1 Yohana 5:18 - Biblía Axweesantá Hhohho' ar Mungú 2004

¹⁸ Atén a xuaán adór heé taa laqwaál nee Mungú ir tlakweemaá tlehhiitiiká, ala inós ku harmagagaahh nee Garmoó Mungú, tam kudá' tlaákw gu kwatiitiiká.

Ya/abtór hho' 1977

¹⁸ Atén a xuaán gídaabá heé taa laqwaál nee Mungú i tlakweemaá tlehhiitiiká, ala inós ku harmagagaahh nee Garmoó Mungú, tam Neetlaangw gu kwatiitiiká.

1 Yohana 5:18 Iomraidhean Croise

WARA'AMI 119:101

Tin il/aám tlehhmi'i sleémeero awa tlakwe, as axweesantók ngiwa oh.

WARA'AMI 119:3

Inooín muruú tlákw ngu tlehhitiaaká, ala umuúqo daqto tan hoot ar adoodá' Mungú i slai.

WARA'AMI 17:4

Muruú tlákw u axweesaaká adór múk hatlá' wa ale. Hara'ayarók a ilaiwawaá/. Loohír tlakuuse a eeharaaká.

WARA'AMI 18:23

Dír geeraawose a dakuúsár koomaaká, nee taa harmagaáhh tlakweemaawo.

WARA'AMI 39:1

Ana oó', «Inkihhimu un tleéhh baraá muruudá' ni tlehhiita, as kahhó' mawa dakuús. Afkwe'eé' un har óh, qoomár múk tlákw bira haratseewúy.»

AXWEESANOÓ SAGALOOA 4:23

Muunaáwók harmagaahheek ta mura' sleémeero oo ta xuunda, asma an dír kutltá slafiingw i dahh.

TLAHHOÓ LAÁWI 11:37

Barnaxes tuua dahaasiingw ngwa i hú', dahaasingwdá' kwa meetagaasiiká.

Matayo 5:37

Ala axweesantahúng masók a ‹Ka hhoo',› laqaá ‹Aasla'áy›. Asma ar dír tihe aa harwaarahh, amór i dahh a amór kudá' tlaákw.»

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Yohana 1:13

Kudá' taa laqwaliiká adór na/iír ale, laqaá ar sla'aarír slaqwa, laqaá ar sla'aarír hee, ala ar sla'aarír Mungú.

Yohana 14:30

Axweesantá yaariir ar ni dirhúng i malé oo' i káhh, asma heé úr oo yaamuuká' i hi'iit. Ala inós gár i aleeslay i káhh dir'eene.

Yohana 15:4

Baraaeé' wa hootaak, nee án baraahúng. Adoodá' halmi kilós ir laqwalaká barnaxes i gawaá xa'anooduú sabiíbuú i dir'aká, tam kuungá' sleeme a adoorí barnaxes a baraaeé' wa hota'aaká.

Yohana 15:7

Kuungá' barnaxes a baraaeé' wa hotá', nee axweesanay'eé' bira baraahúng wa hoót, umuúqo gár ta sla'a'a firiimaak, kingi haniis.

Yohana 15:9

Adoodá' Baabá aníng ira slaá', aníng sleeme kuungá' nuna adoodár slaá', baraá sla'aarir'eé' wa hootaak.

Tlehhema'aá ya/Abuuse 11:23

Qoomár inós iwa hardáh, tsuuqaá Mungú ngiwa ár, ina qwalaá/, giri báy, «Aako ooha hhe'eesaak baraá munerhunge.»

Yakobo 1:18

Gawaá sla'aarirose inós atén tina laqwaál ar axweesantá looeema. Adoorí gana tleéhh as atén tawa adór bu'uungós tleehhitaan, kudá' aa giirin, baraá muruuwós kudá' sleémeero aa tleehhi.

Yakobo 1:27

Diínír hhoohhoo', ar slasla/areeká dír geeraá Mungú Baabahe, a tí, panaay nee /ameenár kwaeeli kiwa amohhe'eemisa' baraá slahh'amuuine, nee kuungá' tiwa harmagahha' nee tlakweemaá yaamu.

1 Petro 1:23

Asma kuungá' tunda laqwaál sagaáwa tsare, ar xwaylár slaqwtooká, ala ar xwaylár qeeru. Xwaylarí ina tleehharút ar /uuruú axweesantá Mungú, tidá' slafíngw koom, nee slám i hotaatiín ay alhhe'eesay wasle.

1 Yohana 2:29

Kuungá' a xuá' adór inós tar kudá' gan'amuú koóm. Gawaá adoorihe xuaak sleeme adór umuúqo heé hota ganaá' kura laqwaál nee inós.

1 Yohana 3:12

Atén mawa adór Kaini tleehhitaán. Inós bartá kudá' tlaákw gana áy, hhiyaawós guri gaás. Kaini hhiyaawós gár ngusa gaás a milá? Gár ngusa gaás a tlehhemi'iiwós kin tlakw, ala awa hhiyaawós in ganaaiyá'.

1 Yohana 3:3

Ala umuúqo heé harahhifór adoorí ga koóm gawaá Yesuwo, tin kilós hhoohhooeemiis adoodá' Yesu kur hhoohhoó'.

1 Yohana 3:9

Umuúqo heé taa laqwaali nee Mungú, tlakweema gi tlehhaahhitiiká, asma aleesleemuú Mungú i baraawós i dirii'. Slám i kumiitiiká tlakweema tlehhtuwo, asma inós a na/oó Mungú.

1 Yohana 4:6

Atén awa Mungú, umuúqo heé Mungú gu xuú', axweesantarén ga axamiis, múk Munguheeká axweesantarén ga axamiisiiká. Ar adoorihe qeeruú ló' u tsaahhaán nee qeeruú lamto.

1 Yohana 5:1

Umuúqo heé adoorí gaa haratlintii' adór Yesu tar Kristo, heewí kwa laqwaál nee Mungú. Heé baabuú na/aay gu slaá', na/aydá' baabá aa laqwaál gu slaa' sleeme.

1 Yohana 5:15

Atén bara xuaán adór tir axamiís, daqaní umuúqo gár kuwa firiimana, a xuaán adór kara slawaán.

1 Yohana 5:19

A xuaán adór atén tar múk Mungú, ala yaamu sleémeero kudá' tlaákw gin baliit.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.

1 Yohana 5:21

Laqwalór ninakw, munguaá lamto ti harmagahhe'.

1 Yohana 5:4

Heé taa laqwaál nee Mungú, yaamu gir baa/. Mungú bura haratlintiaán, haratlintaaoorén tí an gár yaamu gir baa/.

Yuda 1:21

Kuungá' kumiité' baraá sla'aarír Munguhe, nee slafíngw alhhe'eesay wásl kuwa daamaaraanda', kudá' Aako Yesu Kristo ni haniisi ar gurtleemuuwós.

Yuda 1:24

Mungú kuungá' nu aleesláy nuwa de'en as dukuutsmo munduwa tuú', slám nuri sihhitis dír geeraá xirfuuwós tawa múk xaslxaansli wásl, nee tawa múk baraá qwal/uú úr.

Geehhoeemaá 2:13

Kuúng dír ta hot aníng a xuú'. Kuúng dír ta hot a didár kitángw aleesleemu oo Neetlaangw. Ala án kuúng iga sa tlankká, slám ana kumaamít aníng iwa haratlintaati' tam qoomár de'emaá Antipa lamabu'usmooeé', slám a lamabu'usmooeé' oo inkihhím. Inós kuna gaás baraá tla/angwhúng i alé, didá' Neetlaangw i hooti.