2 korinto 1:12 - Biblía Axweesantá Hhohho' ar Mungú 2004

¹² Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

Ya/abtór hho' 1977

¹² Gaarí an gár atén tir xirfayeemisaan gídaabá, muneerén atén ti lamabu'uún adór atén tara hootaán baraá yaamuuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaaniiká ar sagalooár heeuuma, ala ana hootaán ar tsuuqaá Mungú.

2 korinto 1:12 Iomraidhean Croise

2 SAMUELI 22:22

Asma loohír AAKOÓ MUNGÚ aga eehár sleeme taa paraatliiká dír Munguúeene ar tlakweema.

YOBU 13:15

Mungú bar aníng i gaasár wa slaa' i gaasi, Aníng harahhifo a koomaaká, tam adoorihe aníng ti aleekalaá/ dír geeraawose.

ISAYA 38:3

iri oó', «Aá AAKOÓ MUNGÚ, án kuúng u harhheehhe'eés, na'amaamís, adoodá' aníng kuúng ura sagadiyumaamiís ar inkihhimu inslaweek, slám ar muunaáeé' sleémeero, nee muruú qoóm una tlehhahhiít dír geeraawoge.» Hesekia Mungú guri ló'wa ii /aa/amín.

Tlehhema'aá ya/Abuuse 23:1

Paulo múk kwasleema guri ilií duxún iri oó', «Hhaee'eé', aníng muunuú hhoohhoó' una ar hoót geeraá Munguhe ay laarí.»

Tlehhema'aá ya/Abuuse 24:16

Gawaá adoorihe muunaáeé' un harmagagaáhh daqisleém, as kahhó' ku hhoohhoó' geeraá Munguhe nee geeraá muko.

Rumi 9:1

Aníng gaarí ni kah ar ló', asma an káh ar baraá Kristo, slám lama a ooaaká. Muunaáeé' nee Qeeruú hhoohhoó' oo Mungú a lamabu'uuse dinkwa nee aníng niwa kah,

1 Korinto 1:17

Asma Kristo aníng iga ya/aawiiká as niwa baatimiis, ala ina ya/aáw as Ya/abtór hho' ngiwa alki/iit. Ala a ooaaká an alki/iít ar sagalooár muu. Asma adoorí bar aga tleéhh, daqaní /uuruú msalaábár Kristo ugwa hingeés.

1 Korinto 12:8

Asma heé wák aleesleemuú axweesantá sagalooa gun sláy ar Qeeru, nee kuqá' aleesleemuú axweesantá xu'uti gun sláy ar Qeeruuduú kilá'.

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

1 Korinto 2:13

Qoomár atén kaangwí bur axweesaán, u axweesanaaká ar axweesanoó sagalooár muu, ala un axweesaán ar axweesanaydá' Qeeru naa atén i intsaahhatimís. Asma atén muruú Qeeru un axweesaán ar axweesanoó Qeeru.

1 Korinto 4:4

Asma baraá muunaáeene gár aníng i sakwasleemuut i káhh. Ala aníng ti gan'amií harafaariiká as adoodá' muunaáeé' iwa sakwasleemuutiiká. Ala heé aníng i sakwasleemuút an Aako.

1 Korinto 5:8

Gawaá adoorihe atén deelór ur masók an tleehhaán. Ala mawa tleehhaán ar mikaáteedár aáng taa sluuftimís, tidár tlakweema nee slasla/aruwo. Ala masók deelór ur an tleehhaán ar mikaáteedá' /aben ar taa sluuftisiiká, tidár hhohhoaari nee looeema.

2 korinto 1:17

Ala kuungá' ka ga/eera', aaiieé' kuká' aníng ngiwa adoorír slaá', aníng iga alqaytsitiikáhe? Laqaá a gídaabáhe aníng a adór heé aa haratlintii'iikáhe, kudá' káh «Eeít», ala laatí inós i kaahi, «Aasla'áy».

2 korinto 11:3

Ala aníng a daimiít as kuungá' tunduwa al/ayi baraá inslawayhunge, tam kuungá' sla'aarirhúng tidá' ur ar hhoohhoo' ar Kristo kuwa sla'a' kari geexeerá', adoodár dayshamooduú al/aymusmo aáng Hawa ngira al/aáy.

2 korinto 2:17

Asma atén axweesantá Mungú a halaanu'uumár ar tlehhiitanaaká as slaasláw kawa slawaan, adoodá' múk yaariír i tlehhaahhiiti. Ala atén axweesantá Mungú an alki/iitaán ar muunuú /awaák ar baraá Kristo, adór múk Mungú aa ya/aáw nee oo geeraawósí sihhiít.

2 korinto 4:2

Atén tlehhemi'iidá' sleémeero awa getlakw nee awa murér koomá' iga mawaán. Al/ayma a tlehhiitanaaká, nee slám axweesantá Mungú a warqeemisanaaká. Ala atén tin kiloorén xu'utisaán dír umuúqo heewo, ar looeema kiwa alki/iitaan ar geehhooeema dír geeraá Munguhe.

2 korinto 8:8

Aníng adoorí a kaahaaká as nuwa hara'ayiyiim. Ala aníng kángw múk hatlá' un káh, adór inooín ilakaaharu kura tlehhiít baraá alee/isaywihe. Kaangwí aníng una káh as sla'aarirhúng ngiwa tsaahh adór tar ar ló'.

Galatia 6:4

Ala umuúqo heewo gadiyeérós ngi kilós alqaytsiti adór kar hhoohhoó', nee ngi kilós xui baraá muunaáwósí alé, ala mitiwa heé hatlár qoomeemeés.

Efeso 6:14

Gimsé', ti amohhe'esé'. Siinootayhúng a looeema. Gaambór ta da/eewár qoomesa' a hotaá ganaa'á'.

Filipi 1:10

as kahhó' kuungá' gár hhoó' tsawaararo kawa aleesleera'. Daqaní kuungá' a múk taa hhoohhooeés nee oo xaslxaanslír koomaaká bál deeloodár Kristo birna hardát.

1 Tesalonike 2:10

Kuungá' a lamabu'uuseerén, tam Mungú sleeme, adór atén tara tla/ángw kuungaásingaá haratlintaauusér wa hootaán ar slafíngw hhohhó' nee oo ganaá', nee slám aga dakuusaniiká.

1 Timoteo 1:5

Gár hara'ayaarí ngisa oó', masók sla'aari i doogigiín, tidá' baraá muunuú hhoohhoó' daahh, nee afór hho' ar baraá muuná, nee haratlintaaór waaqoodár koomaaká.

Tito 2:7

Ala kuúnguú kilá' masók an slaqsoó hhoó' tleehhít ar baraá tlehhema'aá hho' sleémeero, nee ar baraá intsaahhatimisuuwo, kawa intsaahhatimis ar ilaiwa/ame nee ar looeema.

Ebrania 13:18

Kuungá' kumiité' atén tiwa aleefiriiriinda'. Atén a xuaán adór munér hho' kar koomaán. Asma atén gár ta sla'aan a tidá' ganaa' kawa tleehhaan umuúqo deelooro.

Yakobo 4:6

Ala tam adoorihe gurtleemuudá' ni atén i hanmiisi ku ak ló'wa ur. Gawaá adoorihe Gooi i malé kat, «Mungú múk daara/aám gu sii', ala mukdá' ti niinaweemiís gu gurtláy.»

YOSHUA 24:14

«Gimsé', AAKOÓ MUNGÚ ilaiwawa/aak nee sagadiyusaak ar muunuú /awaák nee ar inkihhimu. Munguiidá' baabi'iihúng naa sagadiyusiyé' gayuú yaaér Eufrátér wa ale, nee baraá yaamaá Misriro, amoosíngí kwahhaak, daqaní AAKOÓ MUNGÚ ku sagadiyusá'.

1 Petro 3:16

Ala adoorí tleehhaak ar tsatsa'areema nee ilaiwa/ame, munerhúng masók ka hhohho'. As kahhó' mukdá' kuungá' nu daanda kaantiím as slafingwhúng oo Krishaanu'uuma, kiwa mureekeesi.

1 Petro 3:21

Ma'aydá' a slaqsoó baatiísmo, kudá' kuungá' nu ba/amiimís de'emakaákae. Baatiísmo a slasla/aruú slaqwa gun hingeemiisiiká, ala baatiísmo a hee Mungú gun firiirín as muunuú hhoó' nguwa slay, ar /uuruú waasle/uú Yesu Kristo.