2 korinto 1:14 - Biblía Axweesantá Hhohho' ar Mungú 2004

¹⁴ Asma qoomaarihe kuungá' kaangwí ugwa tsaahha hhe'eesi'iiká, ala a xuaán baalaadár Aako Yesu binda hardát, kuungá' daqaní ti xirfayeemisá' as atén, adoorír atén tir xirfayeemisaan as kuungá'.

Ya/abtór hho' 1977

¹⁴ Asma qoomarihe kuungá' kaangwí ugwa tsaahha hhe'eesi'iiká, ar gídaabá bál deeloodár Aako Yesu binda hardát, kuungá' daqaní ti xirfayeemisá' as atén, adoorír atén tir xirfayeemisaan as kuungá'.

2 korinto 1:14 Iomraidhean Croise

Rumi 11:25

Hhaee'eé', án gár ni slaa' a lu/aaráywí un xuá', as kuungá' miti kiloohúng xirfayeemisaara' as sagalooarhúng. Ala lu/aaráy a kwí, múk Israeli bahh'alé muner'ín aa gawduuduúr, ala ar har qoomár niina, ay dír múk xoordu sleémeero i dahi, kudá' ba/ám.

1 Korinto 1:8

Inós sleeme kuungá' nu /uurií haniis ay alhhe'eesaay, as kahhó' kuungá' tawa múk dakuús wásl baraá umuúqo gaaro bál deelór Aakoorén Yesu Kristowo.

1 Korinto 11:18

Gár har geeraá, aníng kaangw ugwa axaás qoomár kuungá' múk kríshaanáy bar burumburimitá', kuungá' taa partlité'. Ala aníng adór kaangwí turu ló' aga ya/aám.

1 Korinto 15:31

Hhaee'eé', kuungá' a xuá' adór aníng tir aleesláw tiwa xirfayeemiis as kuungá' ar baraá Kristo Yesu Aakoorén. Ala kaangwí oo ló'. Adoorí bar ar ló', kaangwí sleeme oo ló' oo aníng umuúqo deelooro niwa baraá tsaxwaá gwa'arár i dirii'.

2 korinto 2:5

Ala heé gurhaami ngaa huuw bir deer, aníng iga gurhaamír ar ayká, ala a kuungá' sleémeero nuna gurhaamír ar áy. Ala dooqa an oo', a kuungá' sleémeeroowooká, as aníng lama mawa oó'.

2 korinto 5:12

A atén ti malé dirhúgií xu'utimisanaaká. Ala gár ta sla'aan a kuungá' gaa kawa sleera' ar tir xirfayeemisa' as atén. Adoorí an sla'aán as kuungá' masók a /aymuú koondá' oo ta oa' dír mukdá' ti kilooín xirfayeemisa' as muruú tsee/a, ala oo baraá muneerooká.

2 korinto 9:2

Asma aníng a xuú' adór kuungá' muuná kur koondá' oo alee/isaywí kuwa hanisa'. Slám án kuungá' nuna xirfayeés dír geeraá múk yaamaá Makedoniár i alé gawaá kaangwihe, niwa oó', «Múk Akaya tina amohhe'eés alee/isaay haniisaro iimír kurkú /isá'.» Muunaáhúng kwisíng múk yaariír baraaine gwaa ilakaaharuú i qaás.

Filipi 1:10

as kahhó' kuungá' gár hhoó' tsawaararo kawa aleesleera'. Daqaní kuungá' a múk taa hhoohhooeés nee oo xaslxaanslír koomaaká bál deeloodár Kristo birna hardát.

Filipi 1:26

Aníng binda amorhúng i hardáh malé alé, pa/ángw yaariír daqaní u koondá' oo Kristo Yesu kuwa xirfayeemisa' as aníng.

Filipi 1:6

Gár án ni haratlintatii' a tí, kudá' gadiyér hhoo' gaa iimu/un baraá munerhunge, inós gadiyeédá' ga alhhe'ees ay bál deelór Kristo nay xeer.

Filipi 2:16

asma kuungá' Ya/abtór hho' ar slafiingw an alki/itá' dir'ín i alé. Gawaá adoorihe kuungá' a xirfuueé' bál deeloodár Kristoowo, asma aníng aga tawó ti'ii'imiiká, laqaá aga tawó daawiimitiiká gadiyeede.

Filipi 4:1

Gawaá adoorihe, hhaee'eé' awa sla'aaruúse, án kuungá' nun ló'wa inslasláw. Kuungá' a qwal/uueé' nee slamángw arba/ati, daxta sihhtano hhe'eesé' baraá Aakoowo.

1 Tesalonike 3:13

Inós kuungá' nu /uurií haniisi, tawa múk hhohhó' oo xaslaansli wásl geeraá Mungú Baabuúrene qoomaadá' Aakoorén Yesu niwa hardihi, dinkwa nee mukós oo hhohhó' sleémeero.

1 Tesalonike 5:23

Mungú inósuú kilá', kudá' atén ti waydií hanimiís, inós kuungá' nu hhoohhooeesi kángw kilá' wa ale. Nee slám inós munerhúng nee qeeremoohúng nee slaqoohúng ngi xun as gár tlaakw munduwa sleér, ala kuungá' masók a múk xaslxaansli wásl ay bál Aakoorén Yesu Kristo nay hardihi.