1 Yohana 5:11 - Biblía Axweesantá Hhohho' ar Mungú 2004

¹¹ Lamabu'uungw an kwí, Mungú slafíngw alhhe'eesay wásl nguna haniís. Slafiingwí naa haniís i baraá Garmaawós i dirii'.

Ya/abtór hho' 1977

¹¹ Lamabu'uungw an kwí, Mungú slafíngw alhhe'eesay wásl nguna haniís. Slafiingwí naa haniís i baraá Garmaawós i dirii'.

1 Yohana 5:11 Iomraidhean Croise

Matayo 25:46

Nee kukaáká' niri tlayá', niri dahamaá ayá' baraá sakwasleemár alhhe'eesay wasl. Ala mukdá' hota ganaá' tan dahamaá áy baraá slafíngw alhhe'eesay wásl.»

Yohana 1:19

Múk Yahudi oo baraá Yerusalemu kaahamuusér Mungú nee múk tlahhoó Laáwi kina ya/aáw amór Yohane, as kuwa yaahaasi tawa kaahi, «Kuúng a heemá?»

Yohana 1:4

Slafíngw alhhe'eesay wásl in baraawós i dirii', nee slafingwí an gwa/aateemaá muu sleémeero.

Yohana 10:28

Aníng u slafíngw alhhe'eesay wásl i haniís, nee inós i baloó qwaariiká. Slám heé gu gawaá dakw'eé' wa hayóh i kaahh.

Yohana 12:50

Nee aníng a xuú' adór hara'ayaarós tar slafíngw alhhe'eesay wásl. Gawaá adoorihe axweesantá án ni axwees, a tidá' Baabá aníng iga báy.»

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Yohana 19:35

Kudá' tí gaa ar, gana lamabu'ún, as kuungá' sleeme kawa haratlintia'. Lamabu'uungós oo ló'. Inós ga xuu' adór kaangwí i kaahi tar ló'.

Yohana 3:36

Heé Garma gwa haratlintii', slafíngw alhhe'eesay wásl gu kón. Heé Garma gwa haratlintii'iiká slafiingw gu ariiká, aqo har sakwasleemár Mungú gun i dirí' daqisleém.»

Yohana 4:36

Heé bu'úngw aa'áw bu'utu gu sláy, balaangw guri burumbuur. Bu'uungwí an mukdá' slafíngw alhhe'eesay wásl gu sláw. Gawaá adoorihe heé aa dahaasin nee oo aa bu'un ta al qwalalaa/.

Yohana 4:4

Iri waaraáhh ar tla/ángw Samaria asma adór yaamuudá' ooharo ngir may i káhh.

Yohana 5:21

Asma adoodá' Baabá tu'u ngir waaslee/atimisi nee ngir slafimisi, Garma sleeme mukdá' inós aa tsawaár, gun slafimis.

Yohana 5:26

Asma adoodá' Baabá ir slafíngw kon, nee Garma sleeme gwa slafíngw i haniís.

Yohana 6:40

Asma Baabuúeé' gár i slai a tí, ‹Umuúqo heewo oo Garma gwa i qaytsiit, nee guri haratlintií', masók slafíngw alhhe'eesay wásl gu kón. Nee aníng nguri waaslee/atís bál deelór alhhe'eesaywo.› »

Yohana 6:47

Án a kah, heé aníng iga haratlintii', slafíngw alhhe'eesay wásl gu kón.

Yohana 6:68

Simon Petro Yesu guri báy, «Aáko, amór ta kawaan a amór heemá? Asma kuúng axweesantá slafíngw alhhe'eesay wásl a koón.

Rumi 5:21

Gawaá adoorihe, adoodá' tlakweema nira baaliné' ar loohír gwa'ara, adoorí an adór gurtleemuú Mungú ir baalin ar loohír gan'amu, slafíngw alhhe'eesay wásl nguri huuw ar loohír Yesu Kristo, Aakoorén.

Rumi 6:23

Asma bu'utuú tlakweema a gwa'ara, ala gár Mungú atén tir qay a slafíngw alhhe'eesay wásl baraá Kristo Yesu Aakoorén.

1 Timoteo 1:16

Gawaá adoorihe gaarí an gár án gurtleemu ngusa sláw, as Yesu Kristo qiqtliingós nguwa laqán dir'eé' alé, aniíduú tlakusmoó úr, as aníng niwa slaqsaay tleehhiit dír mukduú hatlá' oo aluú wa haratlintiia, nee slafíngw alhhe'eesay wásl kuwa slay.

Tito 1:2

nee sleeme as harahhifór slafíngw alhhe'eesay wásl kawa slay, kudá' Mungú aa qaroó geerií al'axweés iimír iimu/uungo, Mungú lama ga ooiiká.

1 Yohana 2:25

Al'axweesantá inós naa dirén i oó' a tí, slafíngw alhhe'eesay wásl kuwa slawaan.

1 Yohana 4:10

Sla'aari an tí, Mungú atén tina slaá', a kaahaká atén inós una sla'aán. Garmaawós nguna ya/aáw asma atén nee Mungú tiwa haraki/isi, nee wayda nguwa tleehhi as tlakweemaarén.

1 Yohana 4:9

Adoorihe sla'aarír Mungú kinga amoorén i geehhooatís, asma Mungú Garmaawós oo kilós ngwa ya/aáw baraá yaamií ale, as kahhó' inós kuwa slafíngw ar slawaan.

1 Yohana 5:10

Heé Garmoó Mungú gwa haratlintii', lamabu'uungwí gu kón baraawose. Heé Mungú gwa haratlintii'iiká, a Mungú guna lamusmo tleéhh, asma lamabu'uungwí Mungú Garmaawós nguwa lamabu'ún, gwa haratlintii'iiká.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.

1 Yohana 5:7

Asma awa ngu lamabu'uumá' a tám [gawaá dooriwo, a Baabá, nee Axweesani, nee Qeeruú hhoohhoó', ala kuká' tám a wak.

3 Yohana 1:12

Demetrio ku lamabu'úngw hhó' i kah nee muu sleémeero. Tam looeemaá kilá' sleeme ngu lamabu'uná'. Ala atén sleeme un lamabu'uumaán, nee kuúng a xú' adór gár atén ta kaahaan tar ló'.

Yuda 1:21

Kuungá' kumiité' baraá sla'aarír Munguhe, nee slafíngw alhhe'eesay wásl kuwa daamaaraanda', kudá' Aako Yesu Kristo ni haniisi ar gurtleemuuwós.

Geehhoeemaá 1:2

Nee Yohane muruudá' sleémeero aa ár guri alki/iít. Inós axweesantá Mungú gari lamabu'ún, nee lamabu'úngw Yesu Kristo sleeme.

Geehhoeemaá 22:1

Aluuwo malaykamoodá' yaaér ma'aá slafíngw koom ngiri laqán. Yaaeedá' ma'aywós i gwa/aatiyá' adór looa. Yaaeerí dír niwa wa/amiin a baraá kitangwduú aleesleemu oo Mungú nee oo Deelmoó bee/i,