2 korinto 1:17 - Biblía Axweesantá Hhohho' ar Mungú 2004

¹⁷ Ala kuungá' ka ga/eera', aaiieé' kuká' aníng ngiwa adoorír slaá', aníng iga alqaytsitiikáhe? Laqaá a gídaabáhe aníng a adór heé aa haratlintii'iikáhe, kudá' káh «Eeít», ala laatí inós i kaahi, «Aasla'áy».

Ya/abtór hho' 1977

¹⁷ Ala kuungá' ka ga/eera', aaiieé' kuká' aníng ngiwa adoorír slaá', aníng iga alqaytsitiikáhe? Laqaá a gídaabáhe aníng a adór heé aa haratlintii'iiká, kudá' káh “Eeít”, ala laatí inós i kaahi “Aasla'áy”.

2 korinto 1:17 Iomraidhean Croise

YEREMIA 23:32

Eeít, anuú AAKOÓ MUNGÚ a kah, ‹Aaruuseedá' a i haraatláw, tidá' tlataaín awa lamtá aaririim dír muk'eé', nee muk'eé', ngwa qwaareesiyé' ar lamtaín, nee tlooraaín. Ala aníng iga ya/aawiiká, nee sleeme gár ngaa báw i káhh.› Gawaá adoorihe, gár mukwí nguwa gaa buiya' i káhh, Anuú AAKOÓ MUNGÚ tí ngina oó'.»

SEFANIA 3:4

Aaruuseerós a múk hasliitaaká nee a al/aymuuse. Kaahamuuseerós muruudá' hhohhó' oo Mungú ngwaa meetagaasiyé', dabér AAKOÓ MUNGÚ ngiri hhitiné'.

Matayo 1:19

Yosefu, hhawaatuú Maria, a heé ganaá', nee gaa slaiiká ngiwa mureekeesi. Iri baraá muunaáwósí oó', «A qawtí máw.»

Matayo 5:37

Ala axweesantahúng masók a ‹Ka hhoo',› laqaá ‹Aasla'áy›. Asma ar dír tihe aa harwaarahh, amór i dahh a amór kudá' tlaákw.»

Yohana 8:15

Kuungá' hee un sakwasleemutá' ar tlehhemi'iiwós kudá' ta ara'aanda'. Ala aníng hee u sakwasleemuutaaká.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

2 korinto 11:18

Asma múk yaariír i deer oo ti kilooín xirfayeemiís as muruú baraakaá yaamu, ala tam aníng sleeme tin adoodár xirfayeemiís.

Galatia 1:16

Garmaawós nguna dir'eénií geehhooatís, as kahhó', aníng Ya/abtór hho' ar daanduuwós ngiwa alki/iit dír múk xoordaá hatlá', qoomaadae aníng heé naa yaahaás i kaahh.

Galatia 2:2

Aníng ana daqáw asma Mungú daqeemuueé' kwí nguna geehhooatís. Dinkwa ana tleehhaán nee geeraharuusér múk kríshaanáy kiloorén. Ya/abtór hho' tidá' ni dír múk xoordaá hatlá' i alki/aa/iit, ngari dir'íní alki/iít. Aníng ana xu'utír wa slaá' áx, gadiyér'eé' tidá' naa tleéhh, nee tí ni tleehh, a tawóro laqaá a adoomá.

1 Tesalonike 2:18

Gawaá adoorihe ana sla'aán niwa daqawan. Anuú Paulo har geeraawo daqeemu una iiár, ay sagaáwa tsár sleeme. Ala Neetlaangw loohirén gari kaangaár.

Yakobo 5:12

Alaá tí sleémeerowo, hhaee'eé', kuungá' lo'o ma huwahuwaara'. Miti lu'umisaara' ar doori, laqaá ar yaamu, laqaá miti lu'umisaara' ar umuúqo gaaro. «Ka hhoo'» bara oé', masók an «Ka hhoo',» nee «Aasla'áy» bara oé', masók an «Aasla'áy,» as sakwasleemár Mungú kuungá' munduwa sleér.

HAR'OHUUSE 9:4

Mukdá' parhheemaá mibeeraá faanqw awa muqslár peésa gari leéhh baraá doó munguúdá' ta bay Ba'al-beriti, kari haniís dír Abimeleki as ngiwa tlaxwi ar múk baraawaslén oo hhasloowaslén.