muneerén i kaahaán daxta sakwasleemár gwa'ara aga slawaán, as atén kawa tsaahhaan adór tar gár hariimaaká atén tiwa kilootén i tlintiiaan, ala masók a Mungú un i tlintiiaán, kudá' múk aa qaatl gu aleesláw waasle/atisaro.

2 korinto 6:9

Atén tiwa xui a múk xuaawaslén, ala laatí atén a múk ta xu'uti hhe'eesi nee muu sleémeero. Atén a adór múk aa qaatl, ala laatí atén a slafaán. Atén ti muxaaxín, ala ti tsu/iiká.

1 SAMUELI 20:3

Daudi iri oó', «Baabuúwók ga xuu', adór kuúng aníng ir slá', iri baraá muunaáwósí oó', ‹Kaangwí Yonatan munguwa xuú', miwa gurhamuút.› Looeemaawo adoodá' AAKOÓ MUNGÚ ir daadeér, nee adoodá' kuúng tar slaf, gwa'ara naa tseewuúr dir'eene.»

1 SAMUELI 27:1

Daudi iri baraá muunaáwós i oó', «Ís baalarkaaro Saulo án i gaas. Gár tsiní dir'eene an goów amór yaamaá múk Filisti. Saulo bira leelehhahhiít baraá guruú yaamuukaá Israeliro iqo mune sii', adoorihe daqaní aníng a /úw Saulowo.»