1 Yohana 5:3 - Biblía Axweesantá Hhohho' ar Mungú 2004

³ Asma dabeerós bar iialooeemisaán, gár i laqaaqaan a atén Mungú u sla'aán. Slám bur sla'aán, dabeerós iialooeesaro ka gawdeeká.

Ya/abtór hho' 1977

³ Asma dabeerós bar eeharaharaán, tí gár i laqaaqaan a gídaabá, atén Mungú u sla'aán. Slám bur sla'aán, dabeerós eeharto ka gawideká.

1 Yohana 5:3 Iomraidhean Croise

2 WAAWITÁ 18:6

Inós AAKOÓ MUNGÚ guna eehár ar inkihhimu, sleeme gwa geexayká, inós hara'ayaadá' AAKOÓ MUNGÚ aa haniís dír Mose gana óh.

WARA'AMI 119:140

Al'axweesantók ar ló' kángw kilá' wa ale, anuú sagadiyusmoowók a slaá'.

WARA'AMI 119:45

Baraá hotaaeene ti baloó dinqisiiká, asma aga ilakahareés hara'ayarók ooharo.

TI'INAANGW 20:6

Ala kudá' aníng i sla'á' nee hara'ayar'eé' ngaa oohiye', in slaá' ar sla'aarír warqawaaká ay nángw sagaáwa kumér kúm.

AXWEESANOÓ SAGALOOA 3:17

Lohuuwós sleémeero bira aán in sla'atamiisiyá', nee umuúqo loohiro ka saxmaár.

DANIELI 9:4

AAKOÓ MUNGÚ, Munguúeé' una firiím, nee niri gwadidiím niwa kah: Aá Aáko, kuúng an Munguú úr nee oo ta da'ayumiti. Kuúng tu inkihhím daanduú alqadoroge, nee sla'aarirók i warqeeraaká dír kudá' kuúng u sla'a' nee hara'ayaarók ngi ilaiwawa/á'.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

Matayo 23:4

Inooín huwaá ilo' ki tsegiit nee kiri tsa/amiis gawaá sum'aá muu. Ala inooínaá kilá' tam kwatiitár diitsaro ki slaiiká.

Yohana 14:15

«Án bira slaé', hara'ayar'eé' a otá'.

Yohana 15:10

Kuungá' bar hara'ayar'eé' aga oté', a hotá' baraá sla'aarir'eé' wa ale, adoodá' aníng hara'ayár Baabuúeé' ngira óh, nee nira hoót baraá sla'aarirós wa ale.

Yohana 15:14

Kuungá' a mulqer'eé', bar tidá' án naa hara'ayiím aga tlehhé'.

Rumi 7:12

Gawaá adoorihe dabe ka hhoohhoo', nee hara'aya sleeme ka hhoohhoo', slám i ganá' nee ka hhoo'.

Rumi 7:22

Asma aníng baraá muunaáeene hara'ayár Mungú an sa qwalalaá/.

DABE 5:10

Ala kudá' aníng i sla'á' nee hara'ayar'eé' ngaa oohiye', in slaá' ar sla'aarír warqawaaká ay nángw sagaáwa kumér kúm.

DABE 7:9

Gimsé, xuaak AAKOÓ MUNGÚ, Munguúhúng, inós an Mungú, a Munguú inkihhimuú koóm, kudá' alqadoorós gaa oh nee sla'aarír warqawaaká gan laqaaqán ay qari sleémeero, dír mukdá' inós gu slaá' nee hara'ayaarós gaa oh.

Ebrania 8:10

Aako i malé kaahi. Hám daxta, alqadoorí an tidá' ni tleehh nee múk Israeli alaá deeloodá' sleémeerowo iwa kaahi. Aníng hara'ayar'eé' an qaás baraá inslaway'ín, nee ngiri gooiím baraá muner'ín. Slám aníng tari Munguúín nee inooín tari muk'eé'.

1 Yohana 2:3

Hara'ayaarós bara oohaán, daqaní aga tsaahhaán adór kura xuaán.

2 Yohana 1:6

Sla'aari a tí, ta hootaán ar adoodá' Mungú tira hara'ayín. Tí an tidá' tinda hara'ayín, adoodá' kara axasé' qaroó alé iimír iimu/uungo tidá' kah, «Hooté' baraá sla'aarír wa ale.»