1 Yohana 5:19 - Biblía Axweesantá Hhohho' ar Mungú 2004

¹⁹ A xuaán adór atén tar múk Mungú, ala yaamu sleémeero kudá' tlaákw gin baliit.

Ya/abtór hho' 1977

¹⁹ A xuaán gídaabá atén a múk Mungú, ala yaamu sleémeero kudá' tlaákw gin baliit.

1 Yohana 5:19 Iomraidhean Croise

Luka 4:6

Neetlaangw iri oó', «Waawuti'iimarí sleémeero nee xirfuuwose ngi kuúngí haniís, asma sleémeero kinga án i haniís, nee án a aleesláw ngiwa haniis dír umuúqo heé ngir sla'a.

Yohana 12:31

Daxta sakwasleemár múk baraaká' yaamu naa xeér. Hám heedá' úr oo yaamuuká' ku tsee/ií kwaahh.

Yohana 14:30

Axweesantá yaariir ar ni dirhúng i malé oo' i káhh, asma heé úr oo yaamuuká' i hi'iit. Ala inós gár i aleeslay i káhh dir'eene.

Yohana 16:11

Daanduú sakwasleemaro asma kudaádá' úr oo yaamu kwaa qaroó sakwasleemuút.

Yohana 17:15

Aníng a fiririimaaká as inooín kiwa hinges baraaká' yaamuwo, ala kiwa xuun dír kudá' tlaakwe.

Rumi 8:16

Qeeru i lamabu'ún dinkwa nee qeeruurén adór atén tar na/aá Mungú.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

2 korinto 4:4

Asma múk haratlintatiaaká, muner'ín kaa taampúy nee munguú yaamuuká'. Gawaá adoorihe inooín gwa/aateemaadá' ló'wa gwa/aatá' arto ngi aleeslay'aaká. Gwa/aateemaadá' amór i dahhiya' a amór Ya/abtór hho' ar xirfuú Kristo. Nee Kristo an slaqsoó Mungú.

2 korinto 5:1

Asma atén a xuaán heémaarén tí tawa hootaan baraaká' yaamuwo, bira hhitirút, atén do' u koomaán gawaá dooriwo, kudaádá' Mungú aa tleéhh. Do'wí a doó alhhe'eesay wásl, oo taa tleehhiiká ar dabaá muu.

Galatia 1:4

Aakoorén Yesu Kristo adoodá' Mungú Baabá aa slaá' gana tleéhh, tiri haniís as daanduú tlakweemaarén, as atén tiwa ba/amisi baraá yaamuuká' tlaakwe awa de'emuuká'.

Efeso 2:2

Qoomaadae kuungá' loohír tlaakw ana oté', tidár yaamuuká'. Kuungá' waawutmoó qeeruú neetlaame, kudá' gáwtí dirií', una eehadé', qeeruudá' gadiyuús hamí baraá múk Mungú gwa sií' wa ale.

2 Timoteo 1:12

Gaarí an gár án nis adoorír slahhahhaa'. Ala aníng a murumiitaaká as slahha'amkwí, asma heedaádá' aníng naa haratlintií' u xuú'. Nee slám aníng a xuú' adór gadaádá' inós naa aníng i haniís, de'eengo ngir aleesláy ay bál alhhe'eesaay.

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.

1 Yohana 3:14

Atén a xuaán adór gwa'ara ngira geexawaán nay waarahhaán amór slafiingw. Tí an xuaán asma hhaeerén i sla'aán. Heé sla'aari wásl i baraá gwa'arár i kaahh.

1 Yohana 3:24

Heé hara'ayár Mungú ga iialooeemiís, in baraawós wa hoot, nee Mungú i baraawós. Gawaá adoorihe a xuaán adór inós ir baraarén wa hoót, ar Qeeruú hhoohhoó' oo Mungú naa atén i haniís.

1 Yohana 5:10

Heé Garmoó Mungú gwa haratlintii', lamabu'uungwí gu kón baraawose. Heé Mungú gwa haratlintii'iiká, a Mungú guna lamusmo tleéhh, asma lamabu'uungwí Mungú Garmaawós nguwa lamabu'ún, gwa haratlintii'iiká.

1 Yohana 5:13

Kaangwí nguna kuungá' i gooiím, asma kawa xua' adór slafíngw alhhe'eesay wásl kur koonda', kuungaádá' umuú Garmoó Mungú ugwa haratlintie'.

1 Yohana 5:15

Atén bara xuaán adór tir axamiís, daqaní umuúqo gár kuwa firiimana, a xuaán adór kara slawaán.

1 Yohana 5:18

Atén a xuaán adór heé taa laqwaál nee Mungú ir tlakweemaá tlehhiitiiká, ala inós ku harmagagaahh nee Garmoó Mungú, tam kudá' tlaákw gu kwatiitiiká.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

Geehhoeemaá 20:3

guri kwaáhh baraá bohongwdá' aa tsaree'. Bohongwdá' guri tseék, guri dugnií qaás, as inós múk xoordu munguwa malé al/agín ay dír kureeridá' kumuú wák i boo/iya'. Ala aluuwo gár kuwa hariím a kun gweer har qoomár niinawe.